ഇന്ത്യയും ശ്രീലങ്കയും തമ്മിലുള്ള 3 മത്സരങ്ങളടങ്ങിയ ട്വന്റി-20 പരമ്പരയിലെ ആദ്യ മത്സരത്തിൽ ഇന്ത്യക്ക് 2 റൺസ് ജയം ഇതോടെ പരമ്പരയിൽ 1-0 ന് മുന്നിലെത്താൻ ഇന്ത്യക്ക് സാധിച്ചു, മത്സരത്തിൽ ടോസ് നേടിയ ശ്രീലങ്കൻ ക്യാപ്റ്റൻ ഷാണക ഇന്ത്യയെ ബാറ്റിങ്ങിന് അയക്കുകയായിരുന്നു, ട്വന്റി-20 യിൽ അരങ്ങേറ്റം കുറിച്ച ശുഭ്മാൻ ഗിൽ (7) പെട്ടന്ന് പുറത്തായെങ്കിലും ഇഷാൻ കിഷൻ (37) ഇന്ത്യയെ മുന്നോട്ട് നയിച്ചു, സൂര്യ കുമാർ യാദവും (7) സഞ്ജു സാംസണും (5) നിരാശപ്പെടുത്തിയപ്പോൾ ദീപക് ഹൂഡയും 41* അക്സർ പട്ടേലും 31* ഇന്ത്യയെ നിശ്ചിത 20 ഓവറിൽ 162/5 എന്ന മാന്യമായ സ്കോറിൽ എത്തിച്ചു.
മറുപടി ബാറ്റിങ്ങിന് ഇറങ്ങിയ ലങ്കയ്ക്ക് തുടക്കത്തിൽ തന്നെ നിസങ്കയെ (1) നഷ്ടമായി, പിന്നീട് ഇടവേളകളിൽ വിക്കറ്റ് വീണതോടെ ശ്രീലങ്ക 68/5 എന്ന നിലയിൽ തകർന്നു, എന്നാൽ ക്യാപ്റ്റൻ ഷാനകയും (45) ഹസരംഗയും (21) തകർച്ചയിൽ നിന്ന് ലങ്കയെ കരകയറ്റി, അവസാന ഓവറുകളിൽ നന്നായി കളിച്ച കരുണരത്നയും 23* ലങ്കയെ വിജയത്തിന് അടുത്തെത്തിച്ചെങ്കിലും 2 റൺസ് അകലെ അവരുടെ പോരാട്ടം അവസാനിച്ചു.
മത്സരത്തിൽ ഇന്ത്യയുടെ വിജയത്തിൽ നിർണായകമായത് അന്താരാഷ്ട്ര ക്രിക്കറ്റിൽ ഇന്ത്യയ്ക്ക് വേണ്ടി ആദ്യ മത്സരത്തിനിറങ്ങിയ ശിവം മാവിയുടെ മികച്ച ബോളിംഗ് പ്രകടനം ആണ്, 4 ഓവറിൽ വെറും 22 റൺസ് മാത്രം വഴങ്ങി 4 വിക്കറ്റുകൾ ആണ് താരം സ്വന്തമാക്കിയത്, അപകടകാരിയായ നിസങ്കയെ തുടക്കത്തിൽ തന്നെ വീഴ്ത്തി ഇന്ത്യക്ക് ആദ്യ വിക്കറ്റ് സമ്മാനിച്ച താരം,
പിന്നീട് ധനജ്ഞയ ഡി സിൽവ, ഹസരംഗ, ഷാണക, മഹീഷ് തീക്ഷ്ണ എന്നിവരുടെ വിക്കറ്റുകളും സ്വന്തമാക്കി തന്റെ അരങ്ങേറ്റ മത്സരം അവിസ്മരണീയമാക്കി, ഇതിനിടെ ശിവം മാവിയുടെ കുടുംബാംഗങ്ങൾ താരത്തിന്റെ വിക്കറ്റ് നേട്ടം ആഘോഷിക്കുന്ന വീഡിയോ സോഷ്യൽ മീഡിയകളിൽ വൈറൽ ആയി.
Written By: അഖിൽ. വി.പി. വള്ളിക്കാട്.
വീഡിയൊ :
മാവിയുടെ 4 വിക്കറ്റ് വിഡിയോ :