ഓസ്ട്രേലിയ ക്രിക്കറ്റിന് ഈ അടുത്ത കാലത്ത് ലഭിച്ച ഏറ്റവും മികച്ച ബാറ്റർമാരിൽ ഒരാളാണ് ലാബുഷാനെ. തന്റെ ബാറ്റിംഗ് മികവ് കൊണ്ട് നിലവിൽ ടെസ്റ്റ്‌ ക്രിക്കറ്റിലെ ഏറ്റവും മികച്ച ബാറ്റർമാരിൽ ഒരാളായി അദ്ദേഹം മാറി. ടെസ്റ്റ്‌ ബാറ്റിംഗ് റാങ്കിങ്ങിൽ അദ്ദേഹമാണ് നിലവിൽ ഒന്നാം സ്ഥാനത്ത്. എന്നാൽ ഇപ്പോൾ അദ്ദേഹത്തിന്റെ രസകരമായ ഒരു വീഡിയോ പുറത്ത് വന്നിരിക്കുകയാണ്. എന്താണ് ആ വീഡിയോ എന്ന് നമുക്ക് പരിശോധിക്കാം.
ഇപ്പോൾ നടന്ന് കൊണ്ടിരിക്കുന്നു സൗത്ത് ആഫ്രിക്ക ഓസ്ട്രേലിയ ടെസ്റ്റ്‌ മത്സരത്തിലാണ് സംഭവം. മത്സരത്തിന് ഇടയിൽ അദ്ദേഹം ലൈറ്റർ ആവശ്യപെടുകയാണ്.ഡഗ് ഔട്ടിലേക്ക് നോക്കി അദ്ദേഹം ഒന്ന് കൂടി കൂട്ടിച്ചേർക്കുന്നു. അത് ഒരു സിഗരറ്റ് ലൈറ്റർ ആയിരിക്കണമെന്ന്. തന്റെ ഹെൽമെറ്റിന്റെ ഫ്രെയിം മെറ്റീരിയൽ കത്തിക്കാൻ എന്തോ വേണ്ടിയാണ് അദ്ദേഹം ലൈറ്റർ ആവശ്യപെട്ടത്.ഈ ഒരു രംഗം നിലവിൽ സമൂഹ മാധ്യമങ്ങളിൽ തരംഗമാണ്.
2019 ൽ സ്റ്റീവ് സ്മിത്തിന് പകരക്കാരനായിയാണ് ലാബുഷാനെ ടീമിലേക്കെത്തിയത്.മൂന്നു ടെസ്റ്റ്‌ മത്സരങ്ങൾ അടങ്ങിയ ടെസ്റ്റ്‌ പരമ്പരയിൽ നിലവിൽ ഓസ്ട്രേലിയ 2-0 ത്തിന് മുന്നിലാണ്. നിലവിൽ നടന്നു കൊണ്ടിരിക്കുന്ന ടെസ്റ്റ്‌ മത്സരം വിജയിച്ചു മുഖം രക്ഷിക്കാനാകും സൗത്ത് ആഫ്രിക്ക ശ്രമിക്കുക.നിലവിൽ ഓസ്ട്രേലിയ 1 വിക്കറ്റ് നഷ്ടത്തിൽ 138 റൺസ് സ്വന്തമാക്കിയിട്ടുണ്ട്.
