ആഷേസ് ടെസ്റ്റ്‌ ക്രിക്കറ്റിലെ ഏറ്റവും വലിയ വൈരമാണ്. ഓസ്ട്രേലിയും ഇംഗ്ലണ്ടും തമ്മിൽ നടക്കുന്ന അഞ്ചു മത്സര ടെസ്റ്റ്‌ പരമ്പരെയാണ് ആഷേസ് എന്ന് വിളിക്കപ്പെടുന്നത്. ഇംഗ്ലണ്ടിന്റെ ബാസ് ബോൾ ശൈലിയും ലോക ചാമ്പ്യൻമാരായ ഓസ്ട്രേലിയും ഏറ്റുമുട്ടുനതോടെ ഈ ആഷേസ് വളരെ ആവേശകരമാവുകയാണ്.
ഓസ്ട്രേലിയ കളിക്കുമ്പോൾ സ്ലെഡ്ജ് വളരെ സാധാരണമാണ്. ആഷേസ് കൂടിയാവുന്നതോടെ ഈ സ്ലെഡ്ജുകൾ ഒരു പക്ഷെ മത്സരത്തെ തന്നെ ബാധിച്ചേക്കാം. എന്നാൽ ഇപ്പോൾ ഒരു ഇംഗ്ലണ്ട് താരം ഓസ്ട്രേലിയ താരങ്ങളെ സ്ലെഡ്ജ് ചെയ്തിരിക്കുകയാണ്. എന്താണ് സംഭവം എന്ന് പരിശോധിക്കാം.ഇംഗ്ലണ്ട് താരം ഒല്ലി റോബിൻസനാണ് ഈ താരം.
ഓസ്ട്രേലിയുടെ രണ്ടാം ഇന്നിങ്സിന്റെ ഡ്രിങ്ക്സ് ബ്രേക്കിന് ഇടയിലാണ് സംഭവം.ഖവാജയും ഗ്രീനും സംസാരിക്കുകയായിരുന്നു.റോബിൻസൺ ഖവാജക്ക് നേരെ തിരിഞ്ഞു.ഖവാജക്കെതിരെ സംസാരിക്കുന്നു.വിട്ട് കൊടുക്കാൻ ഖവാജയും ഒരുക്കുമായിരുന്നില്ല.കാര്യങ്ങൾ കൈവിട്ട് പോവാൻ തുടങ്ങി. എന്നാൽ കൃത്യ സമയത്ത് ഇംഗ്ലണ്ട് ഇതിഹാസ താരം ജെയിംസ് അൻഡേഴ്സൺ ഇടപെട്ടു. റോബിൻസണിനെ മാറ്റി കൊണ്ട് പോയി. ആദ്യ ഇന്നിങ്സിൽ ഖവാജയുടെ വിക്കറ്റ് റോബിൻസനായിരുന്നു സ്വന്തമാക്കിയത്.