ട്വന്റി ട്വന്റി ക്രിക്കറ്റ്‌,ക്രിക്കറ്റിലെ ഏറ്റവും ആവേശകരമായ ഫോർമാറ്റാണ്. ഒരൊറ്റ ഓവർ കൊണ്ട് മത്സരത്തിലെ വിധി മാറ്റാൻ കഴിയും. പല തവണ ഈ ഫോർമാറ്റിൽ ഇത് കണ്ടിട്ടുള്ളതാണ്. ഇന്ന് നടന്ന ഇന്ത്യ ന്യൂസിലാൻഡ് ട്വന്റി ട്വന്റി പരമ്പരയിലെ ആദ്യ മത്സരത്തിലും ഇത്തരത്തിൽ ഒരു ഓവർ സംഭവിച്ചിരിക്കുകയാണ്. എന്താണ് സംഭവമെന്ന് നമുക്ക് പരിശോധിക്കാം.
ഇന്ത്യ ന്യൂസിലാൻഡ് ട്വന്റി ട്വന്റി പരമ്പരയിലെ ആദ്യത്തെ മത്സരം.ഇന്ത്യൻ ഇന്നിങ്സിന്റെ 18 മത്തെ ഓവർ.177 റൺസ് പിന്തുടരാൻ ഇറങ്ങിയ ഇന്ത്യ 7 വിക്കറ്റ് നഷ്ടത്തിൽ 127 റൺസ് എന്നാ നിലയിൽ.17 മത്തെ ഓവറിലെ അവസാന പന്ത് സിക്സർ പറത്തി നോൺ സ്ട്രൈക്ക് എൻഡിലായി പോയ സുന്ദറാണ് ഇന്ത്യയുടെ ഏകപ്രതീക്ഷ.ഇന്ത്യക്ക് വേണ്ടി ബാറ്റ് ചെയ്യുന്നത് കുൽദീപാണ്. ന്യൂസിലാൻഡ് ബൗളേർ ലോക്കി ഫെർഗുസനാണ്.
ഓവറിലെ ആദ്യത്തെ പന്തിൽ സിംഗിൾ ഇടാൻ ശ്രമിക്കുന്ന കുൽദീപിന് പിഴക്കുന്നു. എഡ്ജ് എടുത്ത ബോൾ ചെന്ന് വിശ്രമിച്ചത് ന്യൂസിലാൻഡ് വിക്കറ്റ് കീപ്പർ ഡെവൺ കോൺവേയുടെ കരങ്ങളിൽ. ഇന്ത്യക്ക് 8 വിക്കറ്റുകൾ നഷ്ടം.അർഷദീപ് ക്രീസിലേക്ക്.സുന്ദർ എത്രയും വേഗം സ്ട്രൈക്ക് എത്തേണ്ടത് ഇന്ത്യയുടെ ആവശ്യവും നോൺ സ്ട്രൈക്ക് എൻഡിൽ തന്നെ തുടരേണ്ടത് കിവിസിന്റെ ആവശ്യവുമാണ്.അത് കൊണ്ട് തന്നെ രണ്ടാമത്തെ ബോൾ ഓഫ്‌ സ്റ്റമ്പിന് പുറത്ത് എറിയുന്നു. അർഷദീപിന് പന്ത് ബാറ്റിൽ കൊള്ളിക്കാൻ സാധിക്കുന്നില്ല.മൂന്നാമത്തെ ബോൾ ലോക്കി ഫെർഗുസൺ സ്റ്റമ്പിലേക്ക് എറിയുന്നു. അർഷദീപ് ബാറ്റിൽ കൊള്ളിച്ചെങ്കിലും ഈ തവണയും റൺ എടുക്കാൻ സാധിച്ചില്ല.
ഓവറിലെ നാലാമത്തെ പന്ത്,ലോക്കി ഒരു ഷോർട് ബോൾ എറിയുന്നു. അർഷദീപ് പുള്ള് ചെയ്യാൻ ശ്രമിക്കുന്നു. ശ്രമം വിഫലമാകുന്നു.വീണ്ടും ഡോട്ട് ബോൾ. അഞ്ചാമത്തെ പന്ത്,ഒരിക്കൽ കൂടി ഓഫ്‌ സ്റ്റമ്പിന് പുറത്ത് വീണ്ടും ബാറ്റിൽ തൊടാൻ ആവാതെ അർഷദീപ്.അവസാന പന്തിൽ വീണ്ടും ബാറ്റിൽ കൊള്ളിക്കാൻ ശ്രമം നടത്തിയെങ്കിലും ഈ തവണയും വിഫലം.ഒടുവിൽ ഇന്ത്യ 21 റൺസ് അകലെ തോൽവി സമ്മതിച്ചു. കിവിസിന് വേണ്ടി കോൺവേയും മിചല്ലും നേടിയ ഫിഫ്റ്റിയാണ് 176 എന്നാ സ്കോറിലേക്ക് അവരെ നയിച്ചത്.മിച്ചൽ തന്നെയാണ് കളിയിലെ താരവും.
വീഡിയോ: