സ്റ്റീവ് സ്മിത്ത് ലോകക്കപ്പുകളിൽ എന്നും ഇന്ത്യയെ തകർക്കാറുള്ള ബാറ്ററാണ്.2015 ലോകക്കപ്പിലെ സെമി ഫൈനലും കഴിഞ്ഞ വേൾഡ് ടെസ്റ്റ്‌ ചാമ്പ്യൻഷിപ്പ് ഫൈനലും അതിന് ഉദാഹരണമാണ്.പല തവണ ഇന്ത്യയിൽ മത്സരം തട്ടിയെടുത്തിട്ടുമുണ്ട് സ്റ്റീവൻ സ്മിത്ത്.
ഇന്ത്യ ഓസ്ട്രേലിയ ലോകക്കപ്പ് മത്സരത്തിലും മികച്ച തുടക്കം തന്നെയാണ് സ്മിത്തിന് ലഭിച്ചത്. ഫിഫ്റ്റിയിലേക്ക് നീങ്ങുകയായിരുന്നു അദ്ദേഹം. സ്മിത്ത് മെല്ലെ അടുത്ത ഗിയറിലേക്ക് മാറുകയാണ്. ഇന്ത്യൻ നായകൻ രോഹിത് ശർമ ജഡേജയേ ബൗൾ ചെയ്യാൻ വിളിക്കുന്നു.ഇന്ത്യൻ ഇന്നിങ്സിന്റെ 28 മത്തെ ഓവർ.
ഓവറിലെ ആദ്യത്തെ പന്ത്. സ്മിത്തിനെതിരെ ജഡേജ പന്ത് എറിയുന്നു.ഒരു ലെങ്ത് ഡെലിവറി, ലെഗ് സ്റ്റമ്പിൽ പിച്ച് ചെയ്യുന്നു.സ്മിത്ത് പ്രതിരോധിക്കാൻ ശ്രമിക്കുന്നു. എന്നാൽ സ്മിത്തിന്റെ ബാറ്റിൽ കൊള്ളാതെ ബോൾ ചെന്ന് ഓഫ്‌ സ്റ്റമ്പ് ഇളക്കുന്നു.71 പന്തിൽ 46 റൺസുമായി സ്മിത്ത് മടങ്ങുന്നു.