2022 ലെ ഇന്ത്യയുടെ ഏറ്റവും മികച്ച ബാറ്റസ്മാന്മാരിൽ ഒരാളാണ് ശ്രെയസ് അയ്യർ.കഴിഞ്ഞ വർഷം അന്താരാഷ്ട്ര തലത്തിൽ ഏറ്റവും കൂടുതൽ റൺസ് നേടിയ താരങ്ങളിൽ ഒരാളും അദ്ദേഹം തന്നെയാണ്.കഴിഞ്ഞ വർഷത്തെ അതെ ഫോം തന്നെ നിലനിർത്താൻ തന്നെയാണ് ശ്രെയസ് അയ്യർ ഈ പുതു വർഷത്തിൽ ഇറങ്ങുന്നത്. ഇപ്പോൾ അദ്ദേഹത്തിന്റെ ഒരു ബാറ്റിംഗ് പരിശീലന വീഡിയോ തരംഗമായിരിക്കുകയാണ്.എന്താണ് ആ വീഡിയോ എന്ന് നമുക്ക് പരിശോധിക്കാം.
ഇന്ത്യ ശ്രീലങ്ക പരമ്പരക്ക് മുന്നോടിയായിയാണ് അദ്ദേഹത്തിന്റെ പരിശീലനം.മൈക്ക് വെച്ചാണ് അദ്ദേഹം പരിശീലനത്തിന് ഇറങ്ങിയത്. തന്റെ ഓരോ ഷോട്ടുകൾക്കും താൻ തന്നെ കമന്ററി പറഞ്ഞു കൊണ്ടാണ് അയ്യർ ബാറ്റ് വീശിയത്.വളരെ മനോഹരമായി തന്നെയാണ് അദ്ദേഹം ബാറ്റ് ചെയ്തു കൊണ്ട് കമന്ററി പറയുന്നത്.താൻ ഒരു സിക്സ് അടിച്ച ശേഷം കൊൽക്കത്തയിൽ അത് സിക്സാണ് എന്നാ തരത്തിലുള്ള അദ്ദേഹത്തിന്റെ രസകരമായ വാചകം ഇപ്പോൾ തരംഗമാണ്.
ഈ വർഷത്തെ ആദ്യത്തെ അന്താരാഷ്ട്ര മത്സരത്തിന് ഇന്ത്യ നാളെ ഇറങ്ങും. ശ്രീ ലങ്കയാണ് ഇന്ത്യയുടെ എതിരാളി. ട്വന്റി ട്വന്റി മത്സരമായതിനാൽ അയ്യർ ടീമിൽ കാണില്ല. ജനുവരി 10 ന്ന് നടക്കുന്ന ആദ്യ ഏകദിന മത്സരത്തിലാണ് അദ്ദേഹം ഈ വർഷത്തെ തന്റെ ആദ്യത്തെ അന്താരാഷ്ട്ര മത്സരം കളിക്കാൻ സാധ്യത. കഴിഞ്ഞ വർഷം മൂന്നു ഫോർമാറ്റുകളിൽ നിന്നായി 1609 റൺസാണ് അദ്ദേഹം സ്വന്തമാക്കിയത്. അതിൽ 14 ഫിഫ്റ്റികളും ഒരു സെഞ്ച്വറിയും അദ്ദേഹം നേടിയിട്ടുണ്ട്.
