ഇന്ത്യയും സിംബാബ് വെയുമായുള്ള രണ്ടാം ഏകദിന മത്സരത്തിൽ ഇന്ത്യക്ക് 5 വിക്കറ്റ് ജയം, ജയത്തോടെ 3 മത്സരങ്ങളടങ്ങിയ പരമ്പര 1 മത്സരം ശേഷിക്കെ 2-0 നു ഇന്ത്യ സ്വന്തമാക്കി.
വിക്കറ്റ് കീപ്പിങ്ങിൽ 3 ക്യാച്ചും ഒരു റൺ ഔട്ടും, കൂടാതെ ബാറ്റിനിറങ്ങിയപ്പോൾ 39 പന്തിൽ 3 ഫോറും 4 കൂറ്റൻ സിക്സറും അടക്കം പുറത്താകാതെ 43* നേടി സഞ്ജു സാംസൺ മത്സരം അവിസ്മരണീയമാക്കി, പതുക്കെ തുടങ്ങിയ സഞ്ജു ക്രീസിൽ നിലയുറപ്പിച്ച ശേഷം തന്റെ സ്വതസിദ്ധമായ ശൈലിയിൽ ബാറ്റ് വീശിയപ്പോൾ ഇന്ത്യ ലക്ഷ്യത്തിലെത്തുകയായിരുന്നു, 97/4 എന്ന നിലയിൽ ഇന്ത്യ പതറിയപ്പോഴാണ് സഞ്ജു ക്രീസിൽ എത്തിയത്, പിന്നീട് ദീപക് ഹൂഡയുമായി ചേർന്ന് 56 റൺസിന്റെ കൂട്ട്കെട്ടുണ്ടാക്കി ഇന്ത്യയെ വിജയത്തിലെത്തിക്കാനും സഞ്ജുവിന് സാധിച്ചു.
ഫിനിഷിങ് വീഡിയോ :
പതിനേഴാം ഓവറിൽ ചിവാൻഗയുടെ ഹൈ ഫുൾടോസ്സ് സഞ്ജുവിന്റെ കൈയിൽ പതിച്ചെങ്കിലും ഭാഗ്യവശാൽ താരത്തിനു പരിക്കൊന്നും പറ്റിയില്ല പക്ഷെ ഫ്രീ ഹിറ്റ് കിട്ടിയ അടുത്ത ബോളിൽ ലോങ്ങിലേക്ക് ഫോർ പായിച്ചാണ് തന്നെ വേദനിപ്പിച്ച ബോളർക്ക്‌ സഞ്ജു മറുപടി കൊടുത്തത് വില്യംസിനെതിരെ ക്രീസ് വിട്ട് ഇറങ്ങി ലോങ്ങ്‌ ഓഫിലേക്ക് പായിച്ച സിക്സറും അതി മനോഹരം ആയിരുന്നു, ലോങ്ങ്‌ ഓണിൽ മഹേന്ദ്രസിംഗ് ധോണിയെ ഓർമിപ്പിക്കുന്ന ഒരു കൂറ്റൻ സിക്സർ അടിച്ചാണ് സഞ്ജു കളി ജയിപ്പിച്ചതും. വിക്കറ്റ് കീപ്പിങ്ങിലും ബാറ്റ് കൊണ്ടും തിളങ്ങിയ സഞ്ജു കളിയിലെ താരമായി തിരഞ്ഞടുക്കപ്പെട്ടു.
ആദ്യ ബോൾ തൊട്ട് ആക്രമിച്ചു കളിച്ചും അലക്ഷ്യമായി കൂറ്റനടികൾക്ക് മുതിരുകയും ചെയ്ത് അനാവശ്യമായി വിക്കറ്റ് വലിച്ചെറിയുന്ന സഞ്ജുവിൽ നിന്ന് ഇപ്പോൾ താരം വളരെ പക്വതയോടെയാണ് ഓരോ മത്സരത്തിലും കളിക്കുന്നത്, മത്സരത്തിന്റെ സാഹചര്യത്തിനനുസരിച്ച് സിംഗിളുകൾ എടുത്തും മോശം പന്തുകളെ ബൗണ്ടറികൾ പായിച്ചും, അന്താരാഷ്ട്ര മത്സരങ്ങളിൽ അരങ്ങേറിയ സമയത്തെ സഞ്ജു സാംസണിൽ നിന്ന് അദ്ദേഹം വളരെയധികം മാറിയിരിക്കുന്നു, ഈ മാറ്റം ഇന്ത്യൻ ടീമിൽ സ്ഥിര സാന്നിധ്യമാകാൻ താരത്തെ സഹായിക്കും എന്ന കാര്യത്തിൽ തർക്കമില്ല.
മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ കെ. എൽ. രാഹുൽ ബോളിങ്ങ് തിരഞ്ഞെടുക്കുകയായിരുന്നു, പരിക്കിന്റെ പിടിയിൽ ആയി ഏറെ കാലത്തിനു ശേഷം കഴിഞ്ഞ മത്സരത്തിൽ തിരിച്ചെത്തി മികച്ച രീതിയിൽ പന്തെറിഞ്ഞ ഇന്ത്യയുടെ ഫാസ്റ്റ് ബോളർ ദീപക് ചഹറിനു വീണ്ടും പരിക്കേറ്റത് ഇന്ത്യക്ക് തിരിച്ചടിയായി ചഹറിനു പകരം ശാർദുൽ താക്കൂർ ഇന്ത്യൻ നിരയിൽ ഇടം പിടിച്ചു.
ഇന്ത്യൻ ബോളർമാർ മികച്ച രീതിയിൽ പന്തെറിഞ്ഞപ്പോൾ സിബാബ് വെയുടെ ഓപ്പണിങ്ങ് ബാറ്റർമാർ റൺസ് കണ്ടെത്താൻ നന്നായി ബുദ്ധിമുട്ടി, ഒമ്പതാം ഓവറിൽ സിറാജ് കൈറ്റാനോയെ(7) പുറത്താക്കി കൊണ്ട് ഇന്ത്യക്ക് ആദ്യ വിക്കറ്റ് സമ്മാനിച്ചു, ബാറ്റിൽ കൊണ്ട പന്ത് വലത് വശത്തേക്ക് ഡൈവ് ചെയ്ത് ഒറ്റക്കൈയിൽ ഒതുക്കുകയായിരുന്നു സഞ്ജു സാംസൺ, കമന്റേറ്റർമാർ താരത്തിന്റെ ഈ ക്യാച്ചിനെ ഏറെ പ്രസംസിച്ചു,സഞ്ജുവിന്റെ വിക്കറ്റ് കീപ്പിങ് പാടവം പലപ്പോഴും ഇന്ത്യക്ക് പല മത്സരങ്ങളിലും മുതൽക്കൂട്ട് ആകാറുണ്ട്, നിലവിലെ ഇന്ത്യൻ ടീമിലെ വിക്കറ്റ് കീപ്പർമാരിൽ ഏറ്റവും നന്നായി ആ ജോലി ചെയ്യുന്നത് സഞ്ജു ആണെന്ന് നിസംശയം പറയാനാകും, കഴിഞ്ഞ കുറേ മത്സരങ്ങളിലായി സഞ്ജു അത് തെളിയിച്ച് കൊണ്ടേയിരിക്കുകയാണ്.
പന്ത്രണ്ടാം ഓവറിൽ ശാർദുൽ താക്കൂർ ഇന്നസെന്റ് കൈയ്യയെയും (16) ചക്ബയെയും (2) പുറത്താക്കിക്കൊണ്ട് സിബാബ് വെയെ സമ്മർദ്ദത്തിലാക്കി, മാധവേരയെ (2) പ്രസിദ് കൃഷ്ണ സഞ്ജുവിന്റെ കൈകളിൽ എത്തിച്ചപ്പോൾ സിക്കന്ദർ റാസയെ (16) കുൽദീപ് യാദവും വീഴ്ത്തിയപ്പോൾ 72/5 എന്ന നിലയിൽ സിബാബ് വെയുടെ മുൻനിര തകർന്നു.
സമ്മർദ്ദ ഘട്ടത്തിലും ആക്രമിച്ച് കളിച്ചു കൊണ്ട് സീൻ വില്യംസ് സിബാബ് വെക്ക് പ്രതീക്ഷ നൽകിയെങ്കിലും 42 റൺസ് എടുത്ത വില്യംസിനെ പാർട്ട്‌ ടൈം സ്പിന്നറായ ദീപക് ഹൂഡ വീഴ്ത്തി,
42 റൺസ് എടുത്ത വില്യംസ്സും, 39 റൺസ് എടുത്ത റയാൻ ബേൾ ഉം ആണ് സിബാബ് വെൻ സ്കോർ 161 ൽ എങ്കിലും എത്തിക്കാൻ സഹായിച്ചത്, ഇന്ത്യക്കായി ശാർദുൽ താക്കൂർ 3 വിക്കറ്റ് നേടി.
മറുപടി ബാറ്റിങ്ങിനിറങ്ങിയ ഇന്ത്യക്ക് വേണ്ടി കഴിഞ്ഞ കളിയിൽ നിന്ന് വ്യത്യസ്തമായി ക്യാപ്റ്റൻ രാഹുൽ ധവാനൊപ്പം ഇന്നിങ്സ് ഓപ്പൺ ചെയ്യാനെത്തി, പക്ഷെ 1 റൺസ് മാത്രം എടുത്ത രാഹുലിനെ വിക്ടർ നയൂച്ചി വിക്കറ്റിനു മുന്നിൽ കുടുക്കുകയായിരുന്നു, മൂന്നാമനായി ക്രീസിലെത്തിയ ശുഭ്മാൻ ഗിൽ കഴിഞ്ഞ മത്സരത്തിലെ ഫോം ആവർത്തിച്ച് മികച്ച രീതിയിൽ ബാറ്റ് ചെയ്തു, മറു വശത്ത് ശിഖർ ധവാനും ആക്രമിച്ച് കളിച്ചതോടെ ഇന്ത്യൻ സ്കോർ വേഗത്തിൽ ചലിച്ചു, പിന്നീട് വന്ന ഇഷാൻ കിഷൻ (6) നിരാശപ്പെടുത്തിയെങ്കിലും ദീപക് ഹൂഡയും (25)
സഞ്ജു സാംസണും (43*) ഇന്ത്യയെ വിജയത്തിലേക്ക് നയിക്കുകയായിരുന്നു, അവസാന മത്സരം ഓഗസ്റ്റ് 22 നു നടക്കും.
വേദനിപ്പിച്ചവന് ബാറ്റ് കൊണ്ട് മറുപടി,വീഡിയോ കാണാം: