പാകിസ്ഥാനിൽ നടക്കുന്ന ചാമ്പ്യൻസ് ട്രോഫി ക്രിക്കറ്റിൽ പങ്കെടുക്കാൻ ഇന്ത്യ വിസമ്മതിച്ചതോടെ പുതിയ വിവാദം ഉടലെടുത്തിരിക്കുകയാണ്. പാകിസ്ഥാനിൽ നിന്ന് ഇന്ത്യ കളിച്ചില്ലെങ്കിൽ തങ്ങൾ ടൂർണമെന്റ് ബഹിഷ്കരിക്കും എന്ന് പാകിസ്ഥാനും അറിയിച്ചു.
ഈ വിവാദങ്ങൾ ചൂടുപിടിക്കുന്നതിനിടയിലാണ് ഒരു പാക്ക് ആരാധകൻ ഇന്ത്യൻ ക്യാപ്റ്റൻ സൂര്യകുമാർ യാദവ് കൊടുത്ത ഒരു മറുപടി വൈറലായി കൊണ്ടിരിക്കുന്നത്.’നിങ്ങൾ എന്തുകൊണ്ടാണ് പാകിസ്ഥാനിലേക്ക് വരാത്തത്’ എന്ന ഒരു പാക്ക് ആരാധകരുടെ ചോദ്യത്തിന് ‘അത്തരം കാര്യങ്ങളൊക്കെ ഞങ്ങളുടെ കയ്യിൽ അല്ലല്ലോ’എന്ന സൂര്യകുമാറിന്റെ മറുപടി ഇപ്പോൾ സോഷ്യൽ മീഡിയയിൽ തരംഗമായി കൊണ്ടിരിക്കുന്നു. ഇതിനിടയിൽ ഇന്ത്യ ഗവൺമെന്റിന്റെ നിർദ്ദേശം അനുസരിച്ച് ബിസിസിഐ ചാമ്പ്യൻസ് ട്രോഫി കളിക്കാൻ പാകിസ്ഥാനിലേക്ക് പോകില്ലെന്ന് ഐസിസിഐയെ അറിയിച്ചിരുന്നു.
ടൂർണമെന്റ് ഹൈബ്രിഡ് സംവിധാനത്തിൽ പാകിസ്ഥാന് പുറമേ ദക്ഷിണാഫ്രിക്ക അല്ലെങ്കിൽ ശ്രീലങ്ക എന്നിവേദികളിൽ വെച്ചു നടത്താമെന്ന ഐസിസിഐയുടെ നിർദേശം പാകിസ്ഥാനും തള്ളിയിരുന്നു. മാത്രമല്ല ഇന്ത്യ പാകിസ്ഥാനിൽ കളിച്ചില്ലെങ്കിൽ തങ്ങൾ ടൂർണമെന്റിൽ നിന്നും പിന്മാറുമെന്ന് പിസിബിയും ഭീഷണി മുഴക്കിയിട്ടുണ്ട്