അന്താരാഷ്ട്ര ഏകദിന ലോകക്കപ്പ് ഫൈനൽ തീർത്തും വാശിയേറിയ രീതിയിൽ തന്നെയാണ് തുടങ്ങിയിരിക്കുന്നത്. ടോസ് നേടിയ ഓസ്ട്രേലിയ നായകൻ പാറ്റ് കമ്മിൻസ് ബൗളിംഗ് തിരെഞ്ഞെടുത്തു. ഒരു മാറ്റവും ഇല്ലാതെയാണ് ഇരു ടീമുകളും കളിക്കാൻ ഇറങ്ങിയത്.
ഇന്ത്യക്ക് മികച്ച തുടക്കം തന്നെയാണ് രോഹിത് നൽകിയത്. ഹെയ്സ്ൽവുഡാണ് രോഹിത്തിന്റെ ബാറ്റിന്റെ ചൂട് നന്നായി അറിഞ്ഞത്. എന്നാൽ ഗിൽ തീർത്തും നിറമങ്ങിയ കാഴ്ചയാണ് ഫൈനലിൽ കണ്ടത്.സ്റ്റാർക്ക് എറിഞ്ഞ അഞ്ചാമത്തെ ഓവർ.
ഒരു ബാക്ക് ഓഫ് ലെങ്ത് ഡെലിവറി. തന്റെ ഏറ്റവും മികച്ച ഷോട്ടുകളിൽ ഒന്ന് ഗിൽ പുറത്ത് എടുക്കുന്നു. എന്നാൽ ടൈമിംഗ് തെറ്റി നേരെ മിഡ്‌ ഓണിൽ സാമ്പയുടെ കയ്യിൽ ഗിൽ അവസാനിക്കുന്നു.7 പന്തിൽ 4 റൺസാണ് ഗിൽ സ്വന്തമാക്കിയത്.