ഇന്ത്യ അഫ്ഗാനിസ്ഥാൻ മത്സരം രോഹിത് ശർമ തന്റേത് മാത്രമാക്കി മാറ്റിയെങ്കിലും മത്സരം വിരാട് കോഹ്ലിയുടെയും നവീൻ ഉൽ ഹഖിന്റെ സാനിധ്യം കൊണ്ടാണ് പ്രശസ്തമായത്. ഇന്ത്യൻ പ്രീമിയർ ലീഗിൽ റോയൽ ചലഞ്ചേയർസ് ബാംഗ്ലൂരും ലക്ക്നൗ സൂപ്പർ ജയന്റ്സ് മത്സരത്തിന് ശേഷമാണ് ഇരുവരും തമ്മിലുള്ള കൊമ്പ്കോർക്കലിന് തുടക്കമിട്ടത്.അന്ന് മത്സരം ശേഷം കൈകൊടുക്കുന്നതിന് ഇടയിൽ വാക്ക് തർക്കം ഉണ്ടാവുകയായിരുന്നു.
തുടർന്ന് നവീൻ ഉൽ ഹഖ് സമൂഹ മാധ്യമങ്ങളിൽ കോഹ്ലിയേ പറ്റി പോസ്റ്റിട്ടത്തോടെ കാര്യങ്ങൾ കൂടുതൽ വഷളായി. അത് കൊണ്ട് തന്നെ ഇന്ത്യ അഫ്ഗാനിസ്ഥാൻ മത്സരത്തിന് വേണ്ടി ഇന്ത്യൻ ആരാധകർ കാത്തിരിക്കുകയായിരുന്നു. ഒടുവിൽ ഇന്ത്യൻ ആരാധകർ കാത്തിരുന്ന ആ ദിവസം വന്നെത്തി.
ഡൽഹിയിൽ പരിശീലനത്തിന് എത്തിയത് മുതൽ കോഹ്ലി കോഹ്ലി ചാന്റുകൾ ഉയർന്നു വന്നു. നവീൻ ബാറ്റ് ചെയ്തപ്പോഴും ബൗൾ ചെയ്തപ്പോഴും ഇതേ ചാന്റുകൾ ഗാലറിയിൽ ആരാധകർ വിളിച്ചു കൊണ്ടിരുന്നു. ഒടുവിൽ കോഹ്ലി ബാറ്റ് ചെയ്യാൻ എത്തിയതോടെ അവർ തമ്മിലുള്ള കൊമ്പ് കോർക്കലിന് വേണ്ടി കാത്തിരുന്ന ആരാധകരെ ഞെട്ടിച്ചു കൊണ്ട് കോഹ്ലി നവീനെ കെട്ടിപിടിച്ചു സൗഹൃദം പങ്കിടുന്ന കാഴ്ചയാണ് ആരാധകർ കണ്ടത്.