ഇന്ത്യ ഓസ്ട്രേലിയ ഏകദിന ലോകക്കപ്പ് മത്സരം ആവേശകരമായി ആരംഭിച്ചിരിക്കുകയാണ്. എന്നാൽ ഇന്ത്യൻ താരങ്ങളും ഓസ്ട്രേലിയ താരങ്ങളും അല്ലാതെ മറ്റൊരുവൻ കൂടി ഗ്രൗണ്ടിലേക്ക് കടന്ന് വന്നു. ക്രിക്കറ്റ്‌ ആരാധകർക്ക് ഇടയിൽ ഏറെ പേര് കേട്ട ഒരുവനായിരുന്നു അത്.
ഇംഗ്ലണ്ടിൽ നിന്ന് വിമാനം കയറി തന്റെ ലോകക്കപ്പ് അരങ്ങേറ്റവും ജാർവോ കുറിച്ചിരിക്കുന്നു. ഫീൽഡ് ചെയ്യാൻ ഇറങ്ങിയ ഇന്ത്യൻ ടീമിനോപ്പമാണ് അദ്ദേഹം ഗ്രൗണ്ടിലേക്ക് എത്തിയത്.തുടർന്ന് അമ്പയർമാരും കോഹ്ലിയും ഇടപെട്ട് ജാർവോയേ തിരകെ അയക്കുകയായിരുന്നു.കഴിഞ്ഞ ഇന്ത്യ ഇംഗ്ലണ്ട് ടെസ്റ്റ്‌ പരമ്പരക്ക് ഇടയിലാണ് ജാർവോ പ്രശസ്തനായത്.
ഇംഗ്ലണ്ട് ടെസ്റ്റ്‌ ക്രിക്കറ്റ്‌ ടീമിന്റെ കളികളിൽ എല്ലാം പല തരത്തിൽ അദ്ദേഹം പ്രത്യക്ഷനായിരുന്നു. ഒരിക്കൽ ബാറ്റ് ചെയ്യാൻ കിറ്റ് വരെ ഇട്ടു അദ്ദേഹം ഗ്രൗണ്ടിലേക്ക് ഇറങ്ങിയിരുന്നു.പിന്നീട് ഒരുപാട് നാളുകൾക്ക് ശേഷമാണ് ജാർവോ വീണ്ടും ക്രിക്കറ്റ്‌ ഫീൽഡിൽ പ്രത്യക്ഷപ്പെട്ടത്