വിരാട് കോഹ്ലി എന്നും പാകിസ്ഥാൻ ബൗളേർമാരുടെ അന്തകനാണ്. പല തവണ തങ്ങളുടെ കയ്യിൽ നിന്ന് മത്സരങ്ങൾ കോഹ്ലി തട്ടിയെടുക്കുന്നത് പാകിസ്ഥാൻ കണ്ടതാണ്.2012 ലെ ആ ഏഷ്യ കപ്പിൽ നേടിയ 183 മുതൽ ഇപ്പോൾ നടന്നു കൊണ്ടിരിക്കുന്ന ഏഷ്യ കപ്പ്‌ വരെ അത്തരത്തില്ലുള്ള ഇന്നിങ്സുകളാണ്.ഇന്ന് തന്റെ അന്താരാഷ്ട്ര ഏകദിന ക്രിക്കറ്റ്‌ കരിയറിലെ 47 മത്തെ സെഞ്ച്വറി സ്വന്തമാക്കിയാണ് പാകിസ്ഥാനെ കോഹ്ലി തകർത്തു വിട്ടത്.
രാഹുലിനെ കൂട്ടുപിടിച്ച അപരാചിത ഡബിൾ സെഞ്ച്വറി കൂട്ടുകെട്ട് പാകിസ്ഥാൻ തീയുണ്ട ബൗളേർമാരുടെ തീയെല്ലാം കെടുത്തി കളഞ്ഞിരിക്കുകയാണ്.94 പന്തിൽ 122 റൺസാണ് കോഹ്ലി സ്വന്തമാക്കിയത്.എന്നാൽ ഇപ്പോൾ അവസാന ഓവറിൽ കോഹ്ലി നേടിയ സിക്സാണ് ചർച്ചയാവുന്നത്.
അവസാന ഓവറിലെ അവസാന പന്ത് ഫഹീം അഷ്‌റഫിന്റെ ലോ ഫുൾ ടോസ്, സ്റ്റെപ് ഔട്ട്‌ ചെയ്തു ഇറങ്ങി വന്ന കോഹ്ലി, ഒരു ക്ലാസിക്കൽ ലോഫ്റ്റഡ് ഓൺ ഡ്രൈവ്. ബോൾ ഗാലറിയിലേക്ക്. ഇന്ത്യ 2 വിക്കറ്റ് നഷ്ടത്തിൽ 356. രാഹുൽ 111 നോട്ട് ഔട്ട്‌, കോഹ്ലി 122 നോട്ട് ഔട്ട്‌