ഇന്ത്യൻ പ്രീമിയർ ലീഗ് ആവേശകരമായി അവസാന ദിനങ്ങളിലേക്ക് കടക്കുകയാണ്.എലിമിനേറ്ററിൽ ഇപ്പോൾ മുംബൈ ഇന്ത്യൻസ് ലക്കനൗ സൂപ്പർ ജയന്റ്സിനെയാണ് നേരിടുന്നത്. ചെപോക്കിലാണ് മത്സരം. ടോസ് നേടിയ മുംബൈ നായകൻ രോഹിത് ശർമ ബാറ്റിംഗ് തിരഞ്ഞെടുത്തു. മുംബൈ യുവ താരം തിലക് വർമയുടെ തിരിച്ചു വരവ് ശ്രദ്ധേയമായി.
സ്പിനിന് അനുകൂലമായ പിച്ചിൽ ലക്കനൗ ക്യാപ്റ്റൻ ക്രുനാൾ പാന്ധ്യ സ്പിൻ ബൗളിങ്ങുമായി തന്നെ ഇന്നിങ്സ് ഓപ്പൺ ചെയ്തു. എന്നാൽ മികച്ച രീതിയിൽ മുംബൈ ഓപ്പൺർമാർ പ്രതികരിച്ചതോടെ മികച്ച രീതിയിലേക്ക് മുംബൈ നീങ്ങുമെന്ന് തോന്നിച്ചു. എന്നാൽ മുംബൈ നായകൻ രോഹിത്തിനെ പുറത്താക്കി നവീൻ ഉൾ ഹഖ് ലക്കനൗ സൂപ്പർ ജയന്റ്സിനെ മത്സരത്തിലേക്ക് തിരകെ കൊണ്ട് വന്നു.സൂര്യകുമാർ യാദവും ഗ്രീനും മികച്ച രീതിയിൽ ഇന്നിങ്സ് മുന്നോട്ടു നയിച്ചു.
ഒടുവിൽ ഒരിക്കൽ കൂടി നവീൻ ഉൾ ഹഖ് ലക്കനൗവിന്റെ രക്ഷക്കായി എത്തി. മികച്ച രീതിയിയിലേക്ക് കുതിക്കുകയായിരുന്ന ഇരുവരെയും നവീൻ മടക്കി.മുംബൈ ഇന്ത്യൻസ് ഇന്നിങ്സിന്റെ 11 മത്തെ ഓവറിലാണ് ഇരുവരെയും നവീൻ പുറത്താക്കിയത്. ഓവറിലെ നാലാമത്തെ പന്ത് ഒരു സ്ലോ ലെഗ് കട്ടർ പൊക്കി അടിക്കാൻ ശ്രമിച്ച സൂര്യക്ക് പിഴക്കുന്നു. ലോങ്ങ്‌ ഓഫിൽ ഗൗതത്തിന് ക്യാച്ച് നൽകി സൂര്യ മടങ്ങുന്നു.ഇതേ ഓവറിലെ അവസാന പന്തിൽ വീണ്ടും ഒരു സ്ലോ ലെഗ് കട്ടർ. ഈ തവണ അത് ഗ്രീനിന്റെ കുറ്റി തെറിപ്പിച്ചു കൊണ്ട് പോകുന്നു.