രോഹിത് ശർമ എന്നും ക്രിക്കറ്റ്‌ ഫീൽഡിൽ ഒരുപാട് രസകരമായ കാര്യങ്ങൾ ചെയ്യുന്ന ഒരാളാണ്. ഫീൽഡിൽ എന്നും ഏറ്റവും മികച്ച രീതിയിൽ സഹതാരങ്ങൾക്ക് ഒപ്പം തമാശകൾ പങ്കിടാൻ അദ്ദേഹം ഉണ്ടാവും. ഇപ്പോൾ അത്തരത്തിലുള്ള ഒരു സംഭവം കൂടി സംഭവിച്ചിരിക്കുകയാണ്.
ശ്രീലങ്ക ഇന്നിങ്സിന്റെ 36 മത്തെ ഓവർ. സുന്ദറാണ് പന്ത് എറിയുന്നത്. ഓവറിലെ രണ്ടാമത്തെ പന്ത് എറിയാൻ അദ്ദേഹം വരുന്നു. എന്നാൽ റൺ അപ്പ്‌ പൂർത്തിയാക്കാതെ ആ ഡെലിവറി അദ്ദേഹം പിൻവലിച്ചു.വീണ്ടും പന്ത് എറിയാൻ സുന്ദർ എത്തുന്നു.ഈ തവണയും സുന്ദർ ആ ഡെലിവറിയും പിൻവലിക്കുന്നു.
ഇത് കണ്ട രോഹിത് ശർമ രസകരമായ ഒരു റിയാക്ഷൻ കാണിക്കുന്നു.സുന്ദറിനെ ഇടിക്കാൻ വരുന്ന രീതിയിൽ രോഹിത് ഒരു ആക്ഷൻ കാണിക്കുന്നു. സുന്ദർ ചിരിച്ചു രസകരമായ ആ നിമിഷം അവസാനിപ്പിക്കുന്നു.