സ്പോർട്സിന് അതിർ വരമ്പുകൾ ഇല്ല.അത് കൊണ്ടാണ് പല വിദേശ താരങ്ങളെയും നാം നമ്മുടെ നെഞ്ചോട് ചേർത്തതും. എ ബി ഡി വില്ലേഴ്സും ഗെയ്ലുമെല്ലാം ഇതിന് ഉദാഹരണമാണ്. മാത്രമല്ല നമ്മുടെ രാജ്യത്തിലേക്ക് എത്തുന്നവരെ നാം വളരെ മനോഹരമായിയാണ് സ്വീകരിക്കുക
.7 വർഷങ്ങൾക്ക് ശേഷം പാകിസ്ഥാൻ ഇന്ത്യയിലേക്ക് എത്തിയപ്പോഴും നമ്മൾ നന്നായി തന്നെയാണ് അവരെ സ്വീകരിച്ചത്. ഈ സ്വീകരണിത്താൽ അത്ഭുതപെട്ടുവെന്ന് പാകിസ്ഥാൻ നായകൻ ബാബർ അസം പറഞ്ഞതുമാണ്. എന്നാൽ ഇന്നലെ മറ്റൊരു ഹൃദയസ്പർശമായ കാര്യം കൂടി പാകിസ്ഥാൻ നായകൻ ചെയ്തിരിക്കുകയാണ്.
തന്റെ ജേഴ്സി ഹൈദരാബാദിലെ ഗ്രൗണ്ട് സ്റ്റാഫുകൾക്ക് സമ്മാനിച്ചിരിക്കുകയാണ് അദ്ദേഹം.ഒപ്പം തങ്ങളുടെ ടീമിനെ പിന്തുണച്ച ഹൈദരാബാദിലെ ഗാലറിക്ക് നന്ദിയും രേഖപെടുത്തി. മാത്രമല്ല ടീം അംഗങ്ങളെ മുഴുവൻ ചേർത്ത് നിർത്തി ഗ്രൗണ്ട് സ്റ്റാഫിന് ഒപ്പം ചിത്രം എടുക്കാനും ബാബർ മറന്നില്ല.