ക്രിക്കറ്റ്‌ ആരാധകർക്ക് ഇന്ന് സന്തോഷത്തിന്റെ ദിവസമാണ്.24 ൽ 16 മണിക്കൂറും അന്താരാഷ്ട്ര ക്രിക്കറ്റ്‌ ഇന്നത്തെ ദിവസം ഉണ്ടാവും. സൗത്ത് ആഫ്രിക്ക ഓസ്ട്രേലിയ ടെസ്റ്റ്‌ മത്സരത്തിൽ നിന്ന് തുടങ്ങി ഇന്ത്യ ഓസ്ട്രേലിയ വനിതാ ട്വന്റി ട്വന്റി മത്സരം വരെയാണ് ഈ മത്സരങ്ങൾ. നിലവിൽ സൗത്ത് ആഫ്രിക്ക ഓസ്ട്രേലിയ, ഇംഗ്ലണ്ട് പാകിസ്ഥാൻ, ഇന്ത്യ ബംഗ്ലാദേശ് എന്നീ ടെസ്റ്റ്‌ മത്സരങ്ങൾ നടക്കുന്നുണ്ട്.മാത്രമല്ല ഓരോ മത്സരങ്ങളും മികച്ച നിമിഷങ്ങൾ സൃഷ്ടിച്ചു കൊണ്ടിരിക്കുകയാണ്.
ഓസ്ട്രേലിയ സൗത്ത് ആഫ്രിക്ക മത്സരത്തിലും മനോഹരമായ ഒരു മുഹൂർത്തം സംഭവിച്ചിരിക്കുകയാണ്.ഓസ്ട്രേലിയ ഇന്നിങ്സിന്റെ ആദ്യ പന്തിൽ തന്നെയാണ് സംഭവം. ഡേവിഡ് വാർണറാണ് ബാറ്റർ. കാഗിസോ റബാഡ ബൗളുമായി എത്തുന്നു.ഷോർട്ട് ലെഗിൽ സോണ്ടയുമുണ്ട്.റബാഡ റൺ അപ്പ്‌ എടുത്തു വാർണറിന്റെ ദേഹത്തേക്ക് ഒരു ഡെലിവറി.പന്ത് നിയന്ത്രിക്കാൻ കഴിയാതെ വാർണർ ബാറ്റ് വെക്കുന്നു.ഷോർട്ട് ലെഗിൽ നിന്ന് സോണ്ട അസാമാന്യ രീതിയിൽ പന്ത് കൈപിടിയിൽ ഒതുക്കുന്നു. വാർണർ ഗോൾഡൻ ഡക്ക്.
തങ്ങളെ 152 റൺസിന് പുറത്താക്കിയ ഓസ്ട്രേലിയക്ക്‌ അതെ രീതിയിലുള്ള മറുപടി തന്നെയാണ് സൗത്ത് ആഫ്രിക്ക നൽകി കൊണ്ടിരിക്കുന്നത്. റബാഡയും എൻഗിടിയും മികച്ച രീതിയിൽ പന്ത് എറിയുകയാണ്.64 റൺസ് നേടിയ വെറിയേനാണ് ദക്ഷിണ ആഫ്രിക്കയുടെ ടോപ് സ്കോർർ.ഓസ്ട്രേലിയക്ക്‌ വേണ്ടി ലിയോണും സ്റ്റാർക്കും മൂന്നു വിക്കറ്റ് സ്വന്തമാക്കിയപ്പോൾ ബോലൻണ്ടും കമ്മിൻസും രണ്ട് വിക്കറ്റ് സ്വന്തമാക്കി.
