ഇന്ത്യൻ ക്രിക്കറ്റിന്റെ അടുത്ത സൂപ്പർ സ്റ്റാർ എന്ന് പേരെടുത്ത താരമാണ് റിഷബ് പന്ത്. ഇന്ത്യ ടെസ്റ്റ്‌ ക്രിക്കറ്റിൽ വിദേശത്തു വിജയങ്ങൾ കൊയ്തപ്പോൾ പന്ത് തന്നെയായിരുന്നു വിജയശില്പി. മാത്രമല്ല ഒരുപാട് കാലം ഇന്ത്യ കാത്തിരുന്ന ഏകദിനത്തിലെ നമ്പർ 4 പൊസിഷനിലും പന്ത് മികച്ച രീതിയിൽ തന്നെ ബാറ്റ് ചെയ്തിരുന്നു.
എന്നാൽ കഴിഞ്ഞ ന്യൂ ഇയർ രാത്രിയിൽ ഏവരെയും ഞെട്ടിച്ചു കൊണ്ടാണ് പന്തിന്റെ വാഹനം അപകടത്തിൽ പെട്ടത്. അമ്മയെ കാണാൻ വേണ്ടി തന്റെ വീട്ടിലേക്ക് പോവുകയായിരുന്നു അദ്ദേഹം. തുടർന്ന് അദ്ദേഹത്തിന് മാരകമായി പരിക്കുകൾ ഏൽക്കുകയുണ്ടായി.താരത്തത്തിന്റെ കാലിൽ ഗുരുതരമായി തന്നെ പരികേറ്റു.തുടർന്ന് കഴിഞ്ഞ കുറെ കാലങ്ങളായി അദ്ദേഹം ക്രിക്കറ്റിലേക്ക് തിരിച്ചു വരാനുള്ള കഠിനപ്രയത്നത്തിലായിരുന്നു.
ഒടുവിൽ ആ പ്രയത്നങ്ങൾ എല്ലാം ഫലം കണ്ടു. അപകടത്തിന് ശേഷം ആദ്യമായി പന്ത് ക്രിക്കറ്റ്‌ ക്രീസിലേക്ക് തിരകെ വന്നിരിക്കുകയാണ്.ഡൽഹിയിലെ ഗ്രൗണ്ടിൽ റിഷബ് പന്ത് ബാറ്റ് ചെയ്യുന്ന വീഡിയോ സോഷ്യൽ മീഡിയയിൽ ആരാധകർ ആഘോഷമാക്കിയിരിക്കുകയാണ്. ആരാധകരുടെ ആർപ്പുവിളിക്കിടയിലൂടെ പന്ത് ക്രീസിലെത്തുന്നത് വിഡിയോയിൽ കാണാം. തന്റെ പ്രതിഭയ്ക്ക് കോട്ടം തട്ടിയിട്ടില്ലെന്ന് തെളിയിക്കുന്ന നിരവധി ഷോട്ടുകളും അദ്ദേഹം കളിച്ചു.