ഇന്നലെ നടന്ന മത്സരത്തിൽ ബാംഗ്ലൂർ ലക്നൗവിനെതിരെ അവസാന പന്തിൽ തോൽവി ഏറ്റുവാങ്ങിയിരുന്നു. ഈ മത്സരം തോറ്റതോടെ ബാംഗ്ലൂരിനെതിരെ ട്രോൾ മഴയാണ് സോഷ്യൽ മീഡിയയിൽ നിറയുന്നത്. എല്ലാ കാണികളെയും 100% ആവേശത്തിൽ ആഴ്ച്ചുന്ന മത്സരമായിരുന്നു ഇന്നലെ കഴിഞ്ഞത്. കഴിഞ്ഞ ദിവസം നടന്ന കൊൽക്കത്ത നൈറ്റ് റൈഡേഴ്സ് ഗുജറാത്ത് ടൈറ്റൻസ് മത്സരം ഓർമ്മിപ്പിക്കുന്ന വിധത്തിലുള്ള ക്ലൈമാക്സ് ആയിരുന്നു കഴിഞ്ഞദിവസം നടന്ന മത്സരത്തിനും.
ബാംഗ്ലൂർ 213 റൺസ് വിജയലക്ഷ്യമാണ് ലക്നൗ സൂപ്പർ ജയന്റ്സിന് മുന്നിൽ പടുത്തുയർത്തിയത്. ആദ്യ ബാറ്റ് കഴിഞ്ഞപ്പോൾ എക്സ്പേർട്ടുകൾ ഉൾപ്പെടെ ലക്നൗവിന് ഈ സ്കോർ പിന്തുടരുക എന്നത് വളരെയധികം ബുദ്ധിമുട്ടുള്ള കാര്യമായിരിക്കും എന്ന് പ്രവചിച്ചു. പക്ഷേ എല്ലാവരെയും ഞെട്ടിക്കുന്ന രീതിയിലായിരുന്നു പിന്നീട് നടന്ന ട്വിസ്റ്റ്‌. ബാംഗ്ലൂരിന്റെ പരിധിയിൽ ആയ മത്സരം ലക്നൗ മെല്ലെ തങ്ങളുടെ നേരെ തിരിച്ചു.
നിക്കോളാസ് പൂരാന്റെ ഗംഭീര ബാറ്റിംഗ് മികവാണ് ലക്നൗവിന് മത്സരം അനുകൂലമായത്. 19 ബോൾ നേരിട്ട നിക്കോളാസ് പൂരാൻ 62 റൺസ് ആണ് അടിച്ചുകൂട്ടിയത്. നേരത്തെ ബാറ്റ് ചെയ്ത ബാംഗ്ലൂർ വിരാട് കോഹ്ലിയുടെയും ഫാഫ് ഡ്യൂപ്ലിസിയുടെയും ഗ്ലെന്‍ മാക്വെലിന്റെയും ബാറ്റിംഗ് മികവിലാണ് 212 എന്ന പടുകൂറ്റൻ സ്കോർ നേടിയത്. മറുപടി ബാറ്റിംഗിന് ഇറങ്ങിയ ലക്നൗവിന്റെ തുടക്കവും ശുഭകരമായിരുന്നില്ല.
തുടക്കത്തിൽ തന്നെ ഫോമിൽ ആയ കൈൽ മേയേഴ്‌സും ദീപക്ക് ഹൂടയും ക്രൂണാൾ പാണ്ഡ്യയും പുറത്തായി. പക്ഷേ പിന്നീട് കാര്യങ്ങൾ മാറിമറിഞ്ഞു. കെ എൽ രാഹുൽ കാര്യമായ രീതിയിൽ സംഭാവന ചെയ്തില്ല. രാഹുലിന്റെ മെല്ലെ പോക്കിന് സോഷ്യൽ മീഡിയ ഇപ്പോൾ നന്നായി ട്രോളുന്നും ഉണ്ട്. പിന്നീട് മാർക്കസ് സ്റ്റോയ്നിസ്സും നിക്കോളാസ് പൂരാനും കളി ലക്നവിനു വേണ്ടി തിരിച്ചുപിടിച്ചു. ഇരുവരും തങ്ങളുടെ ശൈലിയിൽ തകർത്തടിക്കുകയായിരുന്നു. ബാംഗ്ലൂരിനായി വെയ്ൻ പാർനെൽ മൂന്നു വിക്കറ്റ് സ്വന്തമാക്കി.
ബാംഗ്ലൂർ സ്പിന്നെർമാർ നന്നായി അടി വാങ്ങി. എപ്പോഴും ഭാഗ്യമില്ലാത്ത ടീം എന്ന വിളിപ്പേരുള്ള ടീമാണ് ബാംഗ്ലൂർ. കഴിഞ്ഞ മത്സരത്തിൽ തോൽവി ഏറ്റുവാങ്ങിയത് പടുകൂറ്റൻ സ്കോർ പടുത്തുയർത്തിയ ശേഷമാണ്. മത്സരശേഷം ക്യാപ്റ്റൻ ഫാഫ് ഡ്യൂപ്ലസി സംസാരിക്കുന്ന സംഭാഷണം എഡിറ്റ് ചെയ്യുന്ന ഒരു വീഡിയോ ആണ് ഇപ്പൊ സോഷ്യൽ മീഡിയയിൽ വൈറലായി കൊണ്ടിരിക്കുന്നത്. ഡുപ്ലസി പറയുന്നത് ഏതോ വിരുതൻ ബാംഗ്ലൂർ കളിച്ചാലും കളിച്ചില്ലെങ്കിലും തോൽക്കും എന്ന രീതിയിലേക്ക് ചെയ്യുന്ന വീഡിയോ പല ട്രോളർമാറും ഇപ്പോൾ ഏറ്റെടുത്തിരിക്കുകയാണ്. ഈ വീഡിയോ ദൃശ്യം കാണാം.