ഇന്ത്യയും സിബാബ് വെയുമായുള്ള അവസാന ഏകദിന മത്സരത്തിൽ ടോസ്സ് നേടിയ ഇന്ത്യൻ ക്യാപ്റ്റൻ കെ.എൽ രാഹുൽ ബാറ്റിംഗ് തിരഞ്ഞെടുക്കുകയായിരുന്നു, ആദ്യ 2 ഏകദിനങ്ങളിലും ടോസിന്റെ ഭാഗ്യം ഇന്ത്യൻ നായകനൊപ്പം ആയിരുന്നു, 2-0 നു ഇന്ത്യ നേരത്തെ തന്നെ പരമ്പര സ്വന്തമാക്കിയതിനാൽ ഇന്നത്തെ മത്സരത്തിന് വലിയ പ്രസക്തിയില്ല,
ഇന്ത്യൻ നിരയിൽ പ്രസിദ് കൃഷ്ണയ്ക്കും, മുഹമ്മദ്‌ സിറാജിനും പകരം ദീപക് ചഹറും, ആവേശ് ഖാനും ഇടം പിടിച്ചപ്പോൾ സിബാബ് വെയും 2 മാറ്റങ്ങളുമായാണ് ഇന്ന് കളത്തിലിറങ്ങിയത്, വെസ്‌ലി മാധവേരയ്ക്കും, തനാക്ക ചിവാൻഗയ്ക്കും പകരമായി, ടോണി മുന്യോഗയും, റിച്ചാർഡ് നഗ്രാവയും സിബാബ് വെൻ നിരയിൽ ഇടം നേടി.
ശിഖർ ധവാനും, കെ.എൽ. രാഹുലുമാണ് ഇന്ത്യക്കായി ഇന്നിംഗ്സ് ഓപ്പൺ ചെയ്യാനിറങ്ങിയത്, ആക്രമിച്ച് കളിക്കുന്നതിൽ പേരു കേട്ട ഇരുവരും വളരെ പതിയെ ആണ് ഇന്നത്തെ മത്സരത്തിൽ കളിച്ചത്, ഓപ്പണിങ് വിക്കറ്റിൽ 63 റൺസ് കൂട്ട് കെട്ട് ഉണ്ടാക്കിയതിന് പിന്നാലെ 46 പന്തിൽ 1 ഫോറും ഒരു സിക്സും അടക്കം 30 റൺസ് നേടിയ ക്യാപ്റ്റൻ രാഹുലിനെ ബ്രാഡ് ഇവാൻസ് ക്ലീൻ ബൗൾഡ് ആക്കുകയായിരുന്നു, പിന്നാലെ 40 റൺസ് എടുത്ത ശിഖർ ധവാനെയും ഇവാൻസ് വില്യംസിന്റെ കൈകളിൽ എത്തിക്കുകയായിരുന്നു,
മത്സരത്തിൽ ധവാൻ ധരിച്ചത് ശാർദുൽ താക്കൂറിന്റെ 54ആം നമ്പർ ജേഴ്‌സി ആയിരുന്നു, ജേഴ്‌സിയിൽ താക്കൂറിന്റെ പേരു സ്റ്റിക്കർ വെച്ച് മറക്കുന്നതായും വീഡിയോയിൽ കാണാം, പിന്നീട് ധവാൻ ഔട്ട്‌ ആയി ഡ്രെസ്സിങ് റൂമിൽ എത്തിയതിനു ശേഷം കാണികളിൽ ഒരാൾ രസകരമായ ഒരു പ്ലക്കാർഡുമായി പ്രത്യക്ഷപ്പെട്ടത് ഡ്രസ്സിംഗ് റൂമിൽ ചിരി പടർത്തി, ഇത്തരം സംഭവങ്ങളോട് രസകരമായി പ്രതികരിക്കുന്ന ശീലമുള്ള ധവാൻ, തന്റെ ടീ ഷർട്ട് ഊരുന്നതായി കാണിച്ചത് കാണികളിലും ഡ്രസ്സിംഗ് റൂമിലും ചിരി പടർത്തി.വീഡിയോ കാണാം :