“Never ever underestimate indians”ജസ്റ്റിൻ ലാങ്കർ ഗാബ്ബയിലെ ഇന്ത്യൻ വിജയത്തിന് ശേഷം പറഞ്ഞതാണ് ഇത്. ഇന്ന് ഒരിക്കൽ കൂടി ഓസ്ട്രേലിയ ലാങ്കറിന്റെ ഈ വാക്കുകൾ ഓർത്തിരിക്കണം. മൂന്നു വിക്കറ്റ് നഷ്ടത്തിൽ 2 റൺസ് എന്നാ നിലയിൽ നിന്ന് ഒരു മത്സരം ഓസ്ട്രേലിയുടെ കൈയിൽ പിടിച്ചു വാങ്ങുമ്പോൾ ഈ വാക്കുകൾ അല്ലാതെ ഓസ്ട്രേലിയക്കാർ എന്ത് ഓർക്കാൻ.
ഇന്ത്യയുടെ വിജയത്തിന്റെ പ്രധാന അവകാശികൾ കെ എൽ രാഹുലും വിരാട് കോഹ്ലിയും തന്നെയാണ്. കോഹ്ലി 85 റൺസ് സ്വന്തമാക്കിയപ്പോൾ രാഹുൽ 97 റൺസുമായി പുറത്താകാതെ നിന്നു.അവസാന പന്തിൽ സിക്സ് അടിച്ചു കൊണ്ടാണ് രാഹുൽ വിജയ റൺസ് സ്വന്തമാക്കിയത്.രാഹുൽ 91 റൺസ് നിൽക്കുകയായിരുന്നു.
ഇന്ത്യക്ക് ജയിക്കാൻ വേണ്ടത് 6 റൺസ്. ഒരു ബൗണ്ടറിക്ക് ശേഷം സിക്സ് അടിച്ചു സെഞ്ച്വറി നേടാനായിരുന്നു രാഹുലിന്റെ ഉദ്ദേശം. എന്നാൽ തന്റെ ക്ലാസ്സ്‌ മുഴുവൻ പകർത്തിയ ഒരു ഷോട്ടിൽ മിഡ്‌ ഓഫീൻ മുകളിലൂടെ ഒരു ബൗണ്ടറി നേടാൻ ശ്രമിച്ച രാഹുൽ കാണുന്നത് പന്ത് സിക്സ് പോവുന്നതുമാണ്. ഇന്ത്യക്ക് മത്സരം 6 വിക്കറ്റിന് സ്വന്തമാക്കുകയും ചെയ്തു.