Category: Latest News

ബോർഡർ ഗവസ്കർ ട്രോഫി,ടെസ്റ്റ്‌ ക്രിക്കറ്റിലെ ഏറ്റവും മികച്ച വൈരങ്ങളിൽ ഒന്ന്. ഒരു പക്ഷെ ആഷേസിനെക്കാൾ മികച്ച മുഹൂർത്തങ്ങൾ സൃഷ്ടിക്കുന്ന പരമ്പര. പരമ്പര ആവേശകരമായത് കൊണ്ട് തന്നെ ബോർഡർ ഗവസ്കർ ട്രോഫികളിൽ സ്ലഡ്ജിങ്ങും കുറവല്ല. ജോൺസൻ കോഹ്ലി, ഹർഭജൻ- സൈമണ്ട്സ് എന്നിവർ തമ്മിൽ നടന്ന തർക്കങ്ങൾ എല്ലാം ഇതിന് ഉദാഹരണം.ഇപ്പോൾ നടന്ന് കൊണ്ടിരിക്കുന്ന ബോർഡർ ഗവസ്കർ ട്രോഫിയിലും കാര്യങ്ങൾ വിത്യാസതമല്ല.

ഇന്ത്യ ഓസ്ട്രേലിയ ആദ്യത്തെ ടെസ്റ്റ്‌ മത്സരം.മത്സരത്തിലെ നാലാമത്തെ ഓവർ.ആദ്യ രണ്ട് വിക്കറ്റുകൾ വീഴ്ത്തി സിറാജും ഷമിയും ഓസ്ട്രേലിയ ബാറ്റർമാരെ വട്ടം കറക്കുകയാണ്. ലാബുഷാനെ ഓസ്ട്രേലിയക്ക്‌ വേണ്ടി ബാറ്റ് ചെയ്യുകയാണ്.സിറാജാണ് ഇന്ത്യക്ക് വേണ്ടി ബൗൾ ചെയ്യുന്നത്.ഓവറിലെ മൂന്നാമത്തെ പന്ത് സിറാജിന്റെ എഡ്ജ് ചെയ്ത ലാബുഷാനെ ഫോർ അടിക്കുന്നു.ഫോർ അടിച്ച ശേഷമാണ് സീരിയസിലെ ആദ്യത്തെ സ്ലഡ്ജിങ് സംഭവിക്കുന്നത്. സിറാജിന്റെ നേരെ ലാബുഷാനെ തിരിയുന്നു. സിറാജിന് നേരെ പ്രതികരിക്കുന്നു.സിറാജും തന്റെ പതിവ് രീതിയിൽ തന്നെ പ്രതികരിച്ചു ബൗൾ ചെയ്യാൻ പോകുന്നു.

നേരത്തെ ടോസ് ലഭിച്ച ഓസ്ട്രേലിയ ബാറ്റിംഗ് തെരെഞ്ഞെടുക്കകയായിരുന്നു.വമ്പൻ ഫോമിലുള്ള ഗില്ലിനെ ഇന്ത്യ ആദ്യ ഇലവനിലേക്ക് തിരഞ്ഞെടുത്തില്ല. സൂര്യ കുമാറും ഭരതും ഇന്ത്യക്ക് വേണ്ടി അരങ്ങേറ്റം കുറിച്ചു.ഓസ്ട്രേലിയ സ്പിന്നറായ ടോഡ് മർഫിക്ക്‌ അരങ്ങേറ്റം നൽകി.ബാറ്റിംഗ് തിരഞ്ഞെടുത്ത ഓസ്ട്രേലിയേ ആദ്യ ഓവറുകളിൽ തന്നെ ഷമിയും സിറാജും ചേർന്ന് വട്ടം കറക്കുകയാണ്. നിലവിൽ ഇരുവരും ഓരോ വിക്കറ്റ് സ്വന്തമാക്കിട്ടുണ്ട്.

ബോർഡർ ഗവാസ്ക്കർ ട്രോഫിക്ക് ഇന്ന് തുടക്കമായി. ഇന്ത്യ-ഓസ്ട്രേലിയ ആദ്യ മത്സരം നാഗ്പൂരിൽ തുടങ്ങി. ഐസിസി ടെസ്റ്റ് ചാമ്പ്യൻഷിപ്പിൽ ഫൈനൽ കളിക്കുവാനായി ഇന്ത്യയ്ക്ക് സീരിസ് വിജയം അനിവാര്യമാണ്. ഇന്ത്യയുടെ എതിരാളികളായ ഓസ്ട്രേലിയ ടെസ്റ്റ് ചാമ്പ്യൻഷിപ്പിന്റെ ഫൈനൽ ഉറപ്പിച്ചിട്ടുണ്ട്. ഇനി ഒരു സ്ഥാനം മാത്രമാണ് ബാക്കി. അതിനുള്ള പോരാട്ടം എന്നുള്ള രീതിയിലും ഇന്ത്യ-ഓസ്ട്രേലിയ ടെസ്റ്റ് എന്നുള്ള രീതിയിലും ആരാധകർ ഒന്നടങ്കം കാത്തിരിക്കുന്ന സീരിസിന് ആണ് ഇന്ന് തുടക്കം ആയിരിക്കുന്നത്.

ടോസ് നേടിയ ഓസ്ട്രേലിയ ബാറ്റിംഗ് തിരഞ്ഞെടുത്തു. ഇന്ത്യയുടെ സമീപകാല ടെസ്റ്റുകളിൽ ഗംഭീര ഫോമിലുള്ള റിഷാബ്‌ പന്ത് ടീമിൽ ഇല്ലാത്ത ഇന്ത്യക്ക് തിരിച്ചടിയാണ്. ഇന്ത്യയുടെ വിക്കറ്റിന് പിന്നിൽ ഇന്ന് കെ എസ് ഭരത് ആണ്. ഓസ്ട്രേലിയക്കായി ടോഡ് മർഫി ഇന്ന് അരങ്ങേറ്റം കുറിക്കുന്നുണ്ട്. ടോഡിനെ കൂടാതെ നദാൻ ലിയോൺ ആണ് ടീമിലുള്ള മറ്റു സ്പിന്നർ. ഓസ്ട്രേലിയയുടെ സ്റ്റാർ ബൗളർമാരായ മിച്ചൽ സ്റ്റാർക്ക്, ജോഷ് ഹെസൽവുഡ് എന്നിവർ പരിക്കു കാരണം കളിക്കുന്നില്ല.

കെ.എസ് ഭരത്തിനു പുറമേ ഇന്ത്യക്കായി സൂര്യകുമാർ യാദവും ഇന്ന് ടെസ്റ്റിൽ അരങ്ങേറ്റം കുറിക്കുന്നു. മൂന്നു സ്പിന്നർമാർ ആണ് ഇന്ത്യൻ ടീമിൽ ഉള്ളത്. പരിക്കിൽ നിന്ന് പൂർണ്ണമായും മുക്തനായി രവീന്ദ്ര ജഡേജ ഇന്ത്യയ്ക്കായി ഇന്ന് കളിക്കാൻ ഇറങ്ങിയിട്ടുണ്ട്. ജഡേജ ടീമിൽ ഉള്ളത് ഇന്ത്യയ്ക്ക് വലിയ കരുത്തേക്കും എന്നാണ് പ്രതീക്ഷ. രവിചന്ദ്രൻ അശ്വിനും അക്സർ പട്ടേലുമാണ് ടീമിലുള്ള മറ്റ് സ്പിന്നർമാർ. ശുഭ്മാൻ ഗില്ലും കുൽദീപ് യാദവും കളിക്കുന്നില്ല. കെ എൽ രാഹുലും രോഹിത് ശർമയും ഇന്ത്യക്കായി ഓപ്പണിങ്ങിന് ഇറങ്ങും.

ബാറ്റിംഗിനിറങ്ങിയ ഓസ്ട്രേലിയയക്ക് തുടക്കം തന്നെ തകർച്ചയോടെയാണ്. രണ്ടാം ഓവറിൽ തന്നെ ഓസ്ട്രേലിയയുടെ മികച്ച ഫോമിലുള്ള ബാറ്റ്സ്മാൻ ആയ ഉസ്മാൻ ക്വാജയെ ഓസ്ട്രേലിയക്ക് നഷ്ടമായി. മുഹമ്മദ് സിറാജ് എറിഞ്ഞ ആദ്യ പന്തിൽ തന്നെ ഉസ്മാൻ എൽ ബി ഡബ്ല്യു ആവുകയായിരുന്നു. ആദ്യം നിതിൻ മേനോൻ നോട്ട് ഔട്ട് വിധിച്ചു എങ്കിലും രോഹിത് ശർമ റിവ്യൂ എടുത്തു. തുടർന്ന് പന്ത് കൃത്യമായി വിക്കറ്റിൽ തട്ടുന്നുണ്ട് എന്ന് മനസ്സിലായതിനാൽ തീരുമാനം മാറ്റി ഔട്ട് നൽകി. ഈ വിക്കറ്റ് വീഴ്ചയുടെ വീഡിയോ ദൃശ്യം കാണാം…

സ്പോർട്സിൽ നാം പല തവണ കാണുന്നതാണ് വംശീയ അധിഷേപവും ബോഡി ഷെയ്മിങ്ങും.ഇപ്പോൾ ഇത്തരത്തിലുള്ള ഒരു സംഭവം പുറത്ത് വന്നിരിക്കുകയാണ്. ബംഗ്ലാദേശ് പ്രീമിയർ ലീഗ് മത്സരത്തിലാണ് സംഭവം നടന്നത്.എന്താണ് സംഭവമെന്ന് നമുക്ക് പരിശോധിക്കാം.

ബംഗ്ലാദേശ് പ്രീമിയർ ലീഗിലെ മത്സരം.കുൽന ടൈഗേഴ്സും കോമില വിക്ടോറിയൻസും തമ്മിൽ നടന്ന മത്സരത്തിലാണ് സംഭവം.ആദ്യ ഇന്നിങ്സിൽ പത്തൊമ്പതാം ഓവറിലാണ് സംഭവം. നസീം ഷായും അസം ഖാനുമാണ് വിവാദമായ ഈ സംഭവത്തിന് തിരികൊളുത്തിയത്.പത്തൊമ്പതാം ഓവറിൽ ബാറ്റ് ചെയ്യാൻ അസം ഖാൻ ക്രീസിലേക്ക് വരുകയായിരുന്നു. അസം ഖാനെ കണ്ടേ ഉടനെ കെട്ടിപ്പിടിക്കാൻ ശ്രമിച്ച നസീം ഷായേ അസം ഖാൻ തട്ടി മാറ്റി. എന്നാൽ പിന്നീട് നസീം ഷാ അസം ഖാനെ കളിയാക്കുന്ന കാഴ്ചയാണ് പിന്നീട് കണ്ടത്.

ഒരിക്കൽ കൂടി അസം ഖാനെ കെട്ടിപ്പിടിക്കാൻ ശ്രമിച്ച നസീം ഷായേ വീണ്ടും അദ്ദേഹം തട്ടിമാറ്റുന്നു.തുടർന്ന് ക്രീസിലേക്ക് നടന്ന അസം ഖാനെ അതെ രീതിയിൽ തന്നെ പിന്തുടർന്ന്.നസീം ഷായുടെ ഈ പ്രവർത്തി അസം ഖാനും ആരാധകർക്ക് അത്ര പിടിച്ചിട്ടില്ല. നസീം ഖാൻ രസകരമായി ചെയ്ത ഈ പ്രവർത്തി ബോഡി ഷെയ്മിങാണെന്ന് രീതിയിൽ ആരാധകർ പ്രതികരിച്ചു. ഇത് ആദ്യമായിയല്ല തന്റെ ശരീരഭാരത്തിന്റെ പേരിൽ അസം ഖാൻ അവഗണന നേരിടുന്നത്.മുൻ പാകിസ്ഥാൻ വിക്കറ്റ് കീപ്പർ മോയിൻ ഖാൻ്റെ മകനാണ് അസം ഖാൻ. ടി20 ക്രിക്കറ്റിൽ മികച്ച റെക്കോർഡുള്ള താരം പാകിസ്താന് വേണ്ടി മൂന്ന് മത്സരങ്ങൾ കളിച്ചിട്ടുണ്ട്.

വീഡിയൊ :

ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ ഇന്നലെ നടന്ന അവസാന പോരാട്ടത്തിൽ, ടീം ഇന്ത്യ 168 റൺസിന്റെ ഏകപക്ഷീയ വിജയം നേടി പരമ്പര 2-1ന് സ്വന്തമാക്കിയിരുന്നു. 126 റൺസ് എടുത്ത് പുറത്താകാതെ നിന്ന ഓപ്പണർ ശുഭ്മൻ ഗില്ലിന്റെ തകർപ്പൻ ഇന്നിംഗ്സിൽ ഇന്ത്യ നിശ്ചിത 20 ഓവറിൽ 4 വിക്കറ്റ് നഷ്ടത്തിൽ 234 റൺസ് എടുത്തു. ത്രിപാഠി (44), പാണ്ഡ്യ (30), സൂര്യകുമാർ (23) എന്നിവരും തിളങ്ങി. ന്യൂസിലൻഡ് താരങ്ങൾ ബാറ്റിംഗ് മറന്നപ്പോൾ, അവർ 12.1 ഓവറിൽ വെറും 66 റൺസിൽ ഓൾഔട്ടാകുകയായിരുന്നു. നാല് വിക്കറ്റ് വീഴ്ത്തിയ നായകൻ പാണ്ഡ്യ മുന്നിൽ നിന്നും നയിച്ചു.

അഹമ്മദാബാദിൽ നടന്ന മത്സരത്തിൽ ടോസ് നേടി ആദ്യം ബാറ്റിംഗ് തെരഞ്ഞെടുത്ത ഇന്ത്യക്ക് രണ്ടാം ഓവറിൽ തന്നെ ഇഷാൻ കിഷനെ നഷ്ടമായെങ്കിലും പതിഞ്ഞ താളത്തിൽ തുടങ്ങിയ ശുഭ്മൻ ഗില്ലിന്‌ ആത്മവിശ്വാസത്തോടെ ഇന്നിങ്സ് കെട്ടിപ്പടുക്കാൻ കരുത്തുനൽകിയത് മൂന്നാം നമ്പറിൽ എത്തിയ രാഹുൽ ത്രിപാഠിയുടെ നിസ്വാർത്ഥമായ ഒരു ബാറ്റിംഗ് പ്രകടനമായിരുന്നു. സ്വന്തം നേട്ടങ്ങൾക്ക് പ്രാധാന്യം നൽകാതെ ടീമിന്റെ സ്കോർബോർഡിൽ പെട്ടെന്ന് റൺസ് എത്തിക്കാനുള്ള ഒരു വിലപ്പെട്ട ഇന്നിങ്സ്. ഗില്ലിന് അതിവേഗം റൺസ് എടുക്കേണ്ട സമ്മർദ്ദവും അകറ്റിയത് ഈ ഇന്നിങ്സ് ആയിരുന്നു.

ആദ്യ മത്സരത്തിൽ പൂജ്യത്തിനും രണ്ടാം മത്സരത്തിൽ 13 റൺസിനും പുറത്തായിരുന്ന അദ്ദേഹത്തിന് വേണമെങ്കിൽ അല്പം സമയമെടുത്ത്, ടീമിലെ തന്റെ സ്ഥാനം നിലനിർത്താൻ പാകത്തിലുള്ള ഒരു ദീർഘ ഇന്നിങ്സ് കളിക്കാമായിരുന്നു. എങ്കിലും അതിനു മുതിരാതിരുന്ന ത്രിപാഠി, വെടിക്കെട്ട് ബാറ്റിംഗ് കാഴ്ച്ചവെച്ചത് ഇന്ത്യക്കും ഗില്ലിനും ഒരുപോലെ ഗുണമായി. രണ്ടാം വിക്കറ്റിൽ ചുരുങ്ങിയ പന്തുകളിൽ 80 റൺസാണ് ഇരുവരും ചേർന്ന കൂട്ടുകെട്ട് സമ്മാനിച്ചത്. 22 പന്തിൽ 4 ഫോറും 3 സിക്സും അടക്കം 44 റൺസ് നേടിയ ത്രിപാഠി ഒൻപതാം ഓവറിന്റെ രണ്ടാം പന്തിലാണ് പുറത്തായത്. അദ്ദേഹത്തിന്റെ സ്ട്രൈക്ക് റേറ്റ് ആകട്ടെ 200!

വീഡിയൊ:

അഹമ്മദാബാദിൽ നടന്ന ഇന്ത്യ ന്യൂസിലൻഡ് ട്വന്റി ട്വന്റി പരമ്പരയിലെ അവസാന മത്സരത്തിൽ 168 റൺസിന്റെ കൂറ്റൻ വിജയം നേടിയ ടീം ഇന്ത്യ പരമ്പര 2-1 ന് സ്വന്തമാക്കി. അന്താരാഷ്ട്ര ട്വന്റി ട്വന്റി ക്രിക്കറ്റിലെ റൺ അടിസ്ഥാനത്തിലുള്ള ഇന്ത്യയുടെ ഏറ്റവും വലിയ വിജയമാണിത് എന്ന പ്രത്യേകത കൂടിയുണ്ട്. പരമ്പരയിലെ ആദ്യ മത്സരം തോറ്റ ശേഷം തിരിച്ചടിച്ച് നേടിയ പരമ്പരവിജയം ഇന്ത്യക്ക് കൂടുതൽ ആത്മവിശ്വാസം നൽകും. നിർണായക മത്സരത്തിൽ തകർപ്പൻ സെഞ്ചുറി നേടിയ ഓപ്പണർ ശുഭ്മൻ ഗില്ലാണ് ഇന്ത്യയുടെ വിജയശില്ലി.

മത്സരത്തിൽ ടോസ് നേടി ആദ്യം ബാറ്റിങ്ങിന് ഇറങ്ങിയ ഇന്ത്യ നിശ്ചിത 20 ഓവറിൽ 4 വിക്കറ്റ് നഷ്ടത്തിൽ 234 റൺസ് എടുത്തപ്പോൾ മറുപടിയായി ന്യൂസിലാന്റിന്റെ ഇന്നിങ്സ് 12.1 ഓവറിൽ വെറും 66 റൺസിൽ അവസാനിച്ചു. ഇന്ത്യക്കായി ഗിൽ 126 റൺസോടെ പുറത്താകാതെ നിന്നു. രാഹുൽ ത്രിപാഠി 44(22), സൂര്യകുമാർ യാദവ് 24(13), നായകൻ ഹാർദിക് പാണ്ഡ്യ 30(17) എന്നിവരും മികച്ച സംഭാവന നൽകി. കിവീസ് നിരയിൽ ഓൾറൗണ്ടർ ദാരിൽ മിച്ചൽ 35(25), നായകൻ മിച്ചൽ സാന്റ്നർ 13(13) എന്നിവർ ഒഴികെ മറ്റാർക്കും രണ്ടക്കം പോലും കടക്കാൻ കഴിഞ്ഞില്ല. നായകൻ പാണ്ഡ്യ നാല് വിക്കറ്റുമായി മുന്നിൽ നിന്നും നയിച്ചപ്പോൾ പേസർമാരായ അർഷദീപ് സിംഗ്, ഉമ്രാൻ മാലിക്ക്, ശിവം മാവി എന്നിവർ രണ്ട് വിക്കറ്റ് വീതമെടുത്ത് മികച്ച പിന്തുണ നൽകി.

ആദ്യ മത്സരത്തിൽ 7, രണ്ടാം മത്സരത്തിൽ 11 എന്നിങ്ങനെ നേടിയതോടെ ടീമിലെ സ്ഥാനം സംശയത്തിലായിരുന്ന ഗിൽ, ഇന്ന് ഫോമിലേക്ക് മടങ്ങിയെത്തി വെടിക്കെട്ട് സെഞ്ചുറി നേടി, താൻ ഒരു ഓൾ ഫോർമാറ്റ് താരമാണെന്ന് തെളിയിക്കുകയാണ്. മത്സരത്തിന്റെ രണ്ടാം ഓവറിൽ തന്നെ സഹ ഓപ്പണർ കിഷനേ നഷ്ടമായതോടെ ശ്രദ്ധയോടെ ബാറ്റ് വീശിയ അദ്ദേഹം, ഒരറ്റത്ത് വിക്കറ്റ് പോകാതെ കാത്തുകൊണ്ട് അപ്പുറത്ത് കളിക്കുന്നവർക്ക്‌ ആഞ്ഞടിക്കാനുള്ള ലൈസൻസ് നൽകി, പിന്നീട് സെറ്റായ ശേഷം കത്തിക്കയറുകയായിരുന്നു. ആദ്യ 50 റൺസ് എടുക്കാൻ 35 പന്ത് നേരിട്ട അദ്ദേഹത്തിന് അടുത്ത 50 തികയ്ക്കാൻ വേണ്ടിവന്നത് വെറും 19 പന്തുകൾ മാത്രം!

ടെസ്റ്റിലും ഏകദിനത്തിലും സെഞ്ചുറി നേടിയിട്ടുള്ള ഈ 23 വയസുകാരൻ ട്വന്റി ട്വന്റി ക്രിക്കറ്റിലും സെഞ്ചുറി നേടിക്കൊണ്ട് ഈ നേട്ടം കൈവരിക്കുന്ന അഞ്ചാമത്തെ ഇന്ത്യൻ താരമായി. കഴിഞ്ഞ വർഷം ദുബായിൽ അഫ്ഗാനിസ്ഥാനെതിരെ 122* റൺസ് എടുത്ത വിരാട് കോഹ്‌ലിയുടെ പേരിലുണ്ടായിരുന്ന ഒരു ഇന്ത്യൻ താരത്തിന്റെ ഏറ്റവും ഉയർന്ന വ്യക്തിഗത സ്കോറിന്റെ റെക്കോർഡ്, 126* റൺസെടുത്ത ഗിൽ സ്വന്തം പേരിലാക്കി. മത്സരത്തിൽ 12 ഫോറുകളും 7 സിക്‌സുകളും ഗിൽ പായിച്ചു. കളിയിലെ താരമായി തിരഞ്ഞെടുക്കപ്പെട്ടതും അദ്ദേഹം തന്നെയാണ്.

വീഡിയൊ :