ഇന്ത്യയും ന്യൂസിലാൻഡും തമ്മിലുള്ള രണ്ടാം ഏകദിനത്തിലും ഇന്ത്യക്ക് ജയം, 8 വിക്കറ്റിനാണ് ഇന്ത്യ ജയിച്ചത്, ഇതോടെ 3 മത്സരങ്ങളടങ്ങിയ പരമ്പര ഒരു മത്സരം ശേഷിക്കെ ഇന്ത്യ 2-0 ന് സ്വന്തമാക്കി, ടോസ് നഷ്ടപ്പെട്ട് ആദ്യം ബാറ്റ് ചെയ്ത കിവീസിനെ വെറും 108 റൺസിന് ഇന്ത്യൻ ബോളർമാർ എറിഞ്ഞിട്ടു, മറുപടി ബാറ്റിങ്ങിനിറങ്ങിയ ഇന്ത്യയെ അർധ സെഞ്ച്വറിയുമായി ക്യാപ്റ്റൻ രോഹിത് ശർമയും (51) പുറത്താകാതെ 40* റൺസ് എടുത്ത് ഗില്ലും ചേർന്ന് വിജയത്തിലെത്തിക്കുകയായിരുന്നു.
മത്സരത്തിൽ ടോസ് നേടിയ ഇന്ത്യൻ ക്യാപ്റ്റൻ രോഹിത് ശർമ കിവീസിനെ ബാറ്റിംഗിന് അയക്കുകയായിരുന്നു, ആദ്യ ഓവറിൽ തന്നെ ഫിൻ അലനെ (0) വീഴ്ത്തിക്കൊണ്ട് മുഹമ്മദ്‌ ഷമിയാണ് ഇന്ത്യക്ക് ആദ്യ വിക്കറ്റ് സമ്മാനിച്ചത്, പിന്നാലെ വന്ന ബാറ്റർമാരെ നിലയുറപ്പിക്കുന്നതിന് മുന്നേ ഇന്ത്യൻ ബോളർമാർ മടക്കി അയച്ചപ്പോൾ കിവീസ് കൂട്ടത്തകർച്ചയിലേക്ക് നീങ്ങി, ഒരു ഘട്ടത്തിൽ 15/5 എന്ന നിലയിൽ ആയ കിവീസിനെ, ഗ്ലെൻ ഫിലിപ്സ് (36) മിച്ചൽ സാൻട്നർ (27) ബ്രേസ് വെൽ (22) എന്നിവർ നേടിയ റൺസിന്റെ പിൻബലത്തിലാണ് 100 റൺസ് എങ്കിലും കടന്നത്,
ബോൾ ചെയ്ത എല്ലാ ഇന്ത്യൻ ബോളർമാർക്കും വിക്കറ്റ് നേടാൻ സാധിക്കുകയും ചെയ്തു, മുഹമ്മദ്‌ ഷമി 3 വിക്കറ്റ് നേടിയപ്പോൾ ഹാർദിക്ക് പാണ്ഡ്യയും വാഷിംഗ്ടൺ സുന്ദറും 2 വിക്കറ്റ് വീതം വീഴ്ത്തി, മുഹമ്മദ്‌ സിറാജ്, ശാർദുൾ താക്കൂർ, കുൽദീപ് യാദവ് എന്നിവർ ഓരോ വിക്കറ്റ് വീതവും വീഴ്ത്തി.
Written By: അഖിൽ. വി.പി. വള്ളിക്കാട്.
10 വിക്കറ്റ് വിഡിയോ :