ഇന്ത്യ വെസ്റ്റ് ഇൻഡീസ് ട്വന്റി ട്വന്റി പരമ്പര ടീം പ്രഖ്യാപിച്ചപ്പോൾ ഏറ്റവും കൂടുതൽ സന്തോഷിച്ചത് ഒരു പക്ഷെ മലയാളി ക്രിക്കറ്റ്‌ ആരാധകരായിരിക്കും. പ്രിയപ്പെട്ട സഞ്ജു സാംസൺ അഞ്ചു മത്സരങ്ങൾ അടങ്ങിയ പരമ്പരയിലെ ടീമിലേക്ക് തെരെഞ്ഞെടുകപെട്ടത് കൊണ്ടായിരുന്നു അത്.ലഭിച്ച മികച്ച ഒരു അവസരം സഞ്ജു നല്ല രീതിയിൽ മുതലെടുക്കുമെന്ന് കരുതി.
പക്ഷെ സംഭവിച്ചത് നേരെ തിരിച്ചായായിരുന്നു. അഞ്ചു മത്സരങ്ങൾ അടങ്ങിയ പരമ്പരയിൽ മൂന്നു മത്സരങ്ങളിലും സഞ്ജുവിന് ബാറ്റ് ചെയ്യാൻ അവസരം ലഭിച്ചു. ഒന്നാമത്തെ ട്വന്റി ട്വന്റി മത്സരത്തിൽ നിർഭാഗ്യകരമായ രീതിയിൽ റൺ ഔട്ട്‌. രണ്ടാമത്തെ ട്വന്റി ട്വന്റിയിൽ അനാവശ്യ ഷോട്ടിന് ശ്രമിച്ചു അകീൽ ഹോസ്സൈൻ മുന്നിൽ വീണു.
മൂന്നാമത്തെയും നാലാമത്തെയും മത്സരത്തിൽ ബാറ്റ് ചെയ്യാൻ അവസരം ലഭിച്ചില്ല. തുടർന്ന് അഞ്ചാമത്തെ ട്വന്റി ട്വന്റിയിൽ ബാറ്റ് ചെയ്യാൻ വീണ്ടും അവസരം ലഭിച്ചു. ഒരു ബൗണ്ടറി അടിച്ചു ആരാധകർക്ക് പ്രതീക്ഷ നൽകിയെങ്കിലും വീണ്ടും ഒരു മോശം ഷോട്ട്, വീണ്ടും ഔട്ട്‌..