വിരാട് കോഹ്ലി, ലോക ക്രിക്കറ്റിൽ വിക്കറ്റിന് ഇടയിൽ ഏറ്റവും മികച്ച രീതിയിൽ ഓടുന്ന ബാറ്ററാണ്. ഒന്ന് രണ്ടും രണ്ട് മൂന്നുമാക്കി മാറ്റാൻ കോഹ്ലിയേ പോലെ കഴിവുള്ള താരം നിലവിൽ ലോകക്രിക്കറ്റിൽ ഉണ്ടോ എന്ന് സംശയമാണ്. എന്നാൽ റണ്ണിങ്ങിന് ഇടയിൽ കോഹ്ലിയുടെ ഒരു ചെറിയ അശ്രദ്ധയിൽ നിന്നും അദ്ദേഹത്തെ റൺ ഔട്ട്‌ ആക്കാമായിരുന്നിട്ടും ലങ്കക്ക്‌ അത് കഴിയാതെ പോയ അവിശ്വസനീയ സംഭവമാണ് ഇപ്പോൾ പുറത്ത് വന്നിരിക്കുന്നത്.എന്താണ് സംഭവമെന്ന് നമുക്ക് പരിശോധിക്കാം.
ഇന്ത്യ ശ്രീലങ്ക മൂന്നാം ഏകദിനം.ഒരു വിക്കറ്റ് മാത്രം നഷ്ടമായ ഇന്ത്യ അതിശക്തമായ നിലയിലേക്ക് കുതിക്കുകയാണ്.മത്സരത്തിലെ 27 മത്തെ ഓവറിലെ ആദ്യത്തെ പന്ത്. ഹസരങ്കയുടെ ആദ്യ ബോൾ ഗിൽ സിംഗിൾ ഇടുന്നു. എന്നാൽ കീപ്പർ എൻഡിലേക്ക് ഓടിയ കോഹ്ലിയുടെ ബാറ്റ് ക്രീസിന് തൊട്ട് മുന്നേ നിലത്തു പതിക്കുന്നു. കീപ്പർ കുശാൽ മെൻഡിസ് ഇത് ഒന്ന് ശ്രദ്ധിക്കാതെ ബോൾ പിടിക്കുന്നു. കോഹ്ലി ക്രീസിൽ കേറിയത് കുശാലിന്റെ കയ്യിൽ ബോൾ ഉള്ളപ്പോൾ എന്നത് മറ്റൊരു രസകരമായ കാര്യം.വീഡിയോ കാണാം
നിലവിൽ ഇന്ത്യക്ക് ഒരു വിക്കറ്റ് മാത്രമാണ് നഷ്ടമായത്.42 റൺസ് നേടിയ രോഹിത് മാത്രമാണ് പുറത്തായത്. ഗിൽ തന്റെ കരിയറിലെ രണ്ടാമത്തെ സെഞ്ച്വറിയുമായി ഇന്ത്യയേ കൂറ്റൻ സ്കോറിലേക്ക് നയിക്കുകയാണ്.എന്നാൽ 115 റൺസിൽ ഗിൽ വീണെകിലും ഫിഫ്റ്റി നേടിയ കോഹ്ലി നിലവിൽ ക്രീസിലുണ്ട്. തിരുവനന്തപുരത്ത് ആവേശകരമായി മത്സരം പുരോഗമിക്കുകയാണ്.
