യുസന്ദ്ര ചാഹാൽ, ഇന്ത്യൻ ക്രിക്കറ്റ്‌ ടീമിലെ മികച്ച എന്റെർറ്റൈൻർമാരിൽ ഒരാളാണ്. ക്രിക്കറ്റ്‌ ഫീൽഡിന് അകത്ത് അദ്ദേഹം പല രസകരമായ കാര്യങ്ങളും ചെയ്യുന്നത് നമ്മൾ കണ്ടിട്ടുള്ളതാണ്. ലോകക്കപ്പിന്റെ ഇടയിൽ ബൗണ്ടറിക്ക് അപ്പുറം വെള്ളവുമായി വിശ്രമിച്ച കിടക്കുന്നത് പിന്നെ ഐ പി എല്ലിൽ ഹാട്ട്രിക്ക് നേടിയപ്പോൾ അന്ന് വിശ്രമിച്ച പോലെ ഗ്രൗണ്ടിൽ വിശ്രമിച്ചു ചാഹാൽ വാർത്തകളിൽ ഇടം നേടിയതാണ്.
ഇപ്പോൾ നടന്ന് കൊണ്ടിരിക്കുന്ന ഇന്ത്യ ശ്രീ ലങ്ക പരമ്പരയിലും സ്ഥിതി വിത്യസതമല്ല. മൂന്നാം ട്വന്റി ട്വന്റിക്ക്‌ ശേഷം സൂര്യ കുമാർ യാദവിന്റെ കൈകൾ മണത്തു നോക്കിയതും ഇത്തരത്തിലുള്ള രസകരമായ സംഭവങ്ങളാണ്.ഈ മത്സരത്തിന് ശേഷം ചാഹാലാണ് തന്റെ ബാറ്റിംഗ് കോച്ച് എന്ന് രസകരമായി സൂര്യ കുമാറും വ്യക്തമാക്കിയിരുന്നു.ഇപ്പോൾ രണ്ടാം ഏകദിനം അവസാനിച്ച ശേഷവും മറ്റൊരു രസകരമായ വീഡിയോ പുറത്ത് വന്നിരിക്കുകയാണ്.
ബി സി സി ഐ ക്ക്‌ വേണ്ടി ചാഹാൽ മത്സരം ശേഷം കുൽദീപിനെ ഇന്റർവ്യൂ ചെയ്യുകയാണ്.മത്സരത്തിൽ ഗംഭീര പ്രകടനം നടത്താൻ തനിക്ക് സാധിച്ചത് ചാഹാലിന്റെ ഉപദേശത്തലാണെന്ന് കുൽദീപ് വ്യക്തമാക്കി. ഈ ഒരു പ്രസ്താവന കേട്ട ഉടൻ ചാഹാൽ പറഞ്ഞു ഞാൻ സൂര്യയുടെ ബാറ്റിംഗ് കോച്ചും കുൽദീപിന്റെ ബൗളിംഗ് കോച്ചുമാണെന്ന്. നിലവിൽ ഈ വീഡിയോ തരംഗമായി കൊണ്ടിരിക്കുകവാണ്. ചാഹലിന് പകരം ടീമിലെത്തിയ കുൽദീപ് മൂന്നു ലങ്കൻ വിക്കറ്റുകൾ നേടിയിരുന്നു.മത്സരത്തിലെ താരവും കുൽദീപ് തന്നെയായിരുന്നു.ലങ്കയേ നാല് വിക്കറ്റിന് ഇന്ത്യ തോൽപിച്ചതോടെ ഒരു മത്സരം ബാക്കി നിൽക്കേ ഏകദിന പരമ്പരയും ഇന്ത്യ സ്വന്തമാക്കി. അവസാന ഏകദിനം ഞായറാഴ്ച തിരുവനന്തപുരത്ത് നടക്കും.
വീഡിയോ ;