ആധുനിക ക്രിക്കറ്റിലെ ഏറ്റവും മികച്ച താരമാണ് വിരാട് കോഹ്ലി.നിലവിലെ ഏറ്റവും മികച്ച ബാറ്ററും കോഹ്ലി തന്നെയാണ്. എന്നാൽ പാകിസ്ഥാൻ നായകൻ ബാബർ അസം ഏകദിന ക്രിക്കറ്റിൽ കോഹ്ലിയുടെ പല റെക്കോർഡുകളും തകർത്ത് കൊണ്ട് മുന്നേറുകയാണ്.
തന്റെ ഈ ബാറ്റിംഗ് മികവിന് പിന്നിൽ വിരാട് കോഹ്ലിയാണെന്ന് വ്യക്തമാക്കിയിരിക്കുകയാണ് ബാബർ അസം.ഏഷ്യ കപ്പിന് മുന്നോടിയായി സ്റ്റാർ സ്പോർട്സിന് കൊടുത്ത അഭിമുഖത്തിലാണ് ബാബർ അസം മനസ്സ് തുറന്നത്. അദ്ദേഹത്തിന്റെ വാക്കുകളിലേക്ക്. “വിരാടിനെ പോലെയുള്ള ഒരാൾ നമ്മളെ പുകഴ്ത്തുമ്പോൾ അത് നമുക്ക് വല്ലാത്തൊരു ആത്മവിശ്വാസം നൽകും.”.2019 ഏകദിന ലോകക്കപ്പിന് ഇടയിൽ കോഹ്ലി തന്റെ ഒരുപാട് ചോദ്യങ്ങൾക്ക് ഉത്തരം നൽകിയെന്നും അത് എന്താണെന്നും അദ്ദേഹം വ്യക്തമാക്കുന്നുണ്ട്.
2019 ലോകക്കപ്പിന് ഇടയിൽ താൻ കോഹ്ലിയേ കണ്ടിരുന്നു. അദ്ദേഹം അന്ന് തന്റെ ഫോമിന്റെ പാരമ്യത്തിലായിരുന്നു. ഇന്നും അതെ. ഞാൻ അദ്ദേഹത്തോടെ ഒരുപാട് ചോദ്യങ്ങൾ ചോദിച്ചു. അദ്ദേഹം അത് എല്ലാം വ്യക്തമായി എനിക്ക് പറഞ്ഞു തന്നു.അദ്ദേഹത്തിൽ നിന്ന് ഞാൻ ഒരുപാട് കാര്യങ്ങളും പഠിച്ചു എന്നും ബാബർ വ്യക്തമാക്കി.