ഇന്ത്യൻ പ്രീമിയർ ലീഗിന്റെ പതിനാറാം സീസൺ ആവേശകരമായി പുരോഗിമക്കുകയാണ്. ആദ്യ രണ്ട് സ്ഥാനങ്ങളിൽ നിൽക്കുന്ന ചെന്നൈ സൂപ്പർ കിംഗ്‌സും ഗുജറാത്ത്‌ ടൈറ്റാൻസും ഏറെകുറെ പ്ലേ ഓഫ്‌ ഉറപ്പിച്ചു എന്ന് തന്നെ പറയേണ്ടി വരും. മൂന്നു മുതൽ എട്ടു വരെയുള്ള സ്ഥാനങ്ങളിൽ നിൽക്കുന്ന ടീമുകൾ നിലവിൽ ബാക്കി സ്ഥാനങ്ങൾക് വേണ്ടി പൊരുതുകയാണ്.
അത് കൊണ്ട് തന്നെ ഈ സ്ഥാനങ്ങളിൽ ഒള്ള ടീമുകൾ ഏറ്റുമുട്ടുന്ന മത്സരങ്ങൾ വളരെ നിർണായകമാണ്. ഇപ്പോൾ നടന്ന് കൊണ്ടിരിക്കുന്ന രാജസ്ഥാൻ റോയൽസ് കൊൽക്കത്ത നൈറ്റ്‌ റൈഡർസ് മത്സരം ഇത്തരത്തിലുള്ള മത്സരമാണ്. ഇത്തരം മത്സരങ്ങളിൽ ഫീൽഡിങ് മികവ് തന്നെയാണ് ഏത് ഒരു ടീമിന്റെയും വിജയം. ഈ ഒരു മത്സരത്തിൽ കാണുന്ന കാഴ്ചയും ഇത് തന്നെയാണ്.
കൊൽക്കത്ത നൈറ്റ്‌ റൈഡർസ് രാജസ്ഥാൻ റോയൽസ് നടന്ന മത്സരത്തിൽ ടോസ് നേടിയ രാജസ്ഥാൻ റോയൽസ് ബൗളിംഗ് തിരെഞ്ഞെടുത്തു. കൊൽക്കത്ത നൈറ്റ്‌ റൈഡർസ് പതിവ് പോലെ തന്നെ ആക്രമിച്ചു തുടങ്ങി. കൊൽക്കത്ത നൈറ്റ്‌ റൈഡർസിന്റെ അക്രമങ്ങൾക്ക് ചുക്കാൻ പിടിക്കുന്ന ജയ്സൺ റോയ് ക്രീസിൽ.രാജസ്ഥാൻ റോയൽസിന് വേണ്ടി ട്രെന്റ് ബോൾട്ട് ബൗൾ എറിയുകയാണ്. ഇന്നിങ്സിന്റെ മൂന്നാമത്തെ ഓവറിലെ രണ്ടാമത്തെ പന്ത്, ബോൾട്ടിനെ റോയ് ഫ്ലിക്ക് ചെയ്യുന്നു. സിക്സ് പ്രതീഷിച്ച റോയ് കാണുന്നത് ദീപ് സ്‌ക്വർ ലെഗിൽ നിന്ന് ഓടി വന്ന് ഹെറ്റ്മൈർ ഒറ്റ കൈ കൊണ്ട് പന്ത് കൈപിടിയിൽ ഒതുക്കുന്നു. റോയ് എട്ടു പന്തിൽ പത്ത് റൺസുമായി ഡഗ് ഔട്ടിലേക്ക്.