ഇന്ത്യൻ ക്രിക്കറ്റിന്റെ ഭാവി എന്ന് വിശേഷപിക്കപെടുന്ന താരമാണ് ശുഭ്മാൻ ഗിൽ.ക്രിക്കറ്റിന്റെ മൂന്നു ഫോർമാറ്റിലും ഇതിനോടകം തന്നെ അദ്ദേഹം തന്റെ മികവ് തെളിയിച്ചു കഴിഞ്ഞു. എന്നാൽ കഴിഞ്ഞ കുറച്ച മത്സരങ്ങളായി ഫോം നഷ്ടപെട്ട അദ്ദേഹം കഴിഞ്ഞ ഇന്ത്യ വെസ്റ്റ് ഇൻഡീസ് ട്വന്റി ട്വന്റിയിൽ ഫിഫ്റ്റി സ്വന്തമാക്കി ഫോമിലേക്ക് തിരകെ വന്നിരുന്നു.ഇന്ന് ആരംഭിച്ച ഇന്ത്യ വെസ്റ്റ് ഇൻഡീസ് അവസാന ട്വന്റി ട്വന്റിയിലും മികച്ച രീതിയിൽ തന്നെയാണ് ഗിൽ ബാറ്റ് ചെയ്തു തുടങ്ങിയത്.
എന്നാൽ ഇന്ത്യൻ ഇന്നിങ്സിന്റെ 3 മത്തെ ഓവറിൽ അദ്ദേഹം പുറത്തായി. വെസ്റ്റ് ഇൻഡീസ് സ്പിന്നർ അക്കീൽ ഹോസ്സൈനാണ് അദ്ദേഹത്തെ പുറത്താക്കിയത്.എൽ ബി ഡബ്യൂ വഴിയാണ് താരം പുറത്തായത്. റിവ്യൂ നിലവിൽ ഇന്ത്യക്ക് ബാക്കി ഉണ്ടായിരുന്നു.
പക്ഷെ അമ്പയർ ഔട്ട്‌ വിളിച്ചതിനെ തുടർന്ന് ഗിൽ തന്റെ സഹ ബാറ്ററായിരുന്ന സൂര്യകുമാറുമായി ചർച്ചക്ക് പോലും നിൽക്കാതെ ഡഗ് ഔട്ടിലേക്ക് മടങ്ങി. സൂര്യ തിരകെ വിളിച്ചു റിവ്യൂ എടുക്കാൻ ആവശ്യപെറ്റുവെങ്കിൽ ഗിൽ അദ്ദേഹത്തിന്റെ നിർദേശം സ്വീകരിച്ചില്ല. തുടർന്ന് റിപ്ലൈകളിൽ ഗിൽ പുറത്തല്ലന്ന് കൂടി വ്യക്തമായി.