അന്താരാഷ്ട്ര ഏകദിന ലോകക്കപ്പിലെ ഇന്ത്യ ഓസ്ട്രേലിയ മത്സരം ആവേശകരമായി മുന്നേറുകയാണ്. ടോസ് നേടിയ ഓസ്ട്രേലിയ നായകൻ പാറ്റ് കമ്മിൻസ് ബാറ്റിംഗ് തിരഞ്ഞെടുത്തു. പക്ഷെ ഇന്ത്യൻ സ്പിന്നർമാർക്കെതിരെ ഓസ്ട്രേലിയ ബാറ്റർമാർ പതറുന്ന കാഴ്ചയാണ് ചെപ്പോക്ക് കണ്ടത്
.ജഡേജയായിരുന്നു കൂട്ടത്തിലെ ഏറ്റവും വലിയ അപകടകാരി. രണ്ട് ഓവറുകൾക്ക് ഇടയിൽ മൂന്നു വിക്കറ്റുകൾ സ്വന്തമാക്കി ജഡേജ ഓസ്ട്രേലിയെ തകർച്ചയിലേക്ക് തള്ളിവിടുകയായിരുന്നു.ആദ്യം സ്മിത്തിനെ ലോകക്കപ്പുകളിലെ ഏറ്റവും മികച്ച ഡെലിവറികളിൽ ഒന്നിൽ ക്ലീൻ ബൗളേഡാക്കി കയ്യറ്റി വിട്ടു.
എന്നാൽ അടുത്ത ഓവർ ഈ ലോകക്കപ്പിൽ ഇന്നേ വരെ കണ്ടതിൽ വെച്ച ഏറ്റവും മികച്ച ഓവറായിരുന്നു.ഓസ്ട്രേലിയ ഇന്നിംഗ്സിന്റെ 30 മത്തെ ഓവർ,ലാബുഷാനെയും മാക്സ്വെലുമാണ് ക്രീസിൽ. ആദ്യത്തെ പന്തിൽ മാക്സ്വെൽ സിംഗിൾ നെടുന്നു. രണ്ടാമത്തെ പന്തിൽ ലാബുഷാനെ ജഡേജയേ സ്വീപ് ചെയ്യാൻ ശ്രമിക്കുന്നു. എന്നാൽ എഡ്ജ് എടുത്ത പന്ത് മനോഹരമായി വിക്കറ്റ് കീപ്പർ രാഹുൽ കൈപിടിയിൽ ഒതുക്കുന്നു.ക്യാരി ക്രീസിലേക്ക്. അടുത്ത ബോൾ ഡോട്ട്. ഓവറിലെ നാലാമത്തെ പന്ത് ക്യാരിയും വിക്കറ്റിന് മുന്നിൽ കുടുങ്ങുന്നു.അവസാന രണ്ട് പന്തും ഗ്രീൻ പ്രതിരോധിക്കുന്നു.