ഇന്ത്യയ്‌ക്കെതിരെ 187വിജയലക്ഷ്യവുമായി ഇറങ്ങിയ സിംബാബ്‌വെ 10 ഓവർ പിന്നിട്ടപ്പോൾ 5 വിക്കറ്റ് നഷ്ട്ടത്തിൽ 59 റൺസുമായി തകർച്ചയിൽ. ഇന്നിംഗ്‌സിന്റെ ആദ്യ പന്തിൽ കോഹ്ലിയുടെ തകർപ്പൻ ക്യാച്ചിലൂടെ ഇന്ത്യ വിക്കറ്റ് നേടിയിരുന്നു. ഭുവനേശ്വർ കുമാറിന്റെ ഡെലിവറിയിൽ ബൗണ്ടറിക്ക് ശ്രമിച്ച മദെവറെയെ ഡൈവ് ക്യാച്ചിലൂടെ പുറത്താക്കുകയായിരുന്നു.
തൊട്ടടുത്ത ഓവർ ചെയ്യാനെത്തിയ അർഷ്ദീപ് സിങും നാലാം പന്തിൽ വിക്കറ്റ് വീഴ്ത്തി. ചകബ്വയെ ബൗൾഡ് ആക്കുകയായിരുന്നു. 10 പന്തിൽ 14 റൺസുമായി ബർലും, 7 പന്തിൽ 9 റൺസുമായി റാസയുമാണ് ക്രീസിൽ. ജയിക്കാൻ 10 ഓവറിൽ ഇനി 128 റൺസ് നേടണം.
നേരെത്തെ സൂര്യകുമാർ യാദവിന്റെ തകർപ്പൻ ഇന്നിങ്‌സിലാണ് ഇന്ത്യ 186 റൺസ് നേടിയത്. 25 പന്തിൽ 4 സിക്‌സും 6 ഫോറും സഹിതം 61 റൺസ് സൂര്യകുമാർ നേടിയിരുന്നു. രാഹുൽ തുടർച്ചയായ രണ്ടാം ഫിഫ്റ്റി നേടിയപ്പോൾ ക്യാപ്റ്റൻ രോഹിത് ശർമ്മ മോശം ഫോം തുടർന്നു. 35 പന്തിൽ 51 റൺസ് നേടിയാണ് രാഹുൽ മടങ്ങിയത്.
ബൗണ്ടറികളോടെ തുടങ്ങിയ കോഹ്ലി ഇടയ്ക്ക് ജാഗ്രതയോടെ നീങ്ങിയപ്പോൾ 25 പന്തിൽ 26 റൺസ് എന്ന നിലയിൽ പുറത്തായി. ഈ ടി20 ലോകക്കപ്പിലെ ആദ്യ മത്സരത്തിന് ഇറങ്ങിയ റിഷഭ് പന്തിനും നല്ല ദിവസമായിരുന്നില്ല. വെറും 3 റൺസ് നേടി പുറത്തായി. 18 പന്തിൽ 18 റൺസ് നേടിയാണ് ഹർദിക് പാണ്ഡ്യ പുറത്തായത്.