വാക്കുകൾ കൊണ്ട് വർണിക്കാൻ കഴിയാത്ത ക്രിക്കറ്റ്‌ താരമാണ് വിരാട് കോഹ്ലി.കളത്തിന് അകത്ത് പുറത്തും നല്ല ഒരു മനുഷ്യൻ കൂടിയാണ് അദ്ദേഹം എന്ന് പല തവണ നമ്മൾ കണ്ടിട്ടുള്ളതാണ്. മാത്രമല്ല ലോകത്ത് ഇന്ന് ഏറ്റവും കൂടുതൽ ആരാധകരുള്ള ക്രിക്കറ്റ്‌ താരമാണ് അദ്ദേഹം.ഇത്തരത്തിൽ ഒരു ആരാധകൻ ഇന്ന് കോഹ്ലിയേ നേരിട്ട് കാണാൻ വേണ്ടി ഗ്രൗണ്ടിലേക്ക് ചാടി ഇറങ്ങിയ വീഡിയോ ഇപ്പോൾ തരംഗമാണ്.
ഇന്ത്യ ശ്രീലങ്ക മൂന്നാമത്തെ ഏകദിനം. ശ്രീ ലങ്കയേ 317 റൺസിന് തകർത്ത ശേഷം ആഘോഷവും കഴിഞ്ഞു ഇന്ത്യൻ ടീം ഡ്രസിങ് റൂമിലേക്ക് നടക്കുകയാണ്. പെട്ടെന്ന് ഗാലറിയിൽ നിന്ന് ഒരാൾ കോഹ്ലിയേ കാണാൻ വേണ്ടി ചാടി ഓടുകയാണ്. സെക്യൂരിറ്റി ഗാർഡുകൾ അദ്ദേഹത്തെ തടയാൻ നോക്കിയെങ്കിലും ഫലമുണ്ടായില്ല. ഒടുവിൽ അദ്ദേഹം കോഹ്ലിയുടെ കാലിൽ തൊട്ട് വന്ദിച്ച ശേഷം സെക്യൂരിറ്റി ഗാർഡസ് തിരകെ ഗാലറിയിലേക്ക് അയക്കുകയായിരുന്നു.
ഇന്നത്തെ മത്സരം ഇന്ത്യ 317 റൺസിന് ജയിച്ചതോടെ ഏകദിന ക്രിക്കറ്റ്‌ ചരിത്രത്തിൽ റൺസുകളുടെ അടിസ്ഥാനത്തിൽ ഏറ്റവും വലിയ വിജയം നേടുന്ന ടീമായി ഇന്ത്യ മാറി.മത്സരത്തിൽ 166 റൺസ് നേടിയ വിരാട് കോഹ്ലി തന്നെയാണ് കളിയിലെ താരം. സീരിസിൽ ഉടനീളം മികച്ച പ്രകടനം പുറത്തെടുത്ത കോഹ്ലി തന്നെയാണ് പരമ്പരയിലെ താരം.തന്റെ ഏകദിന കരിയറിലെ 46 മത്തെ സെഞ്ച്വറിയാണ് കോഹ്ലി ഇന്ന് സ്വന്തമാക്കിയത്.പരമ്പരയിലെ മൂന്നു മത്സരങ്ങളും ഇന്ത്യ തന്നെയാണ് വിജയിച്ചതും.
