ഇന്ത്യൻ പ്രീമിയർ ലീഗ് പതിനാറാം സീസൺ ആവേശകരമായി പുരോഗമിക്കുകയാണ്. ഇന്ന് രണ്ട് മത്സരങ്ങളാണ് ലീഗിലുള്ളത്. വൈകിട്ട് 3:30 ക്ക്‌ തുടങ്ങിയ മത്സരത്തിൽ ചെന്നൈ സൂപ്പർ കിങ്‌സ് ലക്ക്നൗ സൂപ്പർ ജയന്റ്സ് നേരിടുകയാണ്.വൈകിട്ട് 7:30 ക്ക്‌ നടക്കുന്ന മത്സരത്തിൽ പഞ്ചാബ് കിംഗ്‌സും മുംബൈ ഇന്ത്യൻസിനെ നേരിടും.
ഇപ്പോൾ ചെന്നൈ സൂപ്പർ കിംഗ്‌സും ലക്കനൗ സൂപ്പർ ജയന്റ്സിനെ നേരിടുകയാണ്.ടോസ് നേടിയ ചെന്നൈ സൂപ്പർ കിങ്‌സ് നായകൻ മഹേന്ദ്ര സിങ് ധോണി ബൗളിംഗ് തിരഞ്ഞെടുത്തു. ആദ്യ ഓവറുകളിൽ തന്നെ ചെന്നൈ ബൗളേർമാർ ലക്ക്നൗ ബാറ്റർമാരെ വട്ടം കറക്കി.എന്നാൽ ഇപ്പോൾ ചർച്ചയാകുന്നത് മറ്റൊരു കാര്യമാണ്.ചെന്നൈ സൂപ്പർ താരം രവീന്ദ്ര ജഡേജ എടുത്ത വിക്കറ്റ് തന്നെയാണ് ഈ ചർച്ചവിഷയം.
തുടക്കത്തിൽ തകർച്ചയിൽ നിന്ന് രക്ഷിക്കാൻ ലക്കനൗ സൂപ്പർ ജയന്റ്സിന് വേണ്ടി ക്രീസിൽ മാർക്കസ് സ്റ്റോയിനിസ്. ഇന്നിങ്സിന്റെ ഏഴാമത്തെ ഓവർ. മഹേന്ദ്ര സിങ് ധോണി രവീന്ദ്ര ജഡേജക്ക്‌ പന്ത് ഏല്പിക്കുന്നു.ഓവറിലെ അഞ്ചാമത്തെ പന്ത്, മാർക്കസ് സ്റ്റോയിനിസ് സ്ട്രൈക്ക് ചെയ്യുകയാണ്.ജഡേജ ലെഗ് സ്റ്റമ്പിന് കുത്തിച്ചു ഒരു പന്ത് എറിയുകയാണ്.സ്റ്റോയിനിസ് സ്ട്രൈറ്റ് ഡ്രൈവ് ചെയ്യാൻ ശ്രമിക്കുന്നു. പന്ത് ഒരിക്കലും പ്രതീക്ഷിക്കാത്ത രീതിയിൽ ടേൺ ചെയ്തു സ്റ്റോയിനിസിന്റെ സ്റ്റമ്പ് തെറിക്കുന്നു.