ഒരു 21 കാരൻറെ തകർപ്പൻ ഇന്നിംഗ്സിനാണ് മൊഹാലിയിലെ പുതിയ സ്റ്റേഡിയത്തിൽ ഇന്ന് കണ്ടത് ഐപിഎൽ രണ്ടാം മത്സരത്തിൽ ഡൽഹിയുടെ ഇടംകയ്യൻ ഇരുപത്തൊന്നുകാരൻ അഭിഷേക് പോറൽ കിംഗ്സ് ഇലവൻ പഞ്ചാബിന്റെ ഹർഷൽ പട്ടേലിനെ അവസാന ഓവറിൽ തൂക്കിയെറിഞ്ഞത്.
ഡൽഹിയുടെ റിക്കി ബുഇക്ക് പകരക്കാരനായി ഇമ്പാക്ട് പ്ലെയർ ആയി പതിനേഴാം ഓവറിൽ ക്രീസിൽ എത്തിയ പോറൽ ഇന്ത്യൻ ദേശീയ ടീം താരം ഹർഷൽ പട്ടേലിൻ്റെ അവസാന ഓവറിൽ 6,4,4,4,6 ,1 എന്നിങ്ങനെ അടിച്ചെടുത്തു. പോരൽ ആകെ 10 പന്തിൽ 32 റൺസ് എടുത്തു ഡൽഹിയെ 20 ഓവറിൽ ഒമ്പത് വിക്കറ്റ് നഷ്ടത്തിൽ 174 റൺസിൽ എത്തിച്ചു.
കളിക്കളത്തിൽ അഗ്രസീവായ താരം എന്ന നിലയിലാണ് വിരാട് കോലിയെ ക്രിക്കറ്റ് ലോകം കാണുന്നത്.എന്നാൽ താൻ അഗ്രസീവ് മാത്രമല്ല കാണികളെ കയ്യിലെടുക്കാനും മിടുക്കൻ ആണെന്ന് അദ്ദേഹം പലതവണ തെളിയിച്ചിട്ടുണ്ട്.ഇന്ത്യക്ക് വേണ്ടി കളിക്കുമ്പോഴും ബാംഗ്ലൂരിന് വേണ്ടി കളിക്കുമ്പോഴും കോലി ഗ്യാലറിയെ ബാറ്റ് കൊണ്ട് ആവേശം കൊള്ളിക്കും പോലെ തന്നെ ഫൺ ആയിട്ടും ഗാലറിയെ രസിപ്പിച്ചിട്ടുണ്ട്.
അത്തരത്തിൽ രസകരമായ ഒരു സംഭവത്തിന് ചെന്നൈ ഇന്ന് സാക്ഷ്യം വഹിച്ചു. ഐപിഎൽ പതിനേഴാം സീസണിൽ ചെന്നൈക്കെതിരെ നടക്കുന്ന ഉദ്ഘാടന മത്സരത്തിൽ ഡ്രിങ്ക്സ് ഇടവേളയിലാണ് കോലി ഇളയദളപതി വിജയുടെ പാട്ടിന് ഡാൻസ് ചെയ്തത്. ചെപ്പോക്കിൽ തിങ്ങി നിറഞ്ഞ ആരാധകർക്ക് ആവേശമായി അദ്ദേഹത്തിൻറെ നൃത്തചുവടുകൾ.
ഗാലറിയെ രസിപ്പിച്ച കൊതിയുടെ ചുവടുകളുടെ വീഡിയോ താഴെ കാണാം
ക്രിക്കറ്റിൽ അരങ്ങേറിയത് മുതൽ വിക്കറ്റിന് പിന്നിലുള്ള പ്രസൻസ് ഓഫ് മൈൻഡ് കൊണ്ട് ക്രിക്കറ്റ് ലോകത്തെ ഞെട്ടിച്ച താരമാണ് എം എസ് ധോണി.അദ്ദേഹത്തിൻറെ ക്യാച്ചുകളും ട്രികിയായ റൺ ഔട്ടുകളും ആരാധകർക്ക് എന്നും വിരുന്നായിരുന്നു.
ഇപ്പോൾ ഇതാ 42 ആം വയസ്സിലും തൻറെ സ്കില്ലിന് ഒരു കുറവുമില്ല എന്ന് തെളിയിച്ചിരിക്കുകയാണ് ചെന്നൈയുടെ തല.ഐപിഎൽ 17 സീസണിലെ ഉദ്ഘാടന മത്സരത്തിൽ റോയൽ ചലഞ്ചേഴ്സ് ബാംഗ്ലൂരിനെതിരെ ധോണി ബാംഗ്ലൂർ താരം റാവത്തിനെ നേരിട്ടുള്ള ത്രോയിൽ റൺ ഔട്ട് ആക്കിയ മാസ്മരിക പ്രകടന വീഡിയോ ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുകയാണ്.
ബാംഗ്ലൂരിന്റെ ഇന്നിംഗ്സിന്റെ അവസാന ബോളിലായിരുന്നു ഈ റണ്ണൗട്ട്. ദേശ്പാണ്ടയുടെ ബോളിൽ സ്ട്രൈക്കിൽ ഉണ്ടായിരുന്ന ദിനേശ് കാർത്തികിന് പന്ത് മിസ്സ് ആവുകയും ബൈ റണ്ണിനായി നോൺ സ്ട്രൈക്കിൽ ഉണ്ടായിരുന്ന റാവത്തിനെ പന്ത് കയ്യിൽ കിട്ടിയ ധോണി നേരിട്ടുള്ള ത്രോയിൽ പുറത്താക്കുകയായിരുന്നു. ഈ മാസ്മരിക റൺ ഔട്ടിന്റെ വീഡിയോ താഴെ കാണാം.
ഇന്ത്യ ഇംഗ്ലണ്ട് ടെസ്റ്റ് സീരീസിലെ അഞ്ചാം മത്സരത്തിൽ ഇംഗ്ലണ്ട് താരം ജോണി ബയർസ്റ്റോയും ഇന്ത്യൻ താരം ശുഭ്മാൻ ഗില്ലും തമ്മിൽ നടന്ന വാക്ക് പോര് ഇപ്പോൾ വൈറലായി കൊണ്ടിരിക്കുകയാണ്. പരമ്പര നഷ്ടമായ ഇംഗ്ലണ്ട് താരങ്ങൾ പല അവസരങ്ങളിലും മര്യാദ വിട്ട് പെരുമാറിയിരുന്നു.അതിൽ ഒടുവിലത്തെ ഉദാഹരണമാണ് ബയർസ്റ്റോ – ഗിൽ സംഭവം.
ആദ്യം ഇന്നിങ്ങിസിൽ സെഞ്ചുറി നേടിയ ഗില്ലിനേ പുറത്താക്കിയപ്പോൾ ഇംഗ്ലണ്ട് താരങ്ങളായ ജെയിംസ് ആൻഡേഴ്സനും ബയർസ്റ്റോയും അതിരുവിട്ട് പരിഹസിച്ചിരുന്നു. ഇതിൻറെ തുടർച്ചയായിരുന്നു ബയർസ്റ്റോ – ഗിൽ പോരും.
രണ്ടാം ഇന്നിംഗ്സിൽ കുൽദീപ് യാദവിന്റെ പന്തിൽ പുറത്തായ ബയർസ്റ്റോ സ്ലിപ്പിൽ ആഘോഷം നടത്തിയ ഗില്ലിനോട് ” നീ പുറത്തായപ്പോൾ ആൻഡേഴ്സനോട് എന്താണ് പറഞ്ഞത് “എന്ന് ചോദിച്ചു.”ഞാൻ സെഞ്ചുറി നേടിയിട്ടല്ലേ പുറത്തായത് ? ഈ പരമ്പരയിൽ എത്ര ഇംഗ്ലണ്ട് താരങ്ങൾ സെഞ്ച്വറി നേടിയിട്ടുണ്ട് ” എന്ന് ഗിൽ തിരിച്ചടിച്ചു.ഇതിന് മറുപടിയായി “നിങ്ങളിൽ ആരൊക്കെ ഇംഗ്ലണ്ടിൽ വച്ച് സെഞ്ച്വറി നേടിയിട്ടുണ്ട് ” എന്ന് ബയർസ്റ്റോ തിരിച്ചു ചോദിച്ചു.ഈ സമയം ഷോർട്ട് ലെഗ്ഗിൽ ഫീൽഡ് ചെയ്തിരുന്ന സർഫ്രസ് ഖാൻ ” കുറച്ചു റൺസ് മാത്രം നേടിയ താങ്കൾ അധികം തുള്ളണ്ട ” എന്ന് ബയർസ്റ്റോക്ക് മറുപടി കൊടുത്തു.
ഇംഗ്ലണ്ട് ബേസ്ബോൾ ക്രിക്കറ്റ് ശൈലിയിലേ നെടുംതൂൺ ആയിരുന്ന ബയർസ്റ്റോ ഈ പരമ്പരയിൽ വലിയ പരാജയമായിരുന്നു. മോശം ഫോമും അദ്ദേഹത്തിൻറെ ഈ നിലവിട്ട പെരുമാറ്റത്തിന് കാരണമായി.ഒടുവിൽ അമ്പയർമാർ ഇടപെട്ടാണ് രംഗം ശാന്തമാക്കിയത്.5 മത്സരങ്ങൾ അടങ്ങിയ പരമ്പരയിൽ 4-1 എന്ന നിലയിൽ ഇന്ത്യ പരമ്പര നേടിയിരുന്നു. ബേസ് ബോൾ ശൈലിയുമായി ഇന്ത്യയിൽ വന്ന് പരമ്പര നേടാം എന്ന് കരുതിയിരുന്ന ഇംഗ്ലണ്ടിന് ഏറ്റ കനത്ത തിരിച്ചടിയാണ് ഈ പരമ്പരാ തോൽവി.ഈ വിജയത്തോടെ ലോക ടെസ്റ്റ് ചാമ്പ്യൻഷിപ്പിൽ ഇന്ത്യ ഒന്നാം സ്ഥാനം നിലനിർത്തിയപ്പോൾ ഇംഗ്ലണ്ട് എട്ടാം സ്ഥാനത്തേക്ക് പതിച്ചു.
ധർമ്മശാലയിൽ ഇന്ത്യ ഇംഗ്ലണ്ട് ടെസ്റ്റ് പരമ്പരയിലെ അവസാന മത്സരത്തിൽ ഇംഗ്ലണ്ടിനെ തകർത്തു പരമ്പര 4-1 നു് സ്വന്തമാക്കിയ ഇന്ത്യക്ക് ക്യാപ്റ്റൻ രോഹിത് ശർമയുടെ പരിക്ക് ഇരുട്ടടിയായി.
ഇംഗ്ലണ്ടിന്റെ രണ്ടാം ഇന്നിംഗ്സിൽ രോഹിത് ശർമ ഇതുവരെ ഫീൽഡിങ്ങിന് ഇറങ്ങിയില്ല. വൈസ് ക്യാപ്റ്റൻ ജസ്പ്രീത് ബുംറ ആണ് മൂന്നാം ദിവസം ടീമിനെ നയിച്ചത്.പരിക്ക് കൂടുതൽ വഷളാവേണ്ട എന്ന് കരുതിയാണ് ശർമ്മയ്ക്ക് ഇന്ത്യൻ ടീം മാനേജ്മെൻറ് വിശ്രമം അനുവദിച്ചത്.ആദ്യ ഇനനിംഗ്സിൽ ഇന്ത്യക്ക് വേണ്ടി 162 പന്തിൽ 13 ഫോറും മൂന്ന് സിക്സറുകളും അടക്കം 103 റൺസ് എടുത്ത് മികച്ച രീതിയിൽ ബാറ്റ് ചെയ്ത രോഹിത് ശർമയ്ക്ക് ഇംഗ്ലണ്ടിന്റെ രണ്ടാം ഇന്നംഗ്സിൻ്റെ തുടക്കത്തിലാണ് പരിക്കേറ്റത്.കടുത്ത പുറം വേദന അനുഭവപ്പെട്ട താരം പരിശോധനകൾക്ക് വിധേയമായി.പരമ്പരയിൽ മൊത്തം 400 റൺസിൽ അധികം ഇന്ത്യൻ ക്യാപ്റ്റൻ നേടിയിരുന്നു.
മാർച്ച് 22ന് ആരംഭിക്കുന്ന ഐപിഎല്ലില്ലിലും ഇതോടെ രോഹിത് ശർമ കളിക്കുമോ എന്ന കാര്യം സംശയത്തിലായി. മുംബൈ ഇന്ത്യൻസിന്റെ നെടുംതൂണായേ രോഹിത് ശർമയുടെ പരിക്ക് മുംബൈ ഇന്ത്യൻസിനും തലവേദനയാണ്.പരിക്ക് ഗുരുതരം ആണെങ്കിൽ ഐപിഎല്ലും ജൂണിൽ ആരംഭിക്കുന്ന ട്വൻറി20 ലോകകപ്പും താരത്തിന് നഷ്ടമാകുമോ എന്ന ഭീതിയിലാണ് ആരാധകർ.ആദ്യ ഘട്ട പരിശോധനകളിൽ വലിയ കുഴപ്പം കാണുന്നില്ല എന്നും എന്നാൽ വിശദമായ പരിശോധനകൾക്ക് ശേഷം മാത്രമേ പരിക്ക് എത്രത്തോളം ഗുരുതരമാണെന്ന് വ്യക്തമാകൂ എന്ന് ഇന്ത്യൻ ടീം മാനേജ്മെന്റ് അറിയിച്ചു
റാഞ്ചിയിൽ നടക്കുന്ന ഇന്ത്യ ഇംഗ്ലണ്ട് ടെസ്റ്റ് സീരീസിലെ നാലാം ടെസ്റ്റിൽ ഇന്ത്യ പൊരുതി കളിച്ച ഇംഗ്ലണ്ടിനെ അഞ്ചു വിക്കറ്റിന് പരാജയപ്പെടുത്തി.ഇതോടെ 5 മത്സരങ്ങൾ അടങ്ങിയ പരമ്പരയിൽ ഇന്ത്യ 3 ഒന്നിന് വിജയിച്ചു. ഹൈദരാബാദിൽ നടന്ന ആദ്യ ടെസ്റ്റിൽ വിജയിച്ച ഇംഗ്ലണ്ടിനെ തുടർന്ന് നടന്ന മൂന്നു മത്സരങ്ങളിലും ഹാട്രിക് വിജയം നേടിയാണ് ഇന്ത്യ പരമ്പര സ്വന്തമാക്കിയത്.
റാഞ്ചിയിൽ ടോസ് നേടി ബാറ്റിംഗ് തെരഞ്ഞെടുത്ത ഇംഗ്ലണ്ട് ജോയ് റൂട്ടിന്റെ സെഞ്ച്വറി മികവിൽ ഒന്നാം ഇന്നിംഗ്സിൽ 353 റൺസ് എടുത്തു. രവീന്ദ്ര ജഡേജ ഇന്ത്യക്കായി നാലു വിക്കറ്റ് എടുത്തു.മറുപടി ബാറ്റിംഗിന് ഇറങ്ങിയ ഇന്ത്യ 92 റൺസ് എടുത്ത പുതുമുഖ താരം ദൃവ് ജുറലിൻ്റെ ബാറ്റിംഗ് മികവിൽ 307 റൺസ് എടുത്തെങ്കിലും 46 റൺസ് ലീഡ് വഴങ്ങി.താങ്കളുടെ രണ്ടാം ഇന്നിങ്സിൽ ബാറ്റിംഗ് തകർച്ച നേരിട്ട ഇംഗ്ലണ്ട് 145 റൺസിന് ഓൾ ഔട്ടായി.തകർപ്പൻ ബോളിങ്ങിലൂടെ അഞ്ച് വിക്കറ്റ് എടുത്ത അശ്വിനാണ് ഇംഗ്ലണ്ടിനെ ചുരുട്ടി കെട്ടിയത്.
192 റൺസ് വിജയലക്ഷ്യം പിന്തുടർന്ന ഇന്ത്യക്ക് വേണ്ടി ഓപ്പണർമാരായ ക്യാപ്റ്റൻ രോഹിത് ശർമയും ജൈസാളും ഭേദപ്പെട്ട തുടക്കം നൽകി. എന്നാൽ ഇന്ന് രാവിലെ ഇംഗ്ലീഷ് സ്പിന്നർ മാരുടെ മുന്നിൽ ഇന്ത്യ പതറുന്ന കാഴ്ചയാണ് കണ്ടത്. ചെറിയ ഇടവേളകളിൽ അഞ്ചു വിക്കറ്റ് നഷ്ടപ്പെട്ട് പരാജയത്തെ നേരിട്ട ഇന്ത്യക്ക് വേണ്ടി 52 റൺസ് നേടിയ ഗിൽ, 39 റൺസ് നേടിയ നേടിയ ജുറൽ കൂട്ടുകെട്ട് ആറാം വിക്കറ്റിൽ പൊരുതി എടുത്ത 72 റൺസ് പാർട്ണർഷിപ്പ് ആണ് ഇന്ത്യയെ വിജയത്തിൽ എത്തിച്ചത്.അഞ്ചു വിക്കറ്റ് നഷ്ടത്തിൽ ഇന്ത്യ വിജയലക്ഷ്യം മറികടന്നു.ഇതോടെ അഞ്ചു മത്സരങ്ങൾ അടങ്ങിയ പരമ്പരയിൽ ഇന്ത്യ മൂന്ന് ഒന്നിന് വിജയിച്ചു.രണ്ട് ഇന്നിംഗ്സുകളിലും മികച്ച പ്രകടനം നടത്തിയ പുതുമുഖ വിക്കറ്റ് കീപ്പർ ദ്രുവ് ജൂറൽ ആണ് മാൻ ഓഫ് ദി മാച്ച്.അവസാന ടെസ്റ്റ് മാർച്ച് ഏഴിന് ധർമ്മശാലയിൽ തുടങ്ങും.
ലോക ക്രിക്കറ്റിൽ വിരാട് കോലിയെ പോലെ തന്നെ ഒരുപാട് ആരാധകരും റെക്കോർഡുകളും ഉള്ള താരമാണ് പാകിസ്ഥാൻ മുൻ ക്യാപ്റ്റൻ ബാബർ അസം. ടെസ്റ്റ്- ഏകദിന – ട്വൻറി20 എന്ന ഈ ഫോർമാറ്റുകളിൽ ഒരേസമയം ഒന്നാം റാങ്കിൽ എത്തിയ താരമാണ് ബാബർ.
അസംഎന്നാൽ കഴിഞ്ഞ ലോകകപ്പിൽ തീർത്തും നിറംമങ്ങിയ പ്രകടനം നടത്തിയ താരത്തിന് പാക് ക്യാപ്റ്റൻസി നഷ്ടപ്പെട്ടിരുന്നു. സെമി കാണാതെ പാക്കിസ്ഥാൻ ടൂർമെന്റിൽ നിന്നും പുറത്താക്കുകയും ചെയ്തിരുന്നു.ഇപ്പോൾ ഇതാ സ്വന്തം ആരാധകർക്ക് മുന്നിലും പരിഹാസ കഥാപാത്രമായി മാറിയിരിക്കുകയാണ് ബാബർ അസം.
പാകിസ്ഥാൻ സൂപ്പർ ലീഗിൽ ഇന്നലെ നടന്ന മുൾട്ടാൻ സുൽത്താൻ – പേശവാറ് സൽമി മത്സരത്തിനിടയായിരുന്നു വിവാദമായ സംഭവം.വലിയ ടീമുകൾക്കെതിരെ പതറുന്ന ബാബർ അസം സിംബാബയെ പോലെയുള്ള ചെറിയ ടീമുകൾക്കെതിരെ സ്കോർ ചെയ്താണ് റെക്കോർഡുകൾ നേടിയതെന്ന് വിമർശകർ പറയാറുണ്ട്.അതുകൊണ്ട് സിം ബാബർ എന്ന ഇരട്ട പേരും അദ്ദേഹത്തിന് ഉണ്ട്.
ഇന്നലെ നടന്ന മത്സരത്തിൽ പെഷവാർ ക്യാപ്റ്റനായ ബാബർ അസം ഡഗ് ഔട്ടിൽ ഇരിക്കുമ്പോൾ പാകിസ്ഥാൻ ആരാധകർ അദ്ദേഹത്തെ zim babar എന്ന് തുടർച്ചയായി വിളിക്കുകയും ബാബർ അസം ദേഷ്യത്തോടെ ആരാധകനെ തല്ലാൻ ഒരുങ്ങുകയും ചെയ്യുന്ന വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലായി കൊണ്ടിരിക്കുന്നത്.ആരാധകനെ പോലീസ് അപ്പോൾ തന്നെ പിടികൂടിയിരുന്നു. ആരാധകരോട് മോശമായി പ്രതികരിച്ച ബാബർ ഇപ്പോൾ വലിയ വിമർശനങ്ങൾ നേരിട്ടുകൊണ്ടിരിക്കുകയാണ്. കൂടാതെ പാകിസ്ഥാൻ ക്രിക്കറ്റ് ബോർഡ് തരത്തിനെതിരെ സസ്പെൻഷൻ പോലെയുള്ള കടുത്ത നടപടികൾ സ്വീകരിക്കുമെന്നും റിപ്പോർട്ടുകൾ ഉണ്ട്
വനിത ഇന്ത്യൻ പ്രീമിയർ ലീഗിലെ ആദ്യ മത്സരത്തിൽ തന്നെ ഹീറോ ആയിരിക്കുകയാണ് മലയാളി താരം സഞ്ചന സജീവൻ. സഞ്ജനയുടെ കരുത്തിൽ മുംബൈ ഇന്ത്യൻസ് വുമൺ ഡൽഹി ക്യാപിറ്റലിനെതിരെ അഞ്ചു വിക്കറ്റിന്റെ അട്ടിമറി ജയം നേടി.
വനിത ഇന്ത്യൻ പ്രീമിയർ ലീഗിലെ ആദ്യ മത്സരത്തിൽ തന്നെ ഹീറോ ആയിരിക്കുകയാണ് മലയാളി താരം സഞ്ചന സജീവൻ.സഞ്ജനയുടെ കരുത്തിൽ മുംബൈ ഇന്ത്യൻസ് വുമൺ ഡൽഹി ക്യാപിറ്റലിനെതിരെ അഞ്ചു വിക്കറ്റിന്റെ അട്ടിമറി ജയം നേടി.വനിതാ ഇന്ത്യൻ പ്രീമിയർ ലീഗിൽ ബാംഗ്ലൂർ ചിന്നസ്വാമി സ്റ്റേഡിയത്തിൽ നടന്ന ആദ്യ മത്സരത്തിൽ ഡൽഹി ക്കെതിരെ ടോസ് നേടിയ മുംബൈ ക്യാപ്റ്റൻ ഹർമീത്കൗർ ബോളിംഗ് തിരഞ്ഞെടുത്തു.നിശ്ചിത 20 ഓവറിൽ ഡൽഹി ക്യാപിറ്റൽസ് അഞ്ചു വിക്കറ്റ് നഷ്ടത്തിൽ 171 റൺസ് നേടി.ആലീസ് ക്യാപ്സ് 75 റൺസും റോഡിഗ്രസ് 42 റൺസും ഡൽഹിക്കായി നേടി. മറുപടി ബാറ്റിംഗിന് ഇറങ്ങിയ മുംബൈയുടെ തുടക്കം തകർച്ചയോടെ ആയിരുന്നു. എന്നാൽ 57 റൺസ് എടുത്ത വിക്കറ്റ് കീപ്പർ യസ്മിക 55 റൺസെടുത്ത ക്യാപ്റ്റൻ ഹർമീത് കൗർ എന്നിവരുടെ കരുത്തിൽ മുംബൈ പൊരുതി.പക്ഷേ കളിയുടെ അവസാനഘട്ടത്തിൽ ഇരുവരും പുറത്തായപ്പോൾ പതറിയ മുംബൈക്ക് രക്ഷകയായി മലയാളി താരം സഞ്ജന ക്രീസിൽ എത്തി.
അവസാന ബോളിൽ ജയിക്കാൻ അഞ്ചു റൺസ് വേണ്ടിയിരുന്ന ഡൽഹിയുടെ ക്യാപ്സിയെ ലോങ്ങ് ഓണിന് മുകളിലൂടെ സിക്സ് പറത്തി സഞ്ജന മുംബൈക്ക് അട്ടിമറി വിജയം സമ്മാനിച്ചു. തൻറെ കരിയറിലെ ആദ്യ പ്രീമിയർ ലീഗ് മത്സരത്തിൽ തന്നെ വരവ് അറിയിച്ചിരിക്കുകയാണ് സഞ്ജന സജീവൻ.
