ഇന്ത്യ ശ്രീലങ്ക രണ്ടാം ഏകദിന മത്സരം ആവേശകരമായി പുരോഗമിക്കുകയാണ്. ടോസ് നേടിയ ശ്രീലങ്ക നായകൻ അസ്സലങ്ക ബാറ്റിംഗ് തിരഞ്ഞെടുത്തു. മാറ്റങ്ങൾ ഒന്നുമില്ലാതെയാണ് ഇന്ത്യയിറങ്ങിയത്.
ശ്രീലങ്ക ഒരു മാറ്റവുമായിയാണ് ഇറങ്ങിയത്. ഹസരംഗ പരിക്ക് പറ്റി പുറത്തായിയിരുന്നു. അദ്ദേഹത്തിന് പകരം വാണ്ടർസെയേ ശ്രീലങ്ക ടീമിലേക്ക് എടുത്തു.എന്നാൽ ഇപ്പോൾ ക്രിക്കറ്റ്‌ ആരാധകരുടെ ഇടയിലെ ചർച്ച വിഷയം രോഹിത് ശർമയുടെ ബൗളിങ്ങാണ്.
രണ്ട് ഓവറുകളാണ് ഇന്ന് രോഹിത് എറിഞ്ഞത്.11 റൺസ് മാത്രമാണ് വിട്ട് കൊടുത്തത്.ശ്രീലങ്ക ഇന്നിങ്സിന്റെ 39 മത്തെയും 41 മത്തെയും ഓവറാണ് അദ്ദേഹം ബൗൾ ചെയ്തത്.മാത്രമല്ല ഇന്ത്യക്ക് വേണ്ടി സച്ചിനും വെങ്കട്ടരാഘവനും ശേഷം ഏകദിന ക്രിക്കറ്റിൽ ബൗൾ ചെയ്ത ഏറ്റവും പ്രായം കൂടിയ താരം എന്നാ നേട്ടവും രോഹിത് സ്വന്തമാക്കി.