ഇന്ത്യ ബംഗ്ലാദേശ് ടെസ്റ്റ്‌ മത്സരം പുരോഗമിക്കുകയാണ്. ഇന്ത്യൻ ബാറ്റസ്മാന്മാർ അവസരത്തിന് ഒത്തു ഉയർന്ന ആദ്യ ഇന്നിങ്സിൽ ഇന്ത്യ 404 റൺസ് നേടി എല്ലാവരും പുറത്തായി.90 റൺസ് നേടിയ പൂജാരയാണ് ഇന്ത്യയുടെ ടോപ് സ്കോർർ.86 റൺസ് നേടിയ ശ്രെയസും ഫിഫ്റ്റി നേടിയ അശ്വിൻ 40 റൺസ് നേടിയ കുൽദീപ് ഇന്ത്യൻ ബാറ്റിങ്ങിൽ നിർണായകമായി.അവസാന നിമിഷങ്ങളിൽ സിക്റുകൾ പറത്തിയ ഉമേഷും കൂടി ചേർന്ന് കൊണ്ട് ഇന്ത്യൻ സ്കോർ 400 കടത്തി.
മറുപടി ബാറ്റിങ്ങിന് ഇറങ്ങിയ ബംഗ്ലാദേശിന് തുടക്കത്തിൽ തന്നെ പിഴച്ചു. ബംഗ്ലാദേശ് ഇന്നിങ്സിന്റെ ആദ്യ പന്തിൽ സിറാജ് ബംഗ്ലാ ബാറ്റർ ശാന്റോയെ വിക്കറ്റ് കീപ്പറായ പന്തിന്റെ കൈയിലെത്തിച്ചു.ഓഫ്‌ സ്റ്റമ്പിന് പുറത്ത് വന്ന ബോൾ ബാറ്റ് വെച്ച ശാന്റോ കണ്ടത് പറന്നു ക്യാച്ച് എടുക്കുന്ന പന്തിനെയാണ്.ഇത് കൊണ്ട് ഒന്നും ഇന്ത്യ നിർത്തിയില്ല. സിറാജ് വിക്കറ്റ് എടുത്താൽ എങ്ങനെ ഉമേഷിന് നോക്കി നിൽക്കാൻ സാധിക്കും. ദേ വരുന്നു ഒരു ഇൻസ്വിങ്ങിങ് ഡെലിവറി. ആ ഡെലിവറി കടന്നു പോകുന്നത് ബംഗ്ലാദേശ് ബാറ്ററുടെ കുറ്റി തെറിപ്പിച്ചു കൊണ്ടും.
ഏകദിന പരമ്പരയിലെ നാണക്കേട് മറികടക്കാൻ ഇന്ത്യൻ ടീമിന് ടെസ്റ്റ്‌ പരമ്പര അതാവശ്യമാണ്. മാത്രമല്ല ടെസ്റ്റ്‌ ചാമ്പ്യൻഷിപ് ഫൈനൽ സാധ്യതകൾ സജീവമാക്കാനും വിജയം അനിവാര്യമാണ്. നേരത്തെ ഏകദിന പരമ്പരയിൽ ഒന്നിനെതിരെ രണ്ട് മത്സരങ്ങൾക്ക് ഇന്ത്യ തോൽവി രുചിച്ചിരുന്നു. രണ്ട് മത്സരങ്ങൾ അടങ്ങിയ ടെസ്റ്റ്‌ പരമ്പരയാണ് ഇന്ത്യ ബംഗ്ലാദേശിനെതിരെ കളിക്കുക.രണ്ടാമത്തെ ടെസ്റ്റ്‌ ഡിസംബർ 22 ന്ന് ആരംഭിക്കും.
