ബംഗ്ലാദേശിന്റെ സൂപ്പർതാരമാണ് ഷാക്കിബ് അൽ ഹസ്സൻ. ലോകം കണ്ട നിലവിൽ ക്രിക്കറ്റ് കളിക്കുന്ന ഏറ്റവും മികച്ച ഓൾറൗണ്ടർമാരിൽ ഒരാൾ തന്നെയാണ് ഷാക്കിബ്. നിലവിലുള്ള ബംഗ്ലാദേശ് ടീമിന്റെ ടി20, ടെസ്റ്റ്‌ ക്യാപ്റ്റൻ കൂടിയാണ് ഷാക്കിബ്. ഐപിഎല്ലിൽ കൊൽക്കത്ത നൈറ്റ് റൈഡേഴ്സ് താരമാണ് ഷാക്കിബ്. കഴിഞ്ഞ ലേലത്തിലാണ് വീണ്ടും ഷാക്കിബിനെ കൊൽക്കത്ത സ്വന്തമാക്കിയത്.
ക്രിക്കറ്റിൽ പ്രശസ്തി പിടിച്ചു പറ്റുമ്പോഴും വിവാദങ്ങൾ ഷാക്കിബിന്റെ കൂടെ എപ്പോഴും കൂടിയിരുന്നു. മത്സരത്തിനിടയ്ക്ക് ഷാക്കിർ ചൂടാവുന്ന പല വീഡിയോകളും പുറത്തുവന്നിരുന്നു. ഇതിൽ അമ്പയറുടെ അടുത്ത് ചൂടായശേഷം വിക്കറ്റ് ചവിട്ടിത്തെറിപ്പിക്കുന്ന വീഡിയോയും വൈറൽ ആയിരുന്നു. ഇതിൽ നിരവധി പേർ ഷാക്കിബിന്റെ പ്രവർത്തിക്കെതിരെ പ്രതികരിക്കുകയും ചെയ്തിരുന്നു.
29 ഒക്ടോബർ 2019ൽ ഐസിസി മോശം പെരുമാറ്റത്തെ തുടർന്ന് ഷാക്കിബിനെ രണ്ട് വർഷത്തേക്ക് വിലക്കിയിരുന്നു. എന്നാൽ പെരുമാറ്റത്തിൽ കാര്യമായ മാറ്റങ്ങൾ ഒന്നും വന്നിട്ടില്ല എന്ന് വീണ്ടും വീണ്ടും തെളിയിക്കുകയാണ് ഷാക്കിബ്. മികച്ച താരമാണ് എങ്കിലും പലപ്പോഴും ഷാക്കിബിന്റെ പെരുമാറ്റം ബംഗ്ലാദേശ് ക്രിക്കറ്റ് ബോർഡിനും തലവേദന ആവുകയാണ്.
ഇപ്പോൾ പുറത്തുവന്നുകൊണ്ടിരിക്കുന്നത് ഷാക്കിബ് ആരാധകരുടെ അടുത്ത് ചൂടാവുന്ന വീഡിയോ ദൃശ്യമാണ്. ആരാധകരുടെ കൂട്ടത്തിനിടയ്ക്ക് നിന്ന് നടന്നുവരുന്ന ഷാക്കിബിന്റെ തൊപ്പി ഒരു ആരാധകൻ കൈക്കലാക്കി. ഇതാണ് ഷാക്കിബിനെ ചൊടിപ്പിച്ചത്. തൊപ്പി പിടിച്ചു വാങ്ങിയശേഷം തൊപ്പി കൊണ്ട് തന്നെ ആരാധകനെ ഷാക്കിബ് പലതവണ തല്ലി. ഇതിന്റെ വീഡിയോ ദൃശ്യം കാണാം.