ഇന്ത്യ അഫ്ഗാനിസ്ഥാൻ മൂന്നാമത്തെ ട്വന്റി ട്വന്റിയുടെ ആവേശത്തിലായിരിക്കും നിലവിൽ ക്രിക്കറ്റ്‌ ആരാധകർ.രോഹിത് ശർമയുടെ സെഞ്ച്വറിയും റിങ്കുവിന്റെ ബാറ്റിങ്ങുമെല്ലാം ക്രിക്കറ്റ്‌ ആരാധകരെ ഒരുപാട് സന്തോഷിപ്പിച്ചു കഴിഞ്ഞു. സൂപ്പർ ഓവറിലെ ത്രില്ലിൽ ഇന്ത്യ വിജയിച്ചതും ഒരിക്കലും ക്രിക്കറ്റ്‌ ആരാധകർക് മറക്കാൻ കഴിയില്ല.
പക്ഷെ ഇന്ത്യ ഈ മത്സരത്തിൽ തോൽവി രുചിച്ചേനെ.എന്നാൽ വിരാട് കോഹ്ലി അതിന് സമ്മതിച്ചില്ലെന്ന് തന്നെ പറയണം.വിരാട് കോഹ്ലി നടത്തിയ ഒരു അമാനുഷിക ഫീൽഡിങ്ങിനെ പറ്റിയാണ് പറഞ്ഞു വരുന്നത്. എന്താണ് സംഭവം എന്ന് പരിശോധിക്കാം.
അഫ്ഗാൻ ഇന്നിങ്സിന്റെ 17 മത്തെ ഓവർ. സുന്ദരാണ് ബൗൾ ചെയ്യുന്നത്. അദ്ദേഹത്തിന്റെ അവസാന പന്ത് ഗുലാബദിന് ലോങ്ങ്‌ ഓണിലേക്ക് പൊക്കി അടിക്കുന്നു. സിക്സ് എന്ന് ഉറപ്പിച്ച പന്ത് വിരാട് ഒരു സൂപ്പർ മാൻ സേവിലുടെ തിരകെ പിടിക്കുന്നു.ഈ ഒരു പന്ത് സിക്സ് പോയിരുനെകിൽ അഫ്ഗാൻ മത്സരം വിജയിച്ചേനെ.