വേൾഡ് ടെസ്റ്റ്‌ ചാമ്പ്യൻഷിപ് അതിന്റെ ആവേശത്തിന്റെ കൊടുമുടിയിൽ എത്തിയിരിക്കുകയാണ്. രണ്ട് ഇന്നിങ്സുകൾക്ക് ശേഷം ഓസ്ട്രേലിയ നിലവിൽ മത്സരത്തിൽ മുൻ കൈ എടുത്തിരിക്കുകയാണ്. ടോസ് നേടിയ ഇന്ത്യൻ നായകൻ രോഹിത് ശർമ ബൗളിംഗ് തിരഞ്ഞെടുത്തു. ഇന്ത്യൻ ബൗളേർമാർ തുടക്കം മികച്ചതാക്കി.
എന്നാൽ ഹെഡും സ്മിത്തും ഓസ്ട്രേലിയേ കൂറ്റൻ സ്കോറിലേക്ക് എത്തിച്ചു. രണ്ട് പേരും സെഞ്ച്വറി സ്വന്തമാക്കി.മറുപടി ബാറ്റിങ്ങിന് ഇറങ്ങിയ ഇന്ത്യ തകർന്നു. രഹനേയുടെയും താക്കൂറിന്റെയും ഫിഫ്റ്റി ഇന്ത്യയെ ഭേദപെട്ട നിലയിൽ എത്തിച്ചു. ഓസ്ട്രേലിയ 173 റൺസിന്റെ ലീഡ് സ്വന്തമാക്കി. രണ്ടാം ഇന്നിങ്സ് ബാറ്റിങ്ങിന് ഇറങ്ങിയ ഓസ്ട്രേലിയക്ക് തുടക്കത്തിൽ തന്നെ വാർണറേ നഷ്ടമായി.എന്നാൽ വാർണർ പുറത്തായ ശേഷം ഓസ്ട്രേലിയ താരം ലാബുഷനെയുടെ എക്സ്പ്രഷൻ ഇപ്പോൾ സമൂഹ മാധ്യമങ്ങളിൽ തരംഗമാണ്.
ഓസ്ട്രേലിയക്ക് വേണ്ടി മൂന്നാമതാണ് ലാബുഷാനെ ബാറ്റ് ചെയ്യുന്നത്.വാർണറും ഖവാജയുമാണ് ഓസ്ട്രേലിയ ഓപ്പൺർമാർ. അത് കൊണ്ട് തന്നെ ലാബുഷനെ ഒന്ന് ഉറങ്ങിയേക്കാം എന്ന് കരുതുന്നു. എന്നാൽ സിറാജിന്റെ നാലാമത്തെ ഓവറിലെ നാലാമത്തെ പന്തിൽ വാർണർ പുറത്താകുന്നു. ലാബുഷാനെ പെട്ടെന്നു ഞെട്ടി എഴുനേൽക്കുന്നു.ബാറ്റ് ചെയ്യാൻ വേണ്ടി വേഗം ഗ്രൗണ്ടിലേക്ക് പോകുന്നു.