ഓരോ ക്രിക്കറ്റ്‌ പ്രേമിയും ആവേശത്തോടെ കാത്തിരിക്കുകയാണ് ഇന്ത്യൻ പ്രീമിയർ ലീഗിന് വേണ്ടിയാണ്. കഴിഞ്ഞ സീസണിലെ മോശം ഫോം മറികടന്നു തങ്ങളുടെ പ്രതാപം തിരകെ പിടിക്കാൻ മുംബൈ ഇന്ത്യൻസും ചെന്നൈ സൂപ്പർ കിംഗ്‌സും ഇറങ്ങും. എന്നാൽ തങ്ങളുടെ ആദ്യത്തെ കിരീടം ലക്ഷ്യമിട്ട് ഇറങ്ങുന്ന ബാംഗ്ലൂരും കൂടുമ്പോൾ ഐ പി എൽ പതിവ് പോലെ തീ പാറുമെന്ന് ഉറപ്പ്.
എന്നാൽ ബാംഗ്ലൂർ ആരാധകരെ നിരാശരാക്കുന്ന വാർത്തയാണ് ഇപ്പോൾ പുറത്ത് വന്നത്. കഴിഞ്ഞ സീസണുകളിലായി ബാംഗ്ലൂർ വളരെ മികവോടെയാണ് കളിക്കുന്നത്. ഈ മികവിന് കാരണം ഓസ്ട്രേലിയ സൂപ്പർ താരമായ ഗ്ലെൻ മാക്സ്വെലാണ്.ബാംഗ്ലൂറിന് വേണ്ടി ഗംഭീര പ്രകടനമാണ് അദ്ദേഹം കാഴ്ച വെച്ച് കൊണ്ടിരുന്നത്. പക്ഷെ കഴിഞ്ഞ ട്വന്റി ട്വന്റി ലോകക്കപ്പിന് ശേഷം അദ്ദേഹത്തിന് പരിക്ക് ഏറ്റിരുന്നു.
അതിന് ശേഷം അദ്ദേഹം ക്രിക്കറ്റിൽ മടങ്ങി വന്നിരുന്നില്ല. പക്ഷെ ബാംഗ്ലൂർ ആരാധകർക്ക് പ്രതീക്ഷ നൽകി കൊണ്ട് കഴിഞ്ഞ ദിവസമാണ് മാക്സ്വെൽ ക്രിക്കറ്റിലേക്ക് തിരകെ വന്നത്. എന്നാൽ ഇപ്പോൾ വീണ്ടും അദ്ദേഹത്തിന് പരിക്ക് പറ്റിയ വാർത്തയാണ് പുറത്ത് വരുന്നത്. ഓസ്ട്രേലിയ ആഭ്യന്തര മത്സരത്തിന് ഇടയിൽ സ്ലിപ്പിൽ ക്യാച്ച് എടുക്കാൻ ശ്രമിക്കുമ്പോൾ ആണ് വീണ്ടും മാക്സിയുടെ കൈക്ക് പരിക്ക് ഏൽക്കുന്നത്. എന്നാൽ ഈ പരിക്കിനെ പറ്റിയുള്ള കൂടുതൽ വിവരങ്ങൾ ലഭ്യമല്ല.നിലവിൽ ബാംഗ്ലൂർ ആരാധകർ മാക്സ്വെലിന്റെ കാര്യത്തിൽ ആശങ്കയിലാണ്.