ശുബ്മാൻ ഗിൽ,ഈ അടുത്ത കാലത്ത് ന്യൂസിലാൻഡിനെ ഇത്രഏറെ ഉപദ്രവിച്ച ബാറ്റർ ഉണ്ടാകില്ല. ന്യൂസിലാൻഡിനെതിരെ വമ്പൻ റെക്കോർഡ് ആണ് ഗില്ലിന് കൈവശമുള്ളത്. സെഞ്ച്വറികളും ഡബിൾ സെഞ്ച്വറികളും ഗിൽ കിവികൾക്ക് എതിരെ സ്വന്തമാക്കിട്ടുണ്ട്.
ഗിൽ ഡബിൾ സെഞ്ച്വറി നേടിയ ഇന്നിങ്സ് ആരും അത്ര പെട്ടെന്ന് മറന്നു കാണാൻ ഇടയില്ല. ലോക്കി ഫെർഗുസനെ അന്ന് ഹാട്ട്രിക്ക് സിക്സ് അടിച്ചാണ് ഗിൽ ഡബിൾ സെഞ്ച്വറി കുറിച്ചത്. ലോകകപ്പ് സെമി ഫൈനലിലും ലോക്കിയേ തകർത്ത് അടിച്ചിരിക്കുകയാണ് ഗിൽ.ഇന്ത്യൻ ഇന്നിങ്സിന്റെ 13 മത്തെ ഓവർ.
ഓവറിലെ ആദ്യത്തെ പന്ത് ഗിൽ ഒരു പുൾ ഷോട്ട് കളിക്കുന്നു. ബൗണ്ടറി കണ്ടെത്തുന്നു. അടുത്ത പന്ത് ഒരു ബാക്ക് ഓഫ് ലെങ്ത് ഡെലിവറി,ഈ തവണ മിഡ്‌ ഓണിന് മുകളിലൂടെ അടിച്ച ഒരു പുൾ ഷോട്ട് ചെന്ന് പതിക്കുന്നത് ഗാലറിയിൽ.