ഷക്കിബ് അൽ ഹസൻ ലോക ക്രിക്കറ്റ്‌ കണ്ട എക്കാലത്തെയും മികച്ച ഓൾ റൗണ്ടർമാരിൽ ഒരാളാണ്.എങ്കിലും അദ്ദേഹത്തിന്റെ കളത്തിന് അകത്ത പ്രവർത്തികൾ അയാൾക്ക് ധാരാളം വിരോധികളെ ഉണ്ടാക്കി കൊടുത്തിട്ടുണ്ട്. പണ്ട് നോ ബോൾ വിളിക്കാതത്തിൽ നിദാഹാസ് ട്രോഫിയിൽ ടീമിനെ തിരിച്ചു വിളിക്കാൻ ശ്രമിച്ചതും ഏതോ ഒരു ലീഗ് മത്സരത്തിൽ അമ്പയറിനോടുള്ള ദേഷ്യത്തിൽ സ്റ്റമ്പ് ചവിട്ടി പൊട്ടിച്ചതും ഇത്തരത്തിലുള്ള പ്രവർത്തികളാണ്.
ഇപ്പോൾ ഇത്തരത്തിലുള്ള മറ്റൊരു പ്രവർത്തി കൂടി ഷക്കിബിന്റെ ഭാഗത്ത് നിന്ന് പുറത്ത് വന്നിരിക്കുക്കയാണ്. ഇന്നലെ നടന്ന ബംഗ്ലാദേശ് പ്രീമിയർ ലീഗ് മത്സരത്തിലായിരുന്നു ഇത്.ഫോർച്ചുണ് ബർഷലും സൈയ്‌ലെറ്റ് സ്ട്രക്കേഴ്സും തമ്മിലായിരുന്നു മത്സരം.ബർഷലിന്റെ താരമായിരുന്നു ഷക്കിബ്. മത്സരത്തിലെ 16 മത്തെ ഓവറിലെ നാലാമത്തെ പന്ത്. രെജോറാണ് ബൗൾ എറിയുന്നത്.ഷാക്കിബ് 22 പന്തിൽ 39 റൺസുമായി ക്രീസിൽ.ഷക്കിബിന്റെ തലക്ക് മീതെ ഒരു ബൗണസർ.അമ്പയർ വൈഡ് വിളിക്കുന്നില്ല. പിന്നീട് നടന്നത് നാടകീയ സംഭവങ്ങൾ.
ഷക്കിബ് അമ്പയറിന് നേരെ തിരിയുന്നു. അമ്പയർ അത് വൈഡ് അല്ല ബൗണസറാണെന്ന് പറഞ്ഞു ഫസ്റ്റ് ബൗണസിനുള്ള വാണിംഗ് മാത്രം കാണിക്കുന്നു.വീണ്ടും അമ്പയറിന്റെ അടുത്ത ഷക്കിബ് ദേഷ്യപെടുന്നു.ഇത് ഒരു അന്താരാഷ്ട്ര താരത്തിന് ചേർന്നത് അല്ലെന്ന് കമന്ററിയും കൂട്ടിച്ചേർക്കുന്നു.മത്സരത്തിൽ ഷക്കിബ് 32 പന്തിൽ 67 റൺസ് നേടിയെങ്കിലും തന്റെ ടീം ആറു വിക്കറ്റിന് സ്ട്രൈക്കഴ്സിനോട് തോൽവി രുചിച്ചിരുന്നു.
വീഡിയോ :