ലോകത്തിലെ സകല ക്രിക്കറ്റ്‌ ആരാധകരും കാത്തിരുന്ന ഇന്ത്യ പാകിസ്ഥാൻ പോരാട്ടത്തിന് ആവേശകരമായ തുടക്കം. കഴിഞ്ഞ ഏകദിന ലോകക്കപ്പിന് ശേഷം ഇത് ആദ്യമായിയാണ് ഇരു ടീമുകളും തമ്മിൽ ഏകദിനത്തിൽ ഏറ്റുമുട്ടുന്നത്. മാത്രമല്ല, പാകിസ്ഥാനിൽ കളിക്കാൻ ഇന്ത്യ വിസമതിച്ചതോടെ ഈ മത്സരം അതി തീവ്രമായി തന്നെ ഇരു ആരാധക കൂട്ടങ്ങളും ഏറ്റെടുത്തുയിരിക്കുകയാണ്
.ടോസ് നേടിയ ഇന്ത്യൻ നായകൻ രോഹിത് ശർമ ബാറ്റിംഗ് തിരഞ്ഞെടുത്തു.നേപ്പാളിനെതിരെ കളിച്ച ടീമിൽ നിന്ന് ഒരു മാറ്റം പോലുമില്ലാതെയാണ് പാകിസ്ഥാൻ ഇറങ്ങിയത്. കെ എൽ രാഹുലിന്റെ അഭാവത്തിൽ ഇഷൻ കിഷനാണ് ഇന്ത്യൻ വിക്കറ്റ് കീപ്പർ. എന്നാൽ ഇപ്പോൾ ക്രിക്കറ്റ്‌ ആരാധകരുടെ ഇടയിൽ ചർച്ചയാകുന്നത് ഇന്ത്യൻ നായകന്റെ വിക്കറ്റാണ്.
ഇന്ത്യൻ ഇന്നിങ്സിന്റെ അഞ്ചാമത്തെ ഓവറിലായിരുന്നു സംഭവം. രണ്ട് ബൗണ്ടറി അടക്കം സ്വന്തമാക്കി നിന്ന് ഇന്ത്യൻ നായകൻ ഷഹീന്റെ ഓവറിലെ അവസാനത്തെ പന്ത് നേരിടുകയാണ്.രണ്ട് ബോളുകൾ പുറത്തേക്ക് എറിഞ്ഞ ഷഹീൻ, മൂന്നാമത്തെ പന്ത് ഒരു ഇൻസ്വിങ് എറിയുകയാണ്. ഇന്ത്യൻ നായകൻ ക്ലിൻ ബൗൾഡ്.