അന്താരാഷ്ട്ര ഏകദിന ക്രിക്കറ്റ്‌ ലോകക്കപ്പിൽ ടേബിൾ ടോപ്പർമാരായ ഇന്ത്യ ദക്ഷിണ ആഫ്രിക്കയെ നേരിടുകയാണ്. ടോസ് നേടിയ ഇന്ത്യ ബാറ്റിംഗ് തിരഞ്ഞെടുത്തു. ഒരു മാറ്റവും ഇല്ലാതെയാണ് ഇന്ത്യ ഇറങ്ങിയത്. ദക്ഷിണ ആഫ്രിക്ക കോയിട്ട്സീക്ക് പകരം ഷംസിയെ ടീമിൽ ഉൾപ്പെടുത്തി.
പതിവ് പോലെ തന്നെ രോഹിത് ശർമ ആക്രമണ ബാറ്റിംഗ് പുറത്തെടുക്കുന്ന കാഴ്ചയാണ് കാണുന്നത്. എൻഗിടിയെ ബൗണ്ടറി അടിച്ചാണ് രോഹിത് തുടങ്ങിയത്. തൊട്ട് അടുത്ത എൻഗിടി ഓവറിൽ രോഹിത് അപകടകാരിയാവുന്ന കാഴ്ചയാണ് കണ്ടത്.
ഓവറിലെ ആദ്യത്തെ പന്ത് ഡോട്ട്, രണ്ടാമത്തെ പന്ത് ഒരു ഔട്ട്‌ സൈഡ് ഓഫ് സ്റ്റമ്പ് ഡെലിവറി.കവറിന് മുകളിലൂടെ ബൗണ്ടറി. അടുത്ത പന്ത് വീണ്ടും ബൗണ്ടറി. ഈ തവണ ഒരു ക്ലാസിക്കൽ കവർ ഡ്രൈവ്.അടുത്ത പന്ത് സിംഗിൾ നേടി ഗില്ലിന് സ്ട്രൈക്ക് കൊടുക്കുന്നു.