Author: mathewsrenny

ക്രിക്കറ്റ്‌ ആരാധകർ കാത്തിരുന്ന ഏഷ്യ കപ്പ്‌ ഇന്ന് ആരംഭിച്ചു. വർഷങ്ങൾക്ക് ശേഷം പാകിസ്ഥാൻ വെച് നടന്ന ഏഷ്യ കപ്പ്‌ മത്സരത്തിൽ നേപ്പാളായിരുന്നു പാകിസ്ഥാന്റെ എതിരാളികൾ. ടോസ് നേടിയ പാകിസ്ഥാൻ ക്യാപ്റ്റൻ ബാബർ അസം ബാറ്റിംഗ് തിരഞ്ഞെടുത്തു. നേപ്പാളിന് എതിരെ കൂറ്റൻ സ്കോർ പടുത്തുയർത്താൻ തന്നെയായിരുന്നു ബാബർ ബാറ്റിംഗ് തിരഞ്ഞെടുത്തു.

എന്നാൽ നേപ്പാൾ അത്ര എളുപ്പത്തിൽ വിട്ട് കൊടുക്കാൻ തയ്യാറായില്ല. ഓപ്പൺർമാരായ ഫഖറും ഇമാമും പെട്ടെന്ന് മടങ്ങി. ബാബറും റിസ്വാനും ഇന്നിങ്സ് മുന്നോട്ടു നയിച്ചു. എന്നാൽ ഇപ്പോൾ ക്രിക്കറ്റ്‌ ആരാധകരുടെ ഇടയിൽ ചർച്ചയാകുന്നത് റിസ്വാന്റെ റൺ ഔട്ടാണ്. മികച്ച രീതിയിൽ മുന്നോട്ടു പോകുകയായിരുന്നു ബാബർ റിസ്വാൻ കൂട്ടുകെട്ട്.

ലാമിച്ചനെ എറിഞ്ഞ പന്ത് റിസ്‌വാൻ കവർ പോയിന്റിലേക്ക് തട്ടിയിട്ടു സിംഗിളിനായി ഓടുന്നു.ബൗളേർ എൻഡിലേക്ക് ഒരു ഡയറക്റ്റ് ഹിറ്റ്‌. സുഖമായി ബാറ്റ് ക്രീസിൽ കുത്താമെന്ന് ഇരിക്കെ അദ്ദേഹം പന്ത് ദേഹത്ത് കൊള്ളാതിരിക്കാൻ ചാടുന്നു. പന്ത് നേരെ ചെന്ന് ബൌളിംഗ് എൻഡിലെ സ്റ്റമ്പ് ഇളക്കുന്നു. റിസ്വാൻ റൺ ഔട്ടാകുന്നു.44 റൺസാണ് റിസ്വാൻ സ്വന്തമാക്കിത്

pic.twitter.com/MDOLt44yjD

— Xtremedesportes (@xtremedesporte) August 30, 2023

ക്രിക്കറ്റ്‌ ആരാധകർക്ക് ഈ വരുന്ന മാസം ആവേശത്തിന്റെ മാസമാണ്. ഏഷ്യ കപ്പും ഓസ്ട്രേലിയ സൗത്ത് ആഫ്രിക്ക, ഇംഗ്ലണ്ട് ന്യൂസിലാൻഡ് പരമ്പരകൾ എല്ലാം ആരംഭിക്കുകയാണ്. എന്നാൽ ക്രിക്കറ്റ്‌ ആരാധകർ ഏറെ കാത്തിരിക്കുന്ന മത്സരം ഇന്ത്യ പാകിസ്ഥാൻ ഏഷ്യ കപ്പ്‌ മത്സരം തന്നെയാണ്.

സെപ്റ്റംബർ 2 ന്നാണ് ഈ മത്സരം ആരംഭിക്കുന്നത്. പാകിസ്ഥാനെ ഏറ്റവും മികച്ച രീതിയിൽ നേരിടുന്ന ഇന്ത്യൻ താരം മറ്റാരുമല്ല. അത് സാക്ഷാൽ വിരാട് കോഹ്ലി തന്നെയാണ്. പാകിസ്ഥാനെതിരെയുള്ള മത്സരങ്ങളിൽ എല്ലാം ഇന്ത്യയുടെ വിജയശില്പിയും കോഹ്ലി തന്നെയാവരാണ്. കഴിഞ്ഞ ട്വന്റി ട്വന്റി ലോകക്കപ്പിലും നമ്മൾ ഇത് കണ്ടതാണ്.

ഇപ്പോൾ ഏഷ്യ കപ്പിന് വേണ്ടി പരിശീലന മത്സരങ്ങളിൽ മികച്ച രീതിയിൽ തന്നെയാണ് കോഹ്ലി ബാറ്റ് ചെയ്യുന്നത്.ബാംഗ്ലൂരിലാണ് പരിശീലന ക്യാമ്പിലാണ് ഈ മത്സരങ്ങൾ. അവിടെ സിറാജിനെ കൂറ്റൻ സിക്സറുകൾ പറത്തി തന്നെ പാകിസ്ഥാൻ പേസ് നിരയേ നേരിടാൻ കോഹ്ലി തയ്യാറായി കഴിഞ്ഞു. സെപ്റ്റംബർ 2 ന്ന് വേണ്ടി നമുക്ക് കാത്തിരിക്കാം.

Prep mode 🔛

Energy levels high 💪

Getting into the groove in Alur 👌#TeamIndia | #AsiaCup2023 pic.twitter.com/rHBZzbf4WT

— BCCI (@BCCI) August 29, 2023

റെഡ് കാർഡുകൾ നമുക്ക് പരിചയം ഫുട്ബോളിലാണ്. മാരകമായ ഫൗളുകൾ ഫുട്ബോളിൽ നടത്തുമ്പോളാണ് ഈ റെഡ് കാർഡുകൾ റഫറിമാർ ഉപയോഗിക്കുക. റെഡ് കാർഡ് ഒരു താരത്തിന് നൽകിയാൽ പിന്നീട് ആ താരത്തിന് മത്സരത്തിൽ തുടർന്ന് കളിക്കാനും സാധിക്കില്ല

.എന്നാൽ ഇപ്പോൾ ക്രിക്കറ്റിൽ ഇത്തരത്തിൽ ഒരു മാറ്റത്തിന് തുടക്കമിട്ടിരിക്കുകയാണ് കരിബീയൻ പ്രീമിയർ ലീഗ്.ഒരു ട്വന്റി ട്വന്റി ഇന്നിങ്സ് നിശ്ചയിച്ച സമയത്തിനുള്ള എറിഞ്ഞു തീർക്കുക.19 ഓവറും കൃത്യ സമയത്ത് എറിഞ്ഞു തീർക്കുക. അല്ലെങ്കിൽ 20 മത്തെ ഓവറിന് മുന്നേ ഒരു ഫീൽഡറേ റെഡ് കാർഡ് കൊടുത്തു ഡഗ് ഔട്ടിലേക്ക് തിരകെ മടക്കേണ്ടി വരും.

കരിബീയൻ പ്രീമിയർ ലീഗ് ക്രിക്കറ്റിന്റെ ചരിത്രത്തിലെ ആദ്യത്തെ റെഡ് കാർഡ് സുനിൽ നരേൻ നിലവിൽ സ്വന്തമാക്കിയിരിക്കുകയാണ്.സെന്റ് കിട്ടിസ്‌ ആൻഡ് നെവിലിസ്റ് പാട്രീയോട്ടസും ട്രിന്ബാഗോ നൈറ്റ്‌ റൈഡർസും തമ്മിലുള്ള മത്സരത്തിലായിരുന്നു സംഭവം.നൈറ്റ്‌ റൈഡർസ് നിശ്ചയിച്ച സമയത്തിനുള്ള ഓവർ എറിയാൻ സാധിക്കാത്തതിനാൽ നൈറ്റ്‌ റൈഡർസ് താരം നരേൻ റെഡ് കാർഡ് മേടിച്ചു പുറത്തേക് പോയി. മത്സരത്തിൽ നൈറ്റ്‌ റൈഡർസ് ആറ് വിക്കറ്റിന് ജയിച്ചു.

SENT OFF! The 1st ever red card in CPL history. Sunil Narine gets his marching orders 🚨 #CPL23 #SKNPvTKR #RedCard #CricketPlayedLouder #BiggestPartyInSport pic.twitter.com/YU1NqdOgEX

— CPL T20 (@CPL) August 28, 2023

കരിബീയൻ പ്രീമിയർ ലീഗിലെ ഒൻപതാമത്തെ മത്സരം. മത്സരത്തിൽ സെന്റ് ലൂസിയ കിങ്സും ട്രിന്ബാഗോ നൈറ്റ്‌ റൈഡർസും തമ്മിൽ ഏറ്റുമുട്ടുകയാണ്. മത്സരം കിങ്‌സ് 54 റൺസിന് വിജയിച്ചു. എന്നാൽ ഇപ്പോൾ ചർച്ചയാകുന്നത് മറ്റൊരു സംഭവമാണ്. എന്താണ് അത് എന്ന് നമുക്ക് പരിശോധിക്കാം.

സെന്റ് ലൂസിയ കിങ്സിന്റെ ഇന്നിങ്സിലെ 12 മത്തെ ഓവർ. കിങ്സിന് വേണ്ടി ബാറ്റ് ചെയ്യുന്നത് ജോൺസൻ ചാൾസാണ്.ഡെയ്ൻ ബ്രാവോയാണ് നൈറ്റ്‌ റൈഡഴ്സിന് വേണ്ടി പന്ത് എറിയുന്നത്. ഓവറിലെ നാലാമത്തെ പന്ത്,ചാൾസ് സ്കൂപ് ചെയ്യാൻ ശ്രമിക്കുന്നു. എന്നാൽ ചാൾസിന്റെ ബാറ്റിൽ തട്ടിയ പന്ത് നേരെ തന്റെ ഹെൽമെറ്റിലേക്ക്.ഹെൽമെറ്റ്‌ തെറിച്ചു വീഴുന്നു.ഹെൽമെറ്റ്‌ നേരെ സ്റ്റപിലേക്ക്.

എന്നാൽ അവിടെ ചാൾസ് തന്റെ ഫുട്ബാൾ സ്കിൽ പുറത്തെടുക്കകയാണ്.ഹെൽമെറ്റ്‌ സ്റ്റപിലേക്ക് വീഴുന്നേ മുന്നേ തന്റെ കാൽ ഹെൽമെറ്റിനെ വഴി തിരിച്ചു വിടുന്നു.മത്സരത്തില്‍ 31 പന്തില്‍ 37 റണ്‍സാണ് ചാര്‍ലീസ് നേടിയത്. ചര്‍ലീസിന്റെ മികവില്‍ സെന്റ് ലൂസിയ 167 റണ്‍സ് വിജയലക്ഷ്യമാണ് ട്രിബാഗോ നൈറ്റ് റൈഡേഴ്‌സിന് മുന്നില്‍ വെച്ചത്.

A scary moment in CPL…!!!

Thankfully Johnson Charles is fine.pic.twitter.com/uHmdxP0Y3q

— Johns. (@CricCrazyJohns) August 26, 2023

ആധുനിക ക്രിക്കറ്റ്‌ കണ്ട ഏറ്റവും മികച്ച ബാറ്റർമാരിൽ ഒരാളാണ് ബാബർ അസം. നിലവിലെ ഏകദിന റാങ്കിങ്ങിൽ ഒന്നാം സ്ഥാനത്ത് നിൽക്കുന്ന ബാറ്റർ കൂടിയാണ് അദ്ദേഹം.പാകിസ്ഥാന്റെ നായകൻ കൂടിയായ അദ്ദേഹം ഇന്ത്യയിൽ നടക്കുന്ന ഈ വർഷത്തെ ഏകദിന ലോകകപ്പ് തന്നെയാണ് ലക്ഷ്യം വെക്കുന്നത്.പക്ഷെ ഇപ്പോൾ നടന്ന് കൊണ്ടിരിക്കുന്ന ബംഗ്ലാദേശ് അഫ്‌ഘാനിസ്ഥാൻ പരമ്പരയിൽ മണ്ടത്തരങ്ങൾ കാണിക്കുകയാണ് പാകിസ്ഥാൻ നായകൻ

.ഇന്നലെ നടന്ന മത്സരത്തിലായിരുന്നു സംഭവം. എന്താണ് ഈ സംഭവം എന്ന് നമുക്ക് പരിശോധിക്കാം.പാകിസ്ഥാൻ അഫ്‌ഘാനിസ്ഥാൻ ഒന്നാം ഏകദിന മത്സരം.ടോസ് നേടിയ ബാബർ ബാറ്റിംഗ് തെരെഞ്ഞെടുക്കുന്നു.ആദ്യ ഓവറിൽ തന്നെ ഫഖർ പുറത്ത്. ബാബർ ക്രീസിലേക്ക്.രണ്ടാമത്തെ ഓവറിൽ കുത്തി തിരിഞ്ഞു വന്ന മുജീബിന്റെ സ്പിന്നിംഗ് ഡെലിവറി നേരെ ബാബറിന്റെ കാലിൽ തട്ടുന്നു.

അമ്പയർ ഔട്ട്‌ വിളിക്കുന്നു. ഏത് ഒരു താരത്തിന്റെ ഒറ്റ നോട്ടത്തിൽ അത് ഔട്ടാണെന്ന് ഉറപ്പുള്ള സാഹചര്യമാണ്. ആ സാഹചര്യത്തിൽ പാക് നായകൻ റിവ്യൂ കൊടുക്കുന്നു. റിവ്യൂയിലും ഔട്ട്‌ ആണെന്ന് എന്ന് വ്യക്തമാവുന്നു. മത്സരം പാകിസ്ഥാൻ 142 റൺസിന്റെ വിജയവും.

Babar Azam departs for a duck!
PAK: 7-2 (2)
.
.#AFGvPAK pic.twitter.com/pO4nFYNjMn

— FanCode (@FanCode) August 22, 2023

കഴിഞ്ഞ ദിവസമാണ് ഇന്ത്യ ഏഷ്യ കപ്പിനുള്ള ടീം പ്രഖ്യാപിച്ചത്. രോഹിത് ശർമ നായകനായ ടീമിൽ രാഹുലും ശ്രെയസും തിരിച്ചുയെത്തിയതാണ് പ്രധാന മാറ്റങ്ങൾ. എന്നാൽ ടീമിൽ സൂര്യ കുമാർ യാദവും ഇടംപിടിച്ചിരുന്നു. സൂര്യയേ ടീമിൽ എടുത്തതിന് ആരാധകർ പല കോണിൽ നിന്നും വിമർശനങ്ങൾ ഉന്നയിക്കുന്നുണ്ട്.

ഏകദിനത്തിൽ വളരെ മോശം പ്രകടനം തന്നെയാണ് സൂര്യ കുമാർ നടത്തുന്നത്. ഏകദിനത്തിൽ മികച്ച പ്രകടനങ്ങൾ നടത്തി കൊണ്ടിരുന്ന സഞ്ജു സാംസണെ ഒഴിവാക്കിയാണ് സൂര്യയേ ടീമിൽ എടുത്തത്.ഇപ്പോൾ ഈ ഒരു കാര്യത്തെ വിമർശിച്ചു കൊണ്ട് മുൻ ഓസ്ട്രേലിയ ഇതിഹാസ താരം ടോം മൂഡി രംഗത്ത് വന്നിരിക്കുന്നയാണ്.സ്റ്റാർ സ്പോർട്സിന്റെ ടോക്ക് ഷോയിലാണ് അദ്ദേഹത്തിന്റെ പ്രതികരണം.അദ്ദേഹത്തിന്റെ വാക്കുകൾ ഇങ്ങനെയാണ്.

“ഭാഗ്യം കൊണ്ട് മാത്രം ടീമിൽ ഇടംപിടിച്ച താരമാണ് സൂര്യ.എങ്കിലും ഏകദിനത്തിൽ അദ്ദേഹം ഇത് വരെ മികവ് തെളിയിച്ചിട്ടില്ല.വളരെ മോശം പ്രകടനങ്ങളാണ് അദ്ദേഹം ഇത് വരെ നടത്തിയിട്ടുള്ളത്.സൂര്യ ട്വന്റി ട്വന്റിയിൽ ഒരു ജീനിയസ് തന്നെയാണ്.പക്ഷെ 50 ഓവർ ഫോർമാറ്റ്‌ തീർത്തും വിത്യസതമാണ്”.30 ഓഗസ്റ്റിനാണ് ഏഷ്യ കപ്പ്‌ ആരംഭിക്കുന്നത്.

വിമർശനകർക്ക് എതിരെ സഞ്ജു സാംസൺ ബാറ്റ് വീശിയിരിക്കുകയാണ്. കഴിഞ്ഞ വെസ്റ്റ് ഇൻഡീസ് പരമ്പരയിലെ മോശം പ്രകടനത്തിന്റെ പേരിൽ ഒരുപാട് വിമർശനങ്ങൾ സഞ്ജു നേരിട്ടിരുന്നു. കഴിഞ്ഞ ദിവസം നടന്ന ആദ്യത്തെ അയർലാൻഡ് ട്വന്റി ട്വന്റി മത്സരത്തിൽ സഞ്ജു ബാറ്റ് ചെയ്യാൻ എത്തിയപ്പോൾ മഴ കൂടി പെയ്തു.

എന്നാൽ ഇപ്പോൾ രണ്ടാം ട്വന്റി ട്വന്റിയിൽ മികച്ച പ്രകടനമാണ് കാഴ്ച വെക്കുന്നത്.ടോസ് നേടിയ അയർലാൻഡ് നായകൻ ബൌളിംഗ് തിരഞ്ഞെടുത്തു.അഞ്ചാമത്തെ ഓവറിലെ രണ്ടാമത്തെ പന്തിലാണ് സഞ്ജു ക്രീസിലേക്കെത്തിയത്.വളരെ സൂക്ഷിച്ചു ആണ് സഞ്ജു തുടങ്ങിയത്.പതിയെ പതിയെ സഞ്ജു ഗിയർ മാറ്റുന്ന കാഴ്ചയാണ് കണ്ടത്.

ഇന്ത്യൻ ഇന്നിങ്സിന്റെ 11 മത്തെ ഓവർ,ലിറ്റിലിന്റെ ആദ്യത്തെ പന്തിൽ ബൗണ്ടറി,രണ്ടാമത്തെ പന്ത് എക്സ്ട്രാ കവറിലൂടെ ഫോർ, മൂന്നാമത്തെ പന്തിൽ വീണ്ടും യോർക്കർ എന്നാൽ സഞ്ജു ഹാട്ട്രിക്ക് ഫോറും. നാലാമത്തെ പന്ത് ഡോട്ട്, അഞ്ചാമത്തെ പന്തിൽ കണക്ക് തീർത്ത പോലെ ഒരു കിടിലൻ സിക്സറും ഓവറിൽ 18 റൺസാണ് സഞ്ജു സ്വന്തമാക്കിയത്.

The #SanjuSamson Show 🏏 💥 – An #IREvIND Sunday special 😍#JioCinema #Sports18 pic.twitter.com/RdwuRQf023

— JioCinema (@JioCinema) August 20, 2023

ചരിത്രം രചിച്ചു യൂ. എ. ഈ. അന്താരാഷ്ട്ര ക്രിക്കറ്റിന്റെ ചരിത്രത്തിൽ ആദ്യമായി ന്യൂസിലാനഡിനെ തോൽപിച്ച അസോസിയേറ്റ് ടീമായി യൂ.എ. ഈ. മലയാളികളെ ഏറെ സന്തോഷിപ്പിക്കുന്ന കാര്യം എന്തെന്നാൽ ഈ മത്സരത്തിലെ യൂ. എ. ഈ യുടെ വിജയം ഉറപ്പാക്കിയയപ്പോൾ മലയാളികൂടിയായ ബേസിൽ ഹമീദാണ് ക്രീസിൽ ഉണ്ടായിരുന്നു എന്നതാണ്.

ആദ്യം ബാറ്റ് ചെയ്ത ന്യൂസിലാൻഡ് 8 വിക്കറ്റ് നഷ്ടത്തിൽ 142 റൺസ് സ്വന്തമാക്കി.46 പന്തിൽ 63 റൺസ് നേടിയ മാർക്ക്‌ ചാപ്മാനായിരുന്നു കിവിസിന്റെ ടോപ് സ്കോർർ.യൂ. എ. ഈ ക്ക് വേണ്ടി ആയാൻ അഫ്സൽ ഖാൻ മൂന്നു വിക്കറ്റ് സ്വന്തമാക്കി.143 റൺസ് വിജയലക്ഷ്യം പിന്തുടരാൻ യൂ. എ. ഈ ബാറ്റർമാർ തയ്യാറായി.

ആദ്യ ഓവറിൽ കിവിസ് നായകൻ സൗത്തീ വിക്കറ്റ് സ്വന്തമാക്കിയെങ്കിലും പിന്നീട് ഒരിക്കൽ പോലും കിവിസ് ബൗളേർമാർ യൂ. എ. ഈ ക്ക് തലവേദനയായില്ല.നായകൻ മുഹമ്മദ് വസീമിന്റെ 29 പന്തിൽ 55 റൺസിന്റെ മികവിൽ യൂ. എ. ഈ ക്ക് ചരിത്രവിജയം.28 പന്തിൽ 49 റൺസ് സ്വന്തമാക്കിയ ആസിഫ് ഖാനും മികച്ച പിന്തുണ നൽകി.

Historic winning moment of UAE..!!

UAE have defeated New Zealand for the first time in International cricket. pic.twitter.com/YqiisPwzWW

— Johns. (@CricCrazyJohns) August 20, 2023

ഇന്ത്യ അയർലാൻഡ് ട്വന്റി ട്വന്റി പരമ്പരക്ക് ഇന്ന് തുടക്കമായി. മൂന്നു മത്സരങ്ങളാണ് പരമ്പരയിൽ ഒള്ളത്. ജസ്‌പ്രിത് ബുമ്രയാണ് ഇന്ത്യയെ നയിക്കുന്നത്.മൂന്നു മത്സരങ്ങൾ അടങ്ങിയ പരമ്പരയിലെ ആദ്യത്തെ മത്സരത്തിൽ ടോസ് നേടിയ ഇന്ത്യൻ നായകൻ ബുമ്ര ബൌളിംഗ് തിരെഞ്ഞെടുത്തു.മാസങ്ങൾക്ക് ശേഷമുള്ള തന്റെ അന്താരാഷ്ട്ര ക്രിക്കറ്റിലേക്കുള്ള മടങ്ങു വരവ് ബുമ്ര ഗംഭീരമാക്കി.

ആദ്യത്തെ ഓവറിൽ തന്നെ രണ്ട് വിക്കറ്റും അദ്ദേഹം സ്വന്തമാക്കി. ഇന്ത്യൻ ബൗളേർമാരുടെ മികവിൽ അയർലാൻഡ് 6 വിക്കറ്റ് നഷ്ടത്തിൽ 59 എന്നാ നിലയിൽ പതറി. എന്നാൽ മക്കർത്തിയുടെ ഫിഫ്റ്റിയുടെ മികവിൽ അയർലാൻഡ് 20 ഓവറിൽ 139 റൺസ് സ്വന്തമാക്കി.മറുപടി ബാറ്റിങ്ങിൽ ഇന്ത്യക്ക് വേണ്ടി ജെയ്സ്വാലും ഗെയ്ക്വാധുമാണ് ഓപ്പൺ ചെയ്തത്. എന്നാൽ ഇരുവരെയും പുറത്താക്കാനുള്ള സുവർണവസരമാണ് അയർലാൻഡ് നഷ്ടപെടുത്തിയത്.

ഇന്ത്യൻ ഇന്നിങ്സിന്റെ രണ്ടാമത്തെ ഓവറിലെ മൂന്നാമത്തെ പന്ത് ജെയ്സ്വാൾ ലെഗ് സൈഡിലേക്ക് പന്ത് തട്ടുന്നു ഗെയ്ക്വാദും ജെയ്‌സ്വാളും റൺസിന് വേണ്ടി ഓടുന്നു.ഇരുവരും ബൌളിംഗ് ക്രീസിൽ.അയർലാൻഡ് ഫീൽഡർ നോൺ സ്ട്രൈക്ക് എൻഡിലേക്ക് പന്ത് എറിയുന്നു. ഇരുവരും നോൺ സ്ട്രൈക്ക് എൻഡിൽ ബോൾ ഓവർ ത്രോ പോവുന്നു. സ്ട്രൈക്ക് എൻഡിലേക്ക് ഐറിഷ് ഫീൽഡർ വീണ്ടും ത്രോ എറിയുന്നു. പക്ഷെ ആരെയും റൺ ഔട്ടാക്കാൻ അയർലാണ്ടിന് സാധിച്ചില്ല.

pic.twitter.com/ThaYBFFU1B

— Xtremedesportes (@xtremedesporte) August 18, 2023

ഇതൊക്കെയാണ് തിരിച്ചു വരവ്.2022 സെപ്റ്റംബറിന് ശേഷം ഒരു അന്താരാഷ്ട്ര മത്സരത്തിന് ഇറങ്ങിയ ബുമ്രയുടെ ഗംഭീര തിരിച്ചു വരവ്. തന്റെ ബൌളിംഗ് ശക്തിയും മൊഞ്ചും ഒന്നും എങ്ങോട്ടും പോയിട്ടില്ലെന്ന് അറിയിക്കുന്ന ജസ്‌പ്രിത് ബുമ്രയാണ് അയർലാണ്ടിനെതിരെ കാണാൻ കഴിയുന്നത്.

അയർലാണ്ടിനെതിരെ ടോസ് നേടിയ ഇന്ത്യൻ നായകൻ ബുമ്ര ബൌളിംഗ് തിരഞ്ഞെടുത്തു. റിങ്കു സിങ്ങും പ്രസിദ് കൃഷ്ണയും ഇന്ത്യക്ക് വേണ്ടി അരങ്ങേറ്റം കുറിച്ചു. അയർലാണ്ടിന് വേണ്ടി ആദ്യ പന്ത് നേരിടാൻ മുൻ നായകൻ ബാൽബ്രിനെ എത്തുന്നു. ആദ്യ പന്തിൽ തന്നെ ബുമ്രയേ ഫ്ലിക്ക് ചെയ്തു ബൗണ്ടറി നേടുന്നു

.തൊട്ട് അടുത്ത പന്തിൽ എന്നാൽ ബുമ്ര ബാൽബ്രിനെയുടെ കുറ്റി തെറിക്കുന്ന കാഴ്ചയാണ് ക്രിക്കറ്റ്‌ ആരാധകർ കണ്ടത്. ഒരു ലെങ്ത് ബോളിന് ശേഷം തന്റെ ട്രഡ്മാർക്ക്‌ യോർക്കറും എറിഞ്ഞ ബുമ്ര അടുത്ത പന്തിൽ ടക്കറേ കൂടി സഞ്ജുവിന്റെ കൈയിൽ എത്തിച്ചു.അന്താരാഷ്ട്ര ക്രിക്കറ്റിലെ തന്റെ തിരിച്ചു വരവ് ഓവറിൽ 4 റൺസ് വിട്ട് കൊടുത്തു രണ്ട് വിക്കറ്റാണ് ബുമ്ര സ്വന്തമാക്കിയത്.

pic.twitter.com/uD05lwoqPT

— Xtremedesportes (@xtremedesporte) August 18, 2023