ധോണിക്ക് ശേഷം കുറെ കാലമായി ഇന്ത്യ ഒരു ഫിനിഷറേ തേടുകയാണ്. കഴിഞ്ഞ ഒരു വർഷത്തിന് ഉള്ളിൽ റിങ്കു സിംഗ് താൻ അടുത്ത ഇന്ത്യൻ ഫിനിഷറാകാന് എന്ത് കൊണ്ടും യോഗ്യനാണെന്ന് തെളിയിച്ചു കഴിഞ്ഞു. ഇന്ത്യൻ ക്രിക്കറ്റ്‌ ടീമിലെ അരങ്ങേറ്റ മത്സരത്തിൽ ഇന്നിങ്സ് ഫിനിഷ് ചെയ്ത അദ്ദേഹം ഇന്ത്യൻ ടീമിലേക്ക് വരവറിയിച്ചിരിന്നു.
ഇന്ത്യൻ പ്രീമിയർ ലീഗിൽ കഴിഞ്ഞ സീസണിൽ ഗുജറാത് ടൈറ്റാൻസിനെതിരെ ആവേശകരമായ രീതിയിൽ റിങ്കു സിംഗ് മത്സരം കൊൽക്കത്ത നൈറ്റ്‌ റൈഡർസിന് സ്വന്തമാക്കി കൊടുത്തിരുന്നു. തുടരെ അഞ്ചു സിക്സറുകൾ അടിച്ചു ഫിനിഷ് ചെയ്ത റിങ്കുവിനെ ആരും മറന്നു കാണില്ല.
ഇപ്പോൾ അത്തരത്തിലുള്ള ഒരു ഫിനിഷ് കൂടി അദ്ദേഹം നടത്തിയിരിക്കുകയാണ്.ഉത്തർ പ്രദേശ് പ്രാദേശിക ട്വന്റി ട്വന്റി ലീഗിലാണ് റിങ്കുവിന്റെ മറ്റൊരു അത്ഭുത പ്രകടനം പുറത്ത് വന്നത്.സൂപ്പർ ഓവറിൽ 17 റൺസാണ് റിങ്കുവിന്റെ ടീമിന് ആവശ്യം. തുടർച്ചയായി മൂന്നു സിക്സറുകൾ അടിച്ചാണ് റിങ്കു മത്സരം സ്വന്തം പേരിലാക്കിയത്.