ഇന്ത്യ ഓസ്ട്രേലിയ ഏകദിന ലോകകപ്പ് മത്സരത്തിന് ആവേശകരമായ ആരംഭം. ടോസ് നേടിയ ഓസ്ട്രേലിയ നായകൻ പാറ്റ് കമ്മിൻസ് ബാറ്റിംഗ് തിരഞ്ഞെടുത്തു. ഗിൽ ഇല്ലാതെയാണ് ഇന്ത്യ കളത്തിലേക്ക് ഇറങ്ങിയത്. ഗില്ലിന് പകരം കിഷൻ ടീമിലെക്കത്തി.
ബാറ്റ് ചെയ്യാൻ ഇറങ്ങിയ ഓസ്ട്രേലിയക്ക് അത്ര നല്ല തുടക്കമല്ല ലഭിച്ചിരിക്കുന്നത്. ഓസ്ട്രേലിയക്ക് വേണ്ടി മികച്ച പ്രകടനങ്ങൾ കാഴ്ച വെച്ച് കൊണ്ടിരുന്ന മിച്ചൽ മാർഷ് റൺസ് ഒന്നും കണ്ടെത്താത മടങ്ങി. എന്നാൽ ഇപ്പോൾ ചർച്ചയാകുന്നത് വിരാട് കോഹ്ലി ഇതേ മാർഷിനെ പുറത്താക്കാൻ സ്വന്തമാക്കിയ ക്യാച്ചിനെ പറ്റിയാണ്.
ഓസ്ട്രേലിയ ഇന്നിങ്സിന്റെ 3 മത്തെ ഓവർ. ബുമ്രയാണ് ഇന്ത്യക്ക് വേണ്ടി ബൗൾ ചെയ്യുന്നത്.ബുമ്ര എറിഞ്ഞ ഒരു ലെങ്ത് ബോൾ മാർഷ് പ്രതിരോധിക്കുന്നു. എന്നാൽ എഡ്ജ് എടുത്ത പന്ത് നേരെ സ്ലിപ്പിലേക്. കോഹ്ലി തന്റെ ഇടത് ഭാഗത്തേക്ക് ചാടി ആ ക്യാച്ച് മനോഹരമായി കൈപിടിയിൽ ഒതുക്കി.6 പന്തിൽ റൺസ് ഒന്നും നേടാതെ മാർഷ് പുറത്തേക്കും.