Category: India

ആരാധകരുടെ പ്രതീക്ഷകൾ തകർത്തുകൊണ്ട് മലയാളി താരം സഞ്ജു സാംസണ് പവലിയനിലേക്കുള്ള വഴി കാണിച്ച് വെസ്റ്റിൻഡീസ് താരം ഒഡീൻ സ്മീത്ത്. മത്സരത്തിന്റെ പതിനാറാം ഓവറിലെ രണ്ടാം പന്തിലാണ് ഒഡീൻ സ്മിത്ത് സഞ്ജുവിന്റെ ഓഫ് സ്റ്റമ്പ്‌ പിഴുതെറിഞ്ഞത്.

ഒരു മികച്ച ഫിനിഷിങ് പ്രകടനം സഞ്ജുവിൽ നിന്ന് ഉണ്ടാകുമെന്ന് പ്രതീക്ഷിച്ച് കാത്തിരുന്ന ആരാധകരുടെ ഹൃദയം തകർത്തത് ഐപിഎല്ലിൽ പഞ്ചാബ് കിംഗ്സ് താരമായ സ്മിത്ത്. തന്റെ ആദ്യ ഓവറിൽ 15 റൺസ് വഴങ്ങിയതിന് ശേഷം പിന്നീട് പതിനാറാം ഓവർ ആണ് എറിയാൻ എത്തിയത്. ആദ്യ പന്തിൽ സിംഗിൾ കളിച്ച ഹാർദിക് സഞ്ജുവിന് സ്ട്രൈക്ക് കൈമാറി.

രണ്ടാം പന്തിൽ സഞ്ജു ക്ലീൻ ബോൾഡ് ആകുകയായിരുന്നു. സാധാരണ സഞ്ജു ബോൾഡ് ആയി പുറത്താകുന്നത് വളരെ അപൂർവമായി മാത്രമേ കാണാറുള്ളൂ. അതും നല്ല പേസ് കൂടിയ പന്തുകളിൽ സഞ്ജുവിന് ബാറ്റ് കൊള്ളിക്കാൻ കഴിയാതെ ഇരിക്കുന്നതും അപൂർവങ്ങളിൽ അപൂർവമായ ഒരു കാര്യമായിരുന്നു. എന്നാൽ ഇന്ന് സഞ്ജുവിന് രണ്ടും സംഭവിച്ചു.

സിംപിൾ ആയി തേർഡ് മാനിലേക്ക് കളിച്ചു ഒരു റൺ നേടാൻ ആയിരുന്നു സഞ്ജുവിന്റെ ശ്രമം. എന്നാലിന്ന് പന്ത് ഒരല്പം വേഗത്തിൽ ബാറ്റിന് അടിയിലൂടെ പാഞ്ഞു. ഓഫ് സ്റ്റമ്പ് അന്തരീക്ഷത്തിൽ പറന്നുയർന്നു തെറിച്ചുപോയി. 11 പന്തിൽ നിന്നും രണ്ട് ബൗണ്ടറി അടക്കം ആകെ 15 റൺസ് ആണ് സഞ്ജു ഇന്ന് പരമ്പരയിലെ അവസാന ട്വന്റി ട്വന്റി മത്സരത്തിൽ നിന്നും നേടിയത്.

ഇതോടെ ഏഷ്യ കപ്പ് ടീമിൽ ഇടം നേടാൻ ഉള്ള ഒരു വിദൂര സാധ്യത കൂടിയാണ് നഷ്ടമായത് എന്ന് കരുതുന്നു. ശ്രേയസ് അയ്യർ ആകട്ടെ ഇന്ന് മികച്ച രീതിയിൽ പ്രകടനം നടത്തുകയും ചെയ്തു. ഇനി ആരെ പുറത്തിരുത്തി സഞ്ജുവിന് ടീമിൽ ഇടം പിടിക്കാൻ കഴിയും? ഇന്ന് ഒരു നല്ല ഫിനിഷിങ് പ്രകടനം നടത്തിയിരുന്നു എങ്കിൽ പിന്നെയും ഒരു ചെറിയ പ്രതീക്ഷ വയ്ക്കാമായിരുന്നു.

മലയാളികളുടെ നെഞ്ച് തകർത്ത് സഞ്ജുവിൻ്റെ സ്റ്റംപ് തെറിപ്പിച്ചു ഒടിയൻ സ്മിത്ത് ; വിഡിയോ കാണാം.

നേരത്തെ ടോസ് നേടിയ ഇന്ത്യ ബാറ്റിംഗ് തെരഞ്ഞെടുത്തു. രോഹിത് ശർമയ്ക്ക് വിശ്രമം നൽകിയപ്പോൾ ഹാർദ്ധിക്കാണ് ഇന്ത്യയെ നയിച്ചത്. ഋഷഭ് പന്ത്, സൂര്യ കുമാർ യാദവ്, രോഹിത് ശർമ, ഭുവനേശ്വർ കുമാർ എന്നിവർക്ക് ഇഷേൻ കിഷൻ, ശ്രേയസ് അയ്യർ, കുൽദീപ് യാദവ്, ഹാർധിക് പാണ്ഡ്യ എന്നിവർ പകരക്കാരായി.

അയ്യരാണ് ഇന്ത്യയുടെ ടോപ് സ്കോറർ. 40 പന്തുകളിൽ നിന്നും രണ്ട് സിക്സും 8 ഫൊറും അടക്കം 64 റൺസ് ആണ് അയ്യർ നേടിയത്. ദീപക് ഹൂഡ 38 റൺസും പാണ്ഡ്യ 28 റൺസും നേടി. 20 ഓവറിൽ 7 വിക്കറ്റ് നഷ്ടത്തിൽ 188 റൺസ് നേടിയിട്ടുണ്ട് ടീം ഇന്ത്യ. ഒഡീൻ സ്മീത്ത് 4 ഓവറിൽ 33 റൺസ് വഴങ്ങി മൂന്ന് വിക്കറ്റ് സ്വന്തമാക്കി.

രാജസ്ഥാൻ റോയൽസ് സഹതാരത്തിനോട് ഒരു ദാക്ഷിണ്യവും കാണിക്കാതെ സഞ്ജു സാംസൺ. ഇടങ്കയ്യൻ പേസർ ഒബേദ് മക്കോയി തനിക്കെതിരെ എറിഞ്ഞ ആദ്യ പന്തിൽ തന്നെ സിക്സ് പായിച്ചു സഞ്ജു നയം വ്യക്തമാക്കി. മത്സരത്തിന്റെ പതിനഞ്ചാം ഓവറിലെ ആദ്യ പന്തിലായിരുന്നു സംഭവം.

ആദ്യം എറിഞ്ഞ രണ്ട് ഓവറിൽ 36 റൺസ് വഴങ്ങിയ മക്കൊയി പിന്നീട് എറിയാൻ എത്തിയത് 15 ആം ഓവറിൽ ആയിരുന്നു. രാജസ്ഥാൻ നെറ്റ് സെഷനിൽ ഒരുപാട് തവണ മാക്കോയിയെ നേരിട്ട് പരിചയ സമ്പത്ത്‌ ഉള്ള സഞ്ജു അനായാസമായി പന്ത് ബൗണ്ടറിക്ക് മുകളിലൂടെ പായിച്ചു. ഗുഡ് ലെങ്ങ്‌തിൽ പിച്ച് ചെയ്ത ശേഷം ശരീരത്തിലേക്ക് വന്ന പന്തിനെ ഡീപ് സ്ക്വയർ ലെഗിലേക്ക്‌ പുൾ ഷോട്ട് കളിചുകൊണ്ടാണ് സഞ്ജു മേധാവിത്വം നേടിയത്.

നേരത്തെ നടന്ന രണ്ടാം ട്വന്റി ട്വന്റി മത്സരത്തിൽ 17 റൺസ് വഴങ്ങി ആറ് വിക്കറ്റ് സ്വന്തമാക്കി ഒരു വെസ്റ്റ് ഇന്ത്യൻ ബോളറുടെ ട്വന്റി ട്വന്റി യിലെ മികച്ച പ്രകടനത്തിന്റെ റെക്കോർഡ് കരസ്ഥമാക്കിയിരുന്നു മാക്കോയ്. എന്നാലിപ്പോൾ ഒരു വെസ്റ്റ് ഇന്ത്യൻ ബോളറുടെ ഏറ്റവും മോശം പ്രകടനത്തിനുള്ള നാണക്കേടിന്റെ റെക്കോർഡും സ്വന്തം പേരിലാക്കി. ഇന്നലെ നടന്ന നാലാം മത്സരത്തിൽ 4 ഓവറിൽ 66 റൺസ് വഴങ്ങി താരം.

രാജസ്ഥാൻ റോയൽസ് ടീമിൽ സ്ഥിരമായി പകരക്കാരുടെ ബഞ്ചിലായിരുന്നു ഒബേദ്‌ ഉണ്ടായിരുന്നത്. പിന്നീട് കളിക്കാൻ അവസരം ലഭിച്ചപ്പോൾ മികച്ച പ്രകടനം നടത്തി ടീമിൽ തുടരാൻ അർഹത നേടി. ചില അവസരങ്ങളിൽ തുടരെ ബൗണ്ടറികൾ വഴങ്ങിയ അദ്ദേഹത്തിന് നായകൻ സഞ്ജു സാംസൺ വീണ്ടും വീണ്ടും പ്രചോദനം നൽകുന്ന ഒട്ടേറെ അവസരങ്ങൾ കാണാമായിരുന്നു. ടീമിന്റെ വിജയത്തിൽ നിർണായകമായ ഒരുപാട് സംഭാവനകൾ ഇതിനകം നൽകിയ മക്കോയിക്ക് ഒരു നായകൻ എന്ന നിലയിൽ സഞ്ജു സാംസൺ നൽകിയ പരിഗണനയും കരുതലും വളരെ വലുതായിരുന്നു.

നാലാം മത്സരത്തിൽ 59 റൺസിന്റെ വിജയം നേടിയ ടീം ഇന്ത്യ 3-1 ന്‌ പരമ്പരയിൽ മുന്നിലെത്തി. നേരത്തെ ടോസ് നേടിയ വെസ്റ്റിൻഡീസ് നായകൻ നിക്കോളാസ് പുരാൻ ഫീൽഡിംഗ് തെരഞ്ഞെടുക്കുകയായിരുന്നു. മഴ പെയ്തിരുന്നത് കൊണ്ട് പിച്ചിലെ ഈർപ്പം മുതലാക്കാൻ വേണ്ടിയാണ് ബോളിങ് എടുത്തത്. എങ്കിലും രോഹിത് ശർമയും സൂര്യ കുമാർ യാദവും ഇന്ത്യക്ക് മിന്നുന്ന തുടക്കമാണ് സമ്മാനിച്ചത്. വെസ്റ്റിൻഡീസ് ബോളർമാരെ തലങ്ങും വിലങ്ങും പ്രഹരിച്ച ഇരുവരും തമ്മിൽ ആദ്യ വിക്കറ്റിൽ വെറും 4.4 ഓവറിൽ 53 റൺസിന്റെ കൂട്ടുകെട്ടാണ് ഉണ്ടാക്കിയത്. രോഹിത് ശർമ 33 റൺസും സൂര്യകുമാർ യാദവ് 24 റൺസും ദീപക് ഹൂഡ 21 റൺസും എടുത്ത് പുറത്തായി. 31 പന്തിൽ നിന്നും ആറ് ബൗണ്ടറി സഹിതം 44 റൺസ് ആണ് പന്ത് നേടിയത്.

മലയാളി താരം സഞ്ജു സാംസൺ 23 പന്തിൽ 1 സിക്സും 2 ബൗണ്ടറിയും അടക്കം 30 റൺസുമായി നോട്ടൗട്ട് ആയി. വെറും 8 പന്തുകളിൽ നിന്ന് 2 സിക്സും 1 ബൗണ്ടറിയും നേടിയ അക്ഷാർ 20 റൺസുമായ്‌ പുറത്താകാതെ നിന്നു. നിശ്ചിത 20 ഓവറിൽ ഇന്ത്യ അഞ്ച് വിക്കറ്റ് നഷ്ടത്തിൽ 191 റൺസ് എടുത്തു. മറുപടി ബാറ്റിംഗിനിറങ്ങിയ വെസ്റ്റ് ഇൻഡീസ് ടീമിന് കൃത്യമായ ഇടവേളകളിൽ വിക്കറ്റ് നഷ്ടമായി. 19.1 ഓവറിൽ 132 എടുക്കാനേ കഴിഞ്ഞുള്ളൂ.

മക്കോയിനെ സിക്സ് പറത്തി സഞ്ജു : വിഡിയോ കാണാം.

നാല് ഓവറിൽ 17 റൺസ് വഴങ്ങി രണ്ടു വിക്കറ്റ് നേടിയ ആവേഷ്‌ ഖാൻ ആണ് കളിയിലെ കേമൻ. അർഷഡീപ് സിംഗ് മൂന്ന് വിക്കറ്റും അക്ഷർ പട്ടേൽ, രവി ബിഷ്‌നോയി എന്നിവർ രണ്ടു വിക്കറ്റും നേടി. 24 റൺസ് വീതം നേടിയ റൊവ്മാൻ പവലും നിക്കോളാസ് പുരാനും ആണ് വെസ്റ്റിൻഡീസ് ടീമിന്റെ ടോപ് സ്കോറർമാർ.