ഒരു ഫാസ്റ്റ് ബൗളേർക്ക് നേരിടുന്ന ഏറ്റവും ഭയാനകമായ കാര്യമാണ് റൺ അപ്പ്‌ തുടങ്ങി പന്ത് എറിയുന്നതിന് മുന്നേ ആ ഡെലിവറി നേരിടുന്നതിൽ നിന്ന് ബാറ്റർ പിന്മാറുന്നത്.. ഇത്തരത്തിൽ ചെയ്യുമ്പോൾ ഇവർക്ക് വലിയ പരിക്കുകൾ സംഭവിച്ചേക്കാം. റൺ അപ്പ്‌ തുടങ്ങി തൊട്ട് അടുത്ത നിമിഷമാണെങ്കിൽ അത്ര ഭയാനകമായിരിക്കില്ല ഫാസ്റ്റ് ബൗളേർമാർക്ക് ഈ കാഴ്ച.
എന്നാൽ പന്ത് എറിയുന്നതിന് തൊട്ട് മുന്നേ ബാറ്റർ പന്ത് നേരിടുന്നതിൽ നിന്ന് പിന്മാറിയാലോ??. ഇംഗ്ലണ്ട് ബംഗ്ലാദേശ് ലോകക്കപ്പ് മത്സരത്തിൽ അത്തരത്തിൽ ഒരു സംഭവം സംഭവിച്ചിരിക്കുകയാണ്.ഇംഗ്ലണ്ട് ഇന്നിങ്സിന്റെ 23 മത്തെ ഓവറിലാണ് സംഭവം.മുസ്താഫിസൂറാണ് ബംഗ്ലാദേശിന് വേണ്ടി ബൗൾ ചെയ്യുന്നത്. റൂട്ടാണ് ബാറ്റർ.
മുസ്താഫിസുർ കൃത്യമായ റൺ അപ്പും എടുത്തു വരുകയാണ്. എന്നാൽ പന്ത് എറിയുന്നതിന് തൊട്ട് മുന്നേ റൂട്ട് പിന്മാറുന്നു. മുസ്താഫിസുർ സൈറ്റ് സ്‌ക്രീനിൽ എന്താണ് സംഭവിച്ചത് എന്നറിയാൻ വേണ്ടി തിരിഞ്ഞു നോക്കുന്നു. ബാലൻസ് തെറ്റുന്നു. നിലത്തു വീഴുന്നു. പരിക്ക് ഏൽക്കുന്നു. പക്ഷെ പരിക്ക് അത്ര സാരമുള്ളതാവാതെയിരുന്നത് കൊണ്ട് അദ്ദേഹം തന്റെ ഓവർ തുടരുന്നു.