ഇന്ത്യൻ പ്രീമിയർ ലീഗിന്റെ 17 മത്തെ സീസൺ റൺ മഴ പെയ്യുകയാണ്.കൊൽക്കത്ത നൈറ്റ്‌ റൈഡർഡ് ഡൽഹി ക്യാപിറ്റൽസ് മത്സരത്തിലാണ് ഈ റൺ മഴ. ടോസ് നേടി ബാറ്റിംഗ് തിരഞ്ഞെടുത്ത കൊൽക്കത്ത 272 റൺസ് സ്വന്തമാക്കി.
39 പന്തിൽ 85 റൺസ് നേടിയ നരേനായിരുന്നു കൊൽക്കത്ത ടോപ് സ്കോർർ. യുവ താരം രഘുവൻഷി 27 പന്തിൽ 54 റൺസ് സ്വന്തമാക്കുകയും ചെയ്തു.റസ്സൽ 19 പന്തിൽ 41 റൺസ് നേടി. ഈ ബാറ്റിംഗ് വിരുന്നിന് ഇടയിൽ ക്രിക്കറ്റ്‌ പ്രേമികൾക്ക് ഒരു മികച്ച ബൗളിംഗ് നിമിഷം നൽകിയിരിക്കുകയാണ് ഇശാന്ത്‌ ശർമ.
കൊൽക്കത്ത ഇന്നിങ്സിന്റെ 20 മത്തെ ഓവർ. ഇശാന്താണ് പന്ത് എറിയുന്നത്. റസ്സൽ കൊൽക്കത്തക്ക് വേണ്ടി സ്ട്രൈക്കിൽ.144 കിലോമീറ്ററിൽ ഒരു ഇൻസ്വിങ് യോർക്കർ.റസ്സൽ പോലും കൈ അടിച്ചു കൊണ്ട് ക്രീസ് വിടുന്നു. വീഡിയോ ഇതാ..