ഇന്ത്യ വെസ്റ്റ് ഇൻഡീസ് ട്വന്റി ട്വന്റി പരമ്പരയിലെ നാലാമത്തെ മത്സരത്തിൽ ഇന്ത്യക്ക് വമ്പൻ ജയം. വെസ്റ്റ് ഇൻഡീസിനെതിരെ 9 വിക്കറ്റിനാണ് ഇന്ത്യയുടെ വിജയം.84 റൺസ് നേടിയ ജെയ്‌സ്വാളാണ് ഇന്ത്യൻ ടോപ് സ്കോറർ.ജെയ്‌സ്വാലിന് കൂടാതെ ഗില്ലും ഫിഫ്റ്റി സ്വന്തമാക്കിയിരുന്നു
.നേരത്തെ ടോസ് നേടി ബാറ്റിംഗ് തിരഞ്ഞെടുത്ത വെസ്റ്റ് ഇൻഡീസ് 8 വിക്കറ്റ് നഷ്ടത്തിൽ 178 റൺസ് സ്വന്തമാക്കി. ഹെറ്റ്മൈറിന്റെ ഫിഫ്റ്റിയുടെ മികവിലാണ് വെസ്റ്റ് ഇൻഡീസ് 178 ൽ എത്തിയത്.ഇന്ത്യക്ക് വേണ്ടി അർഷദീപ് മൂന്നു വിക്കറ്റ് സ്വന്തമാക്കി. എന്നാൽ ഇപ്പോൾ ഇന്ത്യൻ ക്രിക്കറ്റ്‌ പ്രേമികൾക്ക് ഇടയിലെ ചർച്ച ഇന്ത്യൻ യുവ താരം ജെയ്‌സ്വാലിന്റെ സ്വിച്ച് ഹിറ്റാണ് .
ഇന്ത്യൻ ഇന്നിങ്സിന്റെ 12 മത്തെ ഓവർ. ഓവറിലെ അവസാന പന്ത്. അകീൽ ഹുസൈനാണ് വെസ്റ്റ് ഇൻഡീസിന് വേണ്ടി പന്ത് എറിയുന്നത്.തന്റെ ഓഫ്‌ സ്റ്റമ്പ് ലൈനിൽ കുത്തി ലെഗ് സ്റ്റപിലേക്ക് ഡെലിവറി വരുകയാണ്. ജെയ്‌സ്വാൽ ഒരു നൊടി നേരം കൊണ്ട് ഒരു കിടിലൻ റിവേഴ്‌സ് ഹിറ്റ്, സിക്സർ .51 പന്തിൽ 84 റൺസാണ് അദ്ദേഹം സ്വന്തമാക്കിയത്.